2. Samuel 19:9 - O Debleskro Drom 2021 (Sinte)

⁹ Koi stas o baro rai pre, un beshas pes an o baro wudar. Un i tsele lurdenge was penlo: “Shunenn, o baro rai hi an o baro wudar beshdo!” Koi wan le lauter glan o baro rajeste. O Absalomeskre lurde nashan penge, hakeno an peskro kheer.

O Debleskro Lab 2024 (Sinte-Manouche)

⁹ Koy stas o baro ray pre, oun beshas pes an o baro voudar. Oun i tsele lourdenge vas penlo: “Shounenn, o baro ray hi an o baro voudar beshdo!” Koy van le lauter glan o baro rayeste. O Absalomeskre lourde nashan penge, hakeno an peskro kheer.

2. Samuel 19:9 ပူးပေါင်းရင်းမြစ်များ

2. Samuel 15:14

O David penas ap peskre an-dikle murshende, kai pash leste an o foro Jerusalem his: “Nashas menge! Mer nai tserdah men gar kokres dran o Absalomeskre wasta. Krenn sik, te ham krik, te well lo! Te taprell lo men, anell lo bibacht pral mende, un dell kol menshen an o foro o chareha mulo!”

2. Samuel 18:17

Un jon lan o Absalomes un witsran les an o weesh an i bari cheb, un tchiwan bud barra ap leste. Un o Absalomeskre lurde nashan penge, hakeno an peskro kheer.

2. Samuel 19:10

Un an o tselo them Israel tchingran pen i menshe un penan: “O baro rai David las men dran i tchilatche wasta win, ninna dran i wasta kol Filistarendar, un nashas kanna hunte dran o them, krik o Absalomestar.

2. Samuel 19:40

Un har kol tsele menshe wergel o pani Jordan djan, un o baro rai ninna ap i wawar rig his, tapras job o Barsillajes trujel, un rakras o Debleskri bacht pral leste win. Un kowa djas pale khere.

2. Samuel 22:44

Tu lal man win dran o tchingepen mire menshentsa, un kral man o rai pral i menshende dran wawar themma, Menshe, kolen me gar prindjrom, budrenn mange.

2. Samuel 5:20

Un o David was an Baal-Perazim, un kote das lo i Filistarjen, un penas: “Jaake har i sorelo pani peske i drom krell, kras mange o baro Dewel i drom mashkral kolende, kai kaman mange tchilatchepen.” Doleske kharell koi platsa “Baal-Perazim.”

Debleskri gili 18:43

Un me dom len khetne, dom len tiknes har tchik, hoi i baro ducho krik phurdell. Har tchik tchorom len win ap o drom.

2. Mose 32:24

Me putchom: ‘Kones hi sonakai?’ Jaake lan le pengro sonakai tele un dan les mande. Me lom ko sonakai un tchiwom les an i jag, un hoi win was, his ko terno gurum.”

1. Samuel 17:50

Jaake his o David o sorleder. Un les his kokres i witsepaskri un i bar. Un leskro bar tapras o Goliates un das les mulo. O Davides his kek charo an peskro wast.

1. Samuel 18:25

Un o Saul penas: Jaake penenn ap o David: “O baro rai kamell tchi wawares, hoi hunte dess leskro tchake, har o murshkano mass sheel mule Filistarendar. Job kamell lenge o tchilatchepen pale te dell, hoi le ap leste kran.” Tchatchepah kamas o Saul te perell o David an o wast i Filistarendar, un jon te denn les mulo.

1. Samuel 19:5

Job dikas gar ap peskro djipen, har djas lo koi un kuras pes o Filistareha un das les mulo. Jaake te las o baro Dewel o tselo Israel dran i wasta i Filistarendar. Un tu dikal kowa un hals bachtelo. Hoske kameh tu doosh ap tute te anell un i rat jekestar, koles kek doosh ap peste hi? Hoske kameh tu o Davides mulo te dell tchitcheske?”