2. Samuel 19:43 - O Debleskro Drom 2021 (Sinte)

⁴³ Koi penan kol tsele mursha dran o them Juda ap kolende dran Israel: “O baro rai hi jek mare menshendar. Hoske han tumer koi pral chojedo? Mer cham an kek tsiro o baro rajeskro chapen. Un job was menge gar latcheder har tumenge?”

O Debleskro Lab 2024 (Sinte-Manouche)

⁴³ Koy penan kol tsele morsha dran o them Youda ap kolende dran Israel: “O baro ray hi yek mare menshendar. Hoske han t'mer koy pral rhoyedo? Mer rham an kek tsiro o baro rayeskro rhapen. Oun yob vas menge gar lačeder har t'menge?”

2. Samuel 19:43 ပူးပေါင်းရင်းမြစ်များ

2. Samuel 19:14

Un ap o Amasa penenn: “Tu hal miro mass un miro rat. Tu weh o pralstuno pral mire lurdende jaake rah har tu djiweh, un buder gar o Joab. O Dewel nai dell man i phagi, te krau me kowa gar.”

2. Samuel 19:9

Koi stas o baro rai pre, un beshas pes an o baro wudar. Un i tsele lurdenge was penlo: “Shunenn, o baro rai hi an o baro wudar beshdo!” Koi wan le lauter glan o baro rajeste. O Absalomeskre lurde nashan penge, hakeno an peskro kheer.

2. Samuel 20:1

Kowa his jaake, kai koi an Gilgal i mursh his, kai tchi-moldo his. Leskro lab his Sheba. Leskro dad his o Bikri i menshendar Benjamin. O Sheba phurdas an i phurdepaskri un penas: “Tumer mursha dran Israel! O David hi gar mare menshendar. Men hi tchi te krell o Isajeskro tchaweha. Hakeno tumendar te djal an peskro kheer!”

2. Samuel 20:6

Koi penas o David ap o Abishai: “Kanna krell o Sheba menge budeder tchilatchepen har o Absalom. Le tu mire lurden un naash leske palla, te lell job gar i sorele forja penge, un khatrell pes kote.”

2. Samuel 5:1

Un pash o Davideste an o foro Hebron wan mursha dran i tsele deesh-te-dui bare familje dran Israel, un penan leske: “Shun, mer ham tire menshendar, tiro mass un rat.

1. Rajengro liil 12:16

Har i tsele Israelitarja dikan, kai kamas o baro rai gar ap lende te shunell, dan le gole: “Hoi djal men o David an un leskri familja! Hoi kran le menge? Mu dikenn le kokres pal lengro kheer! Nashas khere, mer dran Israel!” Kowa penan le, un hakeno djas pash peskro kheer.

Gosewe laba 13:10

Mank i pre-phurde hi hako tsiro tchingepen. Te hal gosewo, mukeh tuke tchomone te penell.

Gosewe laba 15:1

I kamlo lab krell te djal o wawareskri choli pale. I lab, hoi o wawares dukrell, krell les chojedo.

Gosewe laba 17:14

Muk tele o tchingepah jaake rah har lo gomme tikno hi! Tchingepen hi har pani, hoi dran i phub win phagell. Muk tele glan kowa job sorleder well!

Gosewe laba 18:19

I phraal, kai dukedo was an peskro dji, mukell gar peha te rakrell, un hi pandlo har i foro, kai hi i soreli massuri trul leste. Un o tchingepen hi har ko kashteskro, hoi o foreskro wudar pandell.

Remarja 12:21

Ma muk o tchilatchepen o rai pral tute te well! Muk o latchepen sorleder te well har o tchilatchepen!

Galatarja 5:15

Te dandrenn tumer tumen har midjak djukle, denn jak, te chal jek kol wawares gar pre!

Galatarja 5:20

Jon mangenn wawar koowa an har o Debles. Jon durkrenna. Jon kurenn pen un tchingrenn pen. Jon silwerenna, un len hi choli ap i wawarende. Jon dikenn ap pende kokres, te djal lenge mishto, un dikenn gar ap i wawarende, te djal lenge ninna mishto. Jon mukenn pengre phralen un djan wawarentsa khetne.

Galatarja 5:26

Mer rodas gar pal kowa, te was bareder un feteder har kol wawar. Mer tchingras gar un dikas gar tchilatche jakentsa ap kowa, hoi ko wawares hi!

Filiparja 2:3

Kek te krell tchomone, hoi leske kokres mishto hi, witar tchi, te well lo sharedo pash i menshende! Kek te krell, har te wals lo feteder har ko wawar! Na-a, ap hakeneste penau: Dik jaake ap o wawareste, har te wals lo bareder har tu!

Jakobo 1:20

Kek krell an i choli kowa, hoi o Dewel kamella.

Čačepangre 8:1

I mursha dran o kheer Efrajim penan ap leste: “Har nai kral tu sawo kowa mentsa, te djal an o kurepen i Midianentsa, un mukal men gar gole te dell?” Un jon tchingran soreles ap leste.

Čačepangre 9:23

Un palle bitchras o Dewel i tchilatcho ducho mashkral o Abimelech un i menshende an o foro Sichem. Un kolla rissran pen lestar tele, un rikran buder gar pash leste.