2. Samuel 19:19 - O Debleskro Drom 2021 (Sinte)

¹⁹ un djan wergel, te anenn le o baro rajes peskre menshentsa ap i wawar rig o panjestar Jordan un wenn leske koi. O Shimi, koleskro dad o Gera hi, witsras pes glan o baro rajeste tele, har kowa kamas wergel o pani Jordan te djal,

O Debleskro Lab 2024 (Sinte-Manouche)

¹⁹ oun djan vergel, te anenn le o baro rayes peskre menshentsa ap i vavar rig o panyestar Yordan oun venn leske koy. O Shimi, koleskro dad o Gera hi, vitsras pes glan o baro rayeste tele, har kova kamas vergel o pani Yordan te djal,

2. Samuel 19:19 ပူးပေါင်းရင်းမြစ်များ

2. Samuel 13:20

Un lakro phraal, o Absalom, putchas latar: “His tiro phraal, o Amnon, pash tute? Atch pokones, miri pheen! Job hi tiro phraal. Le kowa gar jaake phares!” Jaake atchas i Tamar an o kheer lakro phralestar Absalom kokres har i djuwel, kai was muklo.

2. Samuel 13:33

Miro rai, tu hunte patsess gar, kai tire tsele tchawe mulo hi. O Amnon kokres hi mulo.”

2. Samuel 19:18

Pash leste his jek sero lurde dran o them Benjamin. Mank lende his ninna o Ziba, ko budepaskro, kai budras o Sauleskri familjake, peskre deesh-te-pantch tchawentsa un biish budepangre. Un jon wan glan o baro rajeste pash o pani Jordan,

Debleskri gili 32:2

Bachtelo hi ko mensho, koneske o baro Dewel i doosh gar glan-rikrell, un an koleste kek chochepen hi.

Debleskri gili 79:8

De men kek phagi koleske, hoi mare phure kran! Kre sik tiro dji menge pre! Dik, men hi buder kek soor!

Sikepaskro 10:4

Te well o rajeskri choli pral tute, palle ma dja tutar; jek kai haiwell te rikrell lo pes pale, rakrell jaake, te djal i choli krik.

Jesaja 43:25

Kowa hom me, kai thowau o tchilatchepen tutar tele. Me kokres hom kowa, kai nai krell les. Un bistrau koi doosh, hoi tu ap tute lal.

Jeremia 31:34

Kek hunte penell ap o wawareste: Tu prindjress o baro Debles. Halauter djinenn, koon me hom, i tikne un i bare. Kowa penau me, o baro Dewel. Me bistrau koi doosh, hoi le ap pende anan, un lengro tchilatchepen well buder gar an miro shero.

4. Mose 12:11

penas job ap o Moseste: “Miro Rai, muk kai doosh gar ap mende te atchell! Kowa his dinlepen, hoi mer kram, un anam doosh ap mende.

Mateo 27:4

Un job penas ap lende: “Me anom doosh ap mande. Me phukrom ap koleste, kai kek doosh ap peste anas.” Penan le: “Kowa hi gar maro koowa. Kowa hi tiro koowa.”

2. Korintarja 5:19

O Dewel his an peskro tchaweste, o Jesus Kristeste, un kras, te nai wenn i menshe leha khetne. Lengri doosh las lo lendar krik. Jaake was kowa krik lino, hoi his mank lende un o Debleste tardo. Mende das lo kai budi, te penas kal latche laba i menshenge.

1. Samuel 22:15

Ko diwes his gar o ersto kopo, kai putchom o Debles leske! Sawo koowa krau me gar, te phukrap ap tute! Miro baro rai, ma tchip sawi phari doosh ap mande, witar gar ap miro dadeskro kheer. Me djinom kolestar lauterestar gar tchi.”

1. Samuel 25:25

Miro rai, ma choje tut pral o Nabal, ko tchi-moldo! Har leskro lab, jaake hi lo ninna! Nabal kharell lo, un i narwelo hi lo. Me, tiri budepaskretsa, dikom kol murshen gar, kai bitchral.

1. Samuel 26:21

Un o Saul penas: “Me lom doosh ap mande, miro tchawo. Am pale pale! Me kamau tuke buder kek tchilatchepen te krell. Dikau, miro djipen his kau diwes kutch an tire jaka! Kowa hoi me krom, his dineles, un anom bari doosh ap mande!”