2. Samuel 2:18 - O Debleskro Drom 2021 (Sinte)

¹⁸ Koi pashel his ninna kol triin phrala, kolengri dai i Zeruja his: o Joab, o Abishai, un o Asahel. O Asahel his sik har i wesheskri busni ap peskre herja.

O Debleskro Lab 2024 (Sinte-Manouche)

¹⁸ Koy pashel his ninna kol triin phrala, kolengri day i Serouya his: o Yoab, o Abishay, oun o Asahel. O Asahel his sik har i vesheskri bouzni ap peskre herya.

2. Samuel 2:18 ပူးပေါင်းရင်းမြစ်များ

2. Samuel 1:23

O Saul un o Jonatan, an lengro djipen kamam len un lengro baro dji. An lengro merepen hi le khetne. Jon his sikeder har i tchirklo un sorleder har i lewo.

2. Samuel 14:1

O Joab, koleskri dai i Zeruja hi, haiwas, kai o baro rajeskro dji pal o Absalom nashell.

2. Samuel 2:19

Un job las o Abneres palla, djas gar buder lestar krik. Te djas kowa tchatches, djas job tchatches. Te djas job serwes, djas job ninna koi.

2. Samuel 22:34

Job krell mire herja jaake sik, har te wans le i herja i wesheskri grumjatar, te wap soreles tardo ap i pralstune berge.

2. Samuel 23:24

Mashkral kol triin-deshende his: o Asahel, koleskro phraal o Joab hi, o Elhanan, koleskro dad o Dodo his dran Betlehem.

1. Rajengro liil 2:5

Koi hi ninna tchomone, hoi hunte penap tuke: Tu djineh, hoi kras mange o Joab, koleskri dai i Zeruja hi, har maras lo kol dui pralstune lurden pral Israel: o Abner, koleskro dad o Ner hi, un o Amasa, koleskro dad o Jeter hi. Job maras len, har kek kurepen his, har te wals lo an o kurepen. Kol dui murshen his kek doosh ap pende. Un o Joab anas lengro rat pral peste.

1. Familjakro liil 11:26

I sorele kurepangre hi kolla: o Asahel, koleskro phraal o Joab hi, o Elhanan, koleskro dad o Dodo his dran Betlehem.

1. Familjakro liil 12:8

o Joela, un o Sebadja, kolengro dad o Jeroham hi dran o foro Gedor.

1. Familjakro liil 12:9

Kalla hi i laba kolendar, kai wan pash o Davideste dran o kheer Gad, an ko tsiro, har his job pral ap i berga an peskro sorelo kheer an o mulo them. Jon his sorele mursha un kurepangre. Len his shilte un witsepangre tchurja, un jon kuran pen har lewe, un his sik har i tserfe ap i berge.

1. Familjakro liil 27:7

An o starto tchon his o Asahel, ko phraal o Joabestar, o pralstuno pral 24.000 lurdende. Un pal leste was leskro tchawo, o Sebadja, o pralstuno.

Debleskri gili 18:33

Job hi kowa, kai dell man soor un krell i latcho drom glan mande.

Sikepaskro 9:11

Pale dikom, har ap kai phub djala: O sikeder naashepaskro well gar glanstunes an. O sorleder kurepaskro hi gar o feteder lurdo. Sikle menshe hi gar kolla, konen o budeder chapen hi. I gosewe hi gar i brawele. Kowa, kai tchomone mishto haiwell, hi gar kowa, kai an-diklo hi. O tsiro un i bacht penenn, har hakeneske djal.

Kamlepaskri gili 2:17

O diwes te well shila, un o kham djal tele, ab pash mande, miro pirno! Ab sik har i wesheskri busni, har i terno tserfo ap i barrengre berge!

Kamlepaskri gili 8:14

Naash, miro pirno! Ab sik har i wesheskri busni un har i terno tserfo ap i berge, kai i burra tardo hi, hoi sungenna latcho.

Amos 2:14

Ninna kolla, kai nashenn nai sik, nai nashenn gar penge. Sorele mursha nashrenn pengri soor. Un kurepangre atchenn gar djido.

Habakuk 3:19

O baro Dewel krell man soreles. Job krell mire pire har i pire o tserfestar, te nai stap pral i berge un perau gar. Pash kai gili well bashedo ap dorjengre bashepangre.

1. Samuel 26:6

O David penas ap o Ahimelech, ko Hetari, un ap o Abishai, koleskri dai i Zeruja hi, un koleskro phraal o Joab hi: “Koon kamell mantsa tele ap i platsa pash o Saul te djal?” Un o Abishai penas: “Me djau tuha tele!”