2. Samuel 2:13 - O Debleskro Drom 2021 (Sinte)

¹³ Un o Joab, koleskri dai i Zeruja his, kowa djas kol lurdentsa o Davidestar ninna koi. Un jon tapran pen pash ko pani pash Gibeon, un atchan koi, kol jek ap kai rig, un kol wawar ap koi wawar rig ko panjestar.

O Debleskro Lab 2024 (Sinte-Manouche)

¹³ Oun o Yoab, koleskri day i Serouya his, kova djas kol lourdentsa o Davidestar ninna koy. Oun yon tapran pen pash ko pani pash Gibeon, oun ačan koy, kol yek ap kay rig, oun kol vavar ap koy vavar rig ko panyestar.

2. Samuel 2:13 ပူးပေါင်းရင်းမြစ်များ

2. Samuel 2:18

Koi pashel his ninna kol triin phrala, kolengri dai i Zeruja his: o Joab, o Abishai, un o Asahel. O Asahel his sik har i wesheskri busni ap peskre herja.

2. Samuel 20:23

O Joab his o pralstuno pral kol tsele lurdende an Israel. Un o Benaja, koleskro dad o Jojada his, his o pralstuno pral kol Kretarja un Pletarja.

2. Samuel 20:8

Har jon pash ko baro bar pash Gibeon his, was o Amasa glan lende koi. O Joab hidjras i baja, un koi pral i pereskri dori, ap kolate i lengsti tchuri an peskri shatula pandlo his. Te tchiwas pes o Joab glan, peras koi tchuri win.

2. Samuel 23:24

Mashkral kol triin-deshende his: o Asahel, koleskro phraal o Joab hi, o Elhanan, koleskro dad o Dodo his dran Betlehem.

2. Samuel 8:16

O Joab, koleskri dai i Zeruja hi, his o pralstuno pral i tsele lurdende, un o Josafat, koleskro dad o Ahilud his, his o baro rajeskro rakepaskro.

1. Rajengro liil 1:7

Un o Adonija rakras kol dui murshentsa, o Joab, koleskri dai i Zeruja his, un o rashajeha, o Abjatar. Kolla dui rikran ap o Adonija.

1. Rajengro liil 2:5

Koi hi ninna tchomone, hoi hunte penap tuke: Tu djineh, hoi kras mange o Joab, koleskri dai i Zeruja hi, har maras lo kol dui pralstune lurden pral Israel: o Abner, koleskro dad o Ner hi, un o Amasa, koleskro dad o Jeter hi. Job maras len, har kek kurepen his, har te wals lo an o kurepen. Kol dui murshen his kek doosh ap pende. Un o Joab anas lengro rat pral peste.

1. Familjakro liil 11:6

Un o David penas: “Koon o ersto hi, kai dell kol Jebusarjen, kowa wella o pralstuno lurdo!” Kote djas o Joab, koleskri dai i Zeruja hi, glan i wawarende pre an o foro, un was o pralstuno lurdo.

1. Familjakro liil 2:16

Un lengre phenja his: i Zeruja un i Abigail. Un i tchawe fun i Zeruja his: o Abishai un o Joab un o Asahel; khetne his le triin.

1. Familjakro liil 27:7

An o starto tchon his o Asahel, ko phraal o Joabestar, o pralstuno pral 24.000 lurdende. Un pal leste was leskro tchawo, o Sebadja, o pralstuno.

Jeremia 41:12

lan le i tsele murshen pash pende khetne, un djan koi, te kurenn le pen o Jishmaeleha. Jon tapran les pash ko baro pani pash o foro Gibeon.

1. Samuel 26:6

O David penas ap o Ahimelech, ko Hetari, un ap o Abishai, koleskri dai i Zeruja hi, un koleskro phraal o Joab hi: “Koon kamell mantsa tele ap i platsa pash o Saul te djal?” Un o Abishai penas: “Me djau tuha tele!”