2. Samuel 2:1 - O Debleskro Drom 2021 (Sinte)

¹ Pal kowa putchas o David o baro Deblestar: “Djap me an jek kol forjendar an o them Juda, te atchap kote?” Un o baro Dewel penas ap leste: “Dja koi!” Un o David putchas: “An hawo foro?” Penas o Dewel: “An Hebron.”

O Debleskro Lab 2024 (Sinte-Manouche)

¹ Pal kova poučas o David o baro Deblestar: “Djap me an yek kol foryendar an o them Youda, te ačap kote?” Oun o baro Devel penas ap leste: “Dja koy!” Oun o David poučas: “An havo foro?” Penas o Devel: “An Hebron.”

2. Samuel 2:1 ပူးပေါင်းရင်းမြစ်များ

1. Mose 13:18

Un o Abram djas peskre plachtene kherentsa trujel, un was pash o foro Hebron un atchas tel i bare ruka ko murshestar Mamre. Un kote kras job i chatchepaskri o baro Debleske, kai wenn vieche leske chatchedo.

1. Mose 32:2

Un o Jakob djas dureder. Un o Debleskre bolepangre tapran les ap o drom.

2. Samuel 15:7

Pal star bersha penas o Absalom ap o baro rajeste: “Me kamau an o foro Hebron te djal, te dap o baro Debleste kowa, hoi dom man sowel, te dap les.

2. Samuel 2:11

Ko tsiro, kai o David baro rai his pral o kheer Juda, un an o foro Hebron djiwas, kowa his efta bersha un shob tchon.

2. Samuel 5:19

O David putchas o baro Deblestar: “Djap me pral pash kol Filistarja? Kameh len an mire wasta te dell?” Un o baro Dewel penas ap o Davideste: “Dja pral! Me dau kol Filistarjen an tire wasta.”

2. Samuel 5:23

Un o David putchas o baro Deblestar, un kowa penas: “Tu djas gar pral glan lende. Tu wess palla pral lende un wess pral lende koi rigjatar, kai i balsamtikre ruka tchidde hi.

1. Rajengro liil 2:11

Ko tsiro, kai o David o baro rai his pral o Israel his star-deesh bersha. An ko tsiro djiwas lo an o foro Hebron efta bersha, un an o foro Jerusalem trijanda-te-triin bersha.

1. Familjakro liil 29:7

dan le pendar o Debleskro khereske: 5.000 zentnarja sonakai, 10.000 sonakangre kotja, 10.000 zentnarja rup, 18.000 zentnarja lolo saster un 100.000 zentnarja wawar saster.

2. Familjakro liil 11:10

Zora, Ajalon un Hebron. Kolla his i sorele forja an i themma Juda un Benjamin.

Debleskri gili 143:8

Ap i tsalla muk man tiro latchepen te shunell. Me dikau ap tute. Sike man hawo drom me hunte djap. Miro dji nashell pal tute.

Debleskri gili 27:4

Jek koowa mangau miro baro Deblestar, kowa kamaus me lestar, te nai atchoms an leskro kheer jaake rah har me djiwau, te nai dikap o tselo tsiro leskro shukapen, un nai putchap pal leskro kamlepen an leskro kheer.

Ezekiel 36:37

Kawa penell o baro Dewel, maro rai: Ninna kowa krau i menshenge dran o kheer Israel: Te mangenn le mandar, mukau lendar jaake bud te well, har hi len bakre.

4. Mose 13:22

Un jon djan an o them Negev, un wan bis pash o foro Hebron. Kote djiwas o Ahiman un o Sheshai un o Talmai, kolengro dad o Anak his. O foro Hebron was newo kerdo efta bersha glan o foro Zoan an o them Egiptia.

4. Mose 27:21

Un an tsirja, kai djinell lo gar, hoi te krell, hunte well lo glan o rashajeste Eleasar. Kowa hunte putchell mandar un hunte witsrell kol Debleskre barra, te hatsell lo win, hoi me, o baro Dewel, an kau koowa kamau. Jaake te sikrell o Eleasar o Josueske un i tsele Israelenge, hoi te krenn le.”

Josua 15:13

Un o Josua das o Kalebes peskro foro mashkral dren an o them Juda, jaake har o baro Dewel ap o Josua penas, te krell lo kowa. Kau foro kharas Arba, un kharell kanna Hebron. O Arba his o phuro dad kol menshendar, kai kharenn Anakarja.

Čačepangre 1:1

Un har o Josua meras, putchan i Israelitarja o baro Debles: “Koon mendar djal glanstunes an o kurepen i menshentsa an o them Kanaan?”

1. Samuel 10:22

Un jon putchan o baro Deblestar: “Was ko mursh kai?” Un o baro Dewel penas: “Job khatras pes ap i platsa, kai i koola hi.”

1. Samuel 23:2

Kote putchas o David o baro Deblestar: “Djap me pre ap kol Filistarja?” Un o baro Dewel penas: “Dja ap lende! Tu mareh len un leh o foro Kehila dran lengre wasta win.”

1. Samuel 23:4

Kote putchas o David gomme i duito kopo o baro Debles, un o baro Dewel penas: “Ste pre un dja an Kehila! Me kamau tumen i Filistarjen an tumaro wast te dell!”

1. Samuel 30:31

un Hebron, un an kol tsele gaba, kai o David peskre murshentsa dren un win djas.