2. Samuel 18:18 - O Debleskro Drom 2021 (Sinte)

¹⁸ Har o Absalom djiwas, penas lo: “Man hi kek tchawo, kai rikrell miro lab djido, te merell miro lab gar win.” Doleske tchiwas lo peske i baro bar pre un das ko bar peskro lab. Un jaake kharell ko bar bis kai diwes ‘O Absalomeskro bar’. Kowa hi ap o baro rajeskro them tardo.

O Debleskro Lab 2024 (Sinte-Manouche)

¹⁸ Har o Absalom djivas, penas lo: “Man hi kek čavo, kay rikrell miro lab djido, te merell miro lab gar vin.” Doleske čivas lo peske i baro bar pre oun das ko bar peskro lab. Oun yaake kharell ko bar bis kay dives O Absalomeskro bar. Kova hi ap o baro rayeskro them tardo.

2. Samuel 18:18 ပူးပေါင်းရင်းမြစ်များ

1. Mose 11:4

Un jon penan: “Awenn, mer krah menge i foro un i baro kheer, hoi djal an o bolepen. Jaake sikrah hakeneske, har baro mer ham. Un mer atchah khetne an ko them.”

1. Mose 11:9

Doleske kharell ko foro Babel. Kote kras o baro Dewel, kai jek i wawareskro rakepen buder gar haiwella. Jaake kras job, te atchan le koi buder gar khetne un hunte djan dran jek them an i wawar pral i tseli phub.

1. Mose 14:17

Jaake das o Abram o baro rajes Kedor-Laomer un kol bare rajen, kai pash leste his. Koi pal djas o Abram khere. Ap o drom khere an i tala Shawe was o rai pral o foro Sodom pash leste. Koi tala kharella ninna Rajeskri tala.

2. Samuel 14:27

O Absalomes his triin tchawe un jek tchai. Koja kharas Tamar, un his i shukar tchai.

Debleskri gili 109:13

Kre, te merenn kolla win, kai pal leste wenna. Leskre tchawengre tchawen wenn kek tchawe buder, jaake te well lengro lab bistedo.

Debleskri gili 49:11

Na-a, mer dikah: O gosewo hunte merell, jaake har o narwelo un o dinelo ninna. Un lauter, hoi len his, hunte mukenn le pale i wawarenge.

Jesaja 22:16

Koneske rikreh tut? Un koon dell tut o tchatchepen, te mukeh tu tuke kate i mulengro kheer te krell, un mukell les an i baro bar win te dell, jek kheer, hoi baro hi un dur an i bar djal.

Jeremia 22:30

Kowa penell o baro Dewel: An ko liil, kai o bare rajengre laba dren tchinlo wenna, tchinenn kau mursheskro lab jaake, har te wals job kek tchawentsa, un koleske tchi mishto djas an peskro tselo djipen. Kek leskre tchawendar well baro rai pral o them Juda un beshdo ap o Davideskri beshepaskri.

Daniel 4:30

Un gomme an ko tsiro, har lo koi pral tardo his, was kau lab tchatcho. Un job was pale-tchiddo un djiwas buder gar mank i menshende. Un job chas khass har i grumja. Un job tchiwas pes win tele. Un o brishin peras ap leste tele un kras les sapeno. Leskre balla wan jaake lengsto har i phora bare tchirklendar, un leskre naja bango har i tchirklengre tsebe.

4. Mose 32:42

O Nobach djas koi, un las o foro Kenat peske dren un kol gaba trujel, un das les ko lab Nobach, jaake har job kharell.

1. Samuel 15:12

Un o Samuel stas sik taissarlakro pre, te djas lo pash o Saul. Un leske was penlo, te was o Saul an o foro Karmel, un mukas peske kote barra pre te tchiwell, hoi sikrenn, te was job o sorleder pral i Amalekarja. Un o Samueleske was ninna penlo, te djas o Saul dureder un was tele an o foro Gilgal.