2. Samuel 19:42 - O Debleskro Drom 2021 (Sinte)

⁴² Koi wan kol tsele mursha dran Israel pash o baro rajeste un penan ap leste: “Hoske lan penge mare phrala, kol mursha dran o them Juda, ko tchatchepen, te anenn le tut, tiri familja un tire tsele lurden pral o pani Jordan?”

O Debleskro Lab 2024 (Sinte-Manouche)

⁴² Koy van kol tsele morsha dran Israel pash o baro rayeste oun penan ap leste: “Hoske lan penge mare phrala, kol morsha dran o them Youda, ko čačepen, te anenn le tout, tiri familya oun tire tsele lourden pral o pani Yordan?”

2. Samuel 19:42 ပူးပေါင်းရင်းမြစ်များ

2. Samuel 19:12

O baro rai David bitchras murshen pash kol rashajende Zadok un Abjatar un mukas lenge te penell: Rakrenn kol phurentsa an o them Juda, un putchenn lendar: “Hoske kamenn tumer, te wenn kol tsele wawar sikeder har tumer un lenn o baro rajes pale an leskro kheer? I tsele Israelitarja kamenn, te well job pale.

2. Samuel 19:43

Koi penan kol tsele mursha dran o them Juda ap kolende dran Israel: “O baro rai hi jek mare menshendar. Hoske han tumer koi pral chojedo? Mer cham an kek tsiro o baro rajeskro chapen. Un job was menge gar latcheder har tumenge?”

2. Samuel 2:4

Un kol mursha dran o them Juda wan, un makan o Davides dren o djeteha, te well job baro rai pral ko kheer Juda. Un har o Davideske penlo was, kai kol mursha dran o foro Jabesh an o them Gilead o Saules paskran,

2. Samuel 5:1

Un pash o Davideste an o foro Hebron wan mursha dran i tsele deesh-te-dui bare familje dran Israel, un penan leske: “Shun, mer ham tire menshendar, tiro mass un rat.

Čačepangre 8:1

I mursha dran o kheer Efrajim penan ap leste: “Har nai kral tu sawo kowa mentsa, te djal an o kurepen i Midianentsa, un mukal men gar gole te dell?” Un jon tchingran soreles ap leste.