2. Samuel 18:2 - O Debleskro Drom 2021 (Sinte)

² Pral kolla lauter tchiwas job triin lurdengre rajen, hakenes pral i triinto kotar kol lurdendar. Kolla triin his: o Joab, leskro phraal o Abishai, koleskri dai i Zeruja hi, un o Itai dran Gat. Un o baro rai penas ap i lurdende: “Me kamau tumentsa an o kurepen te djal.”

O Debleskro Lab 2024 (Sinte-Manouche)

² Pral kolla lauter čivas yob triin lourdengre rayen, hakenes pral i triinto kotar kol lourdendar. Kolla triin his: o Yoab, leskro phraal o Abishay, koleskri day i Serouya hi, oun o Itay dran Gat. Oun o baro ray penas ap i lourdende: “Me kamau t'mentsa an o kourepen te djal.”

2. Samuel 18:2 ပူးပေါင်းရင်းမြစ်များ

2. Samuel 17:11

Doleske penau tuke: Le tuke kol tsele murshen dran Israel khetne mank Dan un Beersheba. Kolla hi jaake bud har i santa pash o baro pani. Kolentsa djas tu tuke an o kurepen.

2. Samuel 21:17

O Abishai, koleskri dai i Zeruja his, was leske ap i rig, un das kol Filistares mulo. Koi dan o Davideskre lurde les sowel, un penan: “Tu djas mentsa gar buder an o kurepen, te djal koi momeli an Israel gar win!”

2. Samuel 23:18

O Abishai, koleskro phraal o Joab hi, un kolengri dai i Zeruja hi, kowa his ko pralstuno kol triin-deshendar. O Abishai las leskro witsepaskro tchuri, un das triin-sheel lurden mulo, un les his i baro lab mank kol triin-deshende.

2. Samuel 8:16

O Joab, koleskri dai i Zeruja hi, his o pralstuno pral i tsele lurdende, un o Josafat, koleskro dad o Ahilud his, his o baro rajeskro rakepaskro.

1. Rajengro liil 2:28

Un o Joab shunas, hoi kote djas. An ko tsiro, har hadas pes o Absalom pral o Davideste, rikras o Joab gar ap o Absalom. Kau kopo, har kamas o Adonija baro rai te well, tchiwas lo pes ap koleskri rig. Har job kanna shunas, hoi kol murshentsa, o Adonija un o Abjatar, djas, kote nashas o Joab sik an o baro Debleskro plachteno kheer, un tapras kote i shinga ap i chatchepaskri an.

Debleskri gili 3:6

Me tchiwom man tele un sowom, un djinom, har djangrom, o baro Dewel das jak ap mande i tseli rat.

Čačepangre 7:16

Un dran kol triin shelendar tchiwas job triin kope sheel murshen khetne. Un hakenes das lo i phurdepaskri un i khoro. Un an ko khoro his i kasht, hoi chatchell.

Čačepangre 7:19

Un o Gideon un kol sheel mursha, kai leha djan, wan pash koi platsa mashkral an i rat. Un o Gideon un kol mursha trul leste phurdan an i phurdepangre, un dan kol khore paash, hoi an lengre wasta hi.

Čačepangre 9:43

las lo peskre tsele lurde, kras lentsa triin gruppe, un tchiwas pes lentsa an i hachetikri phub khatemen. Un har dikas lo, te wenn le dran o foro, was lo peskre lurdentsa dran o khatepen, te perell lo ap lende.

1. Samuel 11:11

Sik taissarlakro mukas o Saul peskre lurden jaake khetne tardo te well, te his hako kopo i triinto kotar khetne tardo. Jaake djan le triin rigjendar ap i platsa, kai i Ammonarja hi. Kowa his gomme glan o tsiro, kai o kham pre djas. Un jon maran i Ammonarja bis mashkral o diwes. Un kolla, kai djides atchan, nashan penge, jaake te atchan gar dui lendar khetne.