2. Samuel 19:20 - O Debleskro Drom 2021 (Sinte)

²⁰ un penas ap o baro rajeste: “Mo rai, ma dik ap koi doosh, hoi me, tiro budepaskro, ap mande anom. Un biste, hoi ap tute krom, ap ko diwes, kai tu, mo baro rai, dran o foro Jerusalem djal. Mangau tut, miro baro rai, rike kowa gar an tiro dji!

O Debleskro Lab 2024 (Sinte-Manouche)

²⁰ oun penas ap o baro rayeste: “Mo ray, ma dik ap koy doosh, hoy me, tiro boudepaskro, ap mande anom. Oun biste, hoy ap toute krom, ap ko dives, kay tou, mo baro ray, dran o foro Yerusalem djal. Mangau tout, miro baro ray, rike kova gar an tiro dji!

2. Samuel 19:20 ပူးပေါင်းရင်းမြစ်များ

1. Mose 48:14

Un o Israel tchiwas peskri jek mussi pral o wawar un tchiwas peskro tchatcho wast ap o Efrajimeskro shero. Kowa his ko terneder. Un peskro serwo wast tchiwas lo ap o Manasseskro shero. Kowa his o phureder.

1. Mose 48:20

Jaake rakras o Israel ap ko diwes o Debleskri bacht win pral kol tchawende un penas: “Tumare labentsa sharenn pen i menshe an Israel. Jon penenna: O Dewel mu krell tut har o Efrajim un o Manasse!” Jaake tchiwas o Israel o Efrajimes glan o Manasse.

2. Samuel 16:5

Un o baro rai David was an o foro Bahurim. Koi was i mursh dran ko foro win. Kowa his o Sauleskre menshendar. Job kharas Shimi. Leskro dad his o Gera. O Shimi was pash o Davideste un praassas les,

2. Samuel 19:21

Me djinau, kai kowa tchilatcho his. Doleske hom me o glanstuno, te djap pash tute, miro rajeste, i tsele menshendar dran o Josefeskro kheer.”

2. Samuel 19:9

Koi stas o baro rai pre, un beshas pes an o baro wudar. Un i tsele lurdenge was penlo: “Shunenn, o baro rai hi an o baro wudar beshdo!” Koi wan le lauter glan o baro rajeste. O Absalomeskre lurde nashan penge, hakeno an peskro kheer.

1. Rajengro liil 12:20

Un har i menshe an Israel shunan, kai o Jerobeam pale pale was, bitchran le murshen pash leste, un mukan leske te penell, te well lo ap i tsillo. Un kote tchiwan le les pral pende, te well lo lengro rai, o rai pral Israel. Kokres i menshe dran o kheer Juda rikran ap o Davideskre tchawende.

1. Rajengro liil 12:25

Un o Jerobeam tchiwas o foro Sichem pale pre ap i berge Efrajim un djiwas kote. Palle djas lo kotar win un kras o foro Penuel sorleder.

Jeremia 22:23

Kanna hi tiro baro rai beshdo ap i berga Libanon, un mukell peske mishto te djal an khera dran zedertikro kasht. Sik well koi phagi pral leste. Un palle dell lo gole i dukatar, har i djuwel, kai lell i ternepen.

Hosea 5:15

Me djau mange pale kote, kai khere hom, bis te dikenn le pengri doosh dren un rodenn man. Te djal lenge gar mishto, palle putchenn le pale pal mande.

Hosea 5:3

Me prindjrau o Efrajim mishto, un kowa hoi o Israel krell, hi gar khatedo glan mande. O Efrajim lubras pes trujel, o Israel kras pes pale-tchiddo.