2. Samuel 19:30 - O Debleskro Drom 2021 (Sinte)

³⁰ O baro rai penas ap leste: “Tu hunte rakress gar dureder! Kanna penau me: Tu un o Ziba, tumer lenn hakeno o paash o Sauleskro themestar!”

O Debleskro Lab 2024 (Sinte-Manouche)

³⁰ O baro ray penas ap leste: “Tou hounte rakress gar doureder! Kanna penau me: Tou oun o Siba, t'mer lenn hakeno o paash o Sauleskro themestar!”

2. Samuel 19:30 ပူးပေါင်းရင်းမြစ်များ

2. Samuel 1:26

Miro phraal Jonatan, miro kamlo maal, me rowau pral tute. Man his bari bacht pral tute. Tiro malengro kamlepen his mange feteder har i djuwjengro kamlepen.

2. Samuel 19:18

Pash leste his jek sero lurde dran o them Benjamin. Mank lende his ninna o Ziba, ko budepaskro, kai budras o Sauleskri familjake, peskre deesh-te-pantch tchawentsa un biish budepangre. Un jon wan glan o baro rajeste pash o pani Jordan,

2. Samuel 19:29

Miro dadeskro tselo kheer hunte wals mulo dino glan tute, o baro rajeste. Tu kamal, te beshap mank kolende, kai ap tiri chapaskri chana. Man hi kek tchatchepen, te dap budeder gole ap o baro rajeste, te well job ap miri rig.”

2. Samuel 19:31

O Mefi-Boshet penas ap o baro rajeste: “Job nai lell ninna lauter. Mange hi doha, te wal tu, miro baro rai sasto pale khere.”

2. Samuel 9:9

Koi das o baro rai pal o Ziba gole, kai o Sauleske budras, un penas ap leste: “Lauter, hoi his o Sauleske un leskri familja, dom me o Mefi-Boshet, ko tchawes tiro rajestar.

Bičepangre 20:24

Me dau tchi buder ap miro djipen. Jek koowa kamau me an miro djipen te krell: Me kamau koi budi te krell, hoi das man maro rai Jesus: Job penas mange, te penap i menshenge, har latcho o Dewel lenge hi, un har kras job i drom, te nai wenn le pash leste.

Filiparja 1:20

Me patsau te rikrell man o Dewel an o wast, un kamau o tselo djijestar te krap tchi, kai hunte ladjap man glan leste. Kamau gar, te trashap i menshendar. Jaake har rakrom hako tsiro o Jesus Kristestar, un trashom lendar gar, jaake kamau les ninna kanna an o stilepen te krell, ninna te hunte merap, te dikenn i menshe ap miro djipen un ap miro merepen, har baro un railo o Jesus Kristo hi.