2. Samuel 19:35 - O Debleskro Drom 2021 (Sinte)

³⁵ Penas o Barsillai ap o baro rajeste: “Me djiwau buder gar rah. Hoske djap me tuha tele an o foro Jerusalem?

O Debleskro Lab 2024 (Sinte-Manouche)

³⁵ Penas o Barsillay ap o baro rayeste: “Me djivau bouder gar rah. Hoske djap me touha tele an o foro Yerusalem?

2. Samuel 19:35 ပူးပေါင်းရင်းမြစ်များ

2. Samuel 13:25

O baro rai penas ap o Absalom: “Na-a, miro tchawo! Kolla wans jaake bud, te wals tuke kowa phares. Mer djas gar lauter.” Ninna te rakras o Absalom ap leste dren, kamas o David gar te djal, un bitchras les khere un penas: Atch mo Debleha.

2. Samuel 15:33

Un o David penas ap leste: “Ma dja mantsa! Te djah tu mantsa, nai wals tu har i bar ap miri heri.

2. Samuel 19:36

Me hom kai diwes deesh-te-ochta bersh phuro. Har nai djinau me, hoi latcho hi un hoi tchilatcho hi? Haiwau buder gar, hoi chau un pijau un shunau buder gar, hoi ko gipaskro un koi gipaskretsa giwenna. Kamau gar te wap i pharepen tuke, miro baro rajeske.

Esra 2:65

Win lino his lengre budepangre: Kolla his 7.337 (efta-serja-triin-sheel-te-trijanda-te-efta) mursha un djuwja: Koi pashel wan lengre gipangre: 200 (dui-sheel) mursha un djuwja.

Nehemia 7:67

Win lino his lengre budepangre. Kolla his 7.337 (efta-serja-triin-sheel-te-trijanda-te-efta) mursha un djuwja. Koi pashel wan lengre gipangre: 245 (dui-sheel-te-star-deesh-te-pantch) mursha un djuwja.

Hiob 12:11

Te shunell i mensho, hoi rakedo well, putchell lo pes gar, hoi tchatcho un hoi gar tchatcho hi? Kowa hi jaake har peskro mui djinell, hawo chapen latcho un hawo chapen gar mishto hi.

Hiob 6:30

Rakrell miro mui chochene laba? Na-a! Me djinau, hoi latcho un hoi tchilatcho hi!

Debleskri gili 90:10

Maro djipen hi 70 (efta-deesh) bersha, te hi bud, 80 (ochta-deesh) bersha. Un kowa, hoi menge shukar his, hi tchi har budi un pharepen. Un sikeder har sik hi lauter trujel.

2. Mose 12:4

Te hi gar doha menshe an leskro kheer, te chan le ko tselo bakro, palle chan le les khetne kol menshentsa, kai langs lende djiwenna. Hakenes te well i kotar mass.

2. Mose 2:8

“Awa, kre kowa!” penas joi. Koi las koi tchai o ternepaskri dat.

Sikepaskro 2:8

Me lom mange ninna rup un sonakai khetne, un hoi wawar raja un themma man dan. Me mukom gipangren pash mande khetne te well, murshen un djuwjen. Un man his jaake bud djuwja har kamom, te krenn le man bachtelo.

Hebrearja 5:14

O mursheskro chapen hi kolenge, kai djiwenna pal o Debleskro lab un haiwenn bud un budeder, hoi latcho un tchilatcho hi.

1. Petro 2:3

Tumer haiwan, har latcho maro rai Jesus hi.