2. Samuel 17:23 - O Debleskro Drom 2021 (Sinte)

²³ O Ahitofel shunas, kai was kowa gar kerdo, hoi job penas. Koi tchiwas lo i ledertikri plachta ap peskri burika, beshas pes koi pre un klissas khere an peskro foro. Kote penas lo i menshenge an peskro kheer, hoi te krenn le pal leskro merepen. Palle bladas lo pes pre, un meras. Un job was paskedo an o mulengro kheer peskro dadestar.

O Debleskro Lab 2024 (Sinte-Manouche)

²³ O Ahitofel shounas, kay vas kova gar kerdo, hoy yob penas. Koy čivas lo i ledertikri plarhta ap peskri bourika, beshas pes koy pre oun klissas khere an peskro foro. Kote penas lo i menshenge an peskro kheer, hoy te krenn le pal leskro merepen. Palle bladas lo pes pre, oun meras. Oun yob vas paskedo an o moulengro kheer peskro dadestar.

2. Samuel 17:23 ပူးပေါင်းရင်းမြစ်များ

2. Samuel 15:12

Un o Absalom anas viechen, te wenn le chatchedo o Debleske. An o foro Gilo djiwas o Davideskro rakepaskro, o Ahitofel. Koles mukas o Absalom ninna pash peste te anell. Un kol mursha, kai djan o Absalomeha, wan bud un budeder. Jaake wan kolla bud, kai tchiwan pen tchorchanes leha khetne.

2. Samuel 15:31

Un har o Davideske penlo was, kai o Ahitofel ap o Absalomeste rikrell, penas job: “Baro Dewel, kre te patsell hakeno, kai kowa, hoi o Ahitofel penell, dinlepen hi!”

2. Samuel 16:23

An ko tsiro his i laba, hoi o Ahitofel rakras, jaake bud moldo har o Debleskre laba. O David un o Absalom shunan ap lende, jaake har te putchans jon o Deblestar tchomone, un job penals kawa.

2. Samuel 17:22

Koi djas o David un kol tsele menshe, kai pash leste hi, wergel o pani Jordan. Un har taissarlakro was, his le lauter ap i wawar rig. Kek lendar atchas pale.

1. Rajengro liil 16:18

Har o Simri dikas, kai ko foro dren lino wella, djas lo ap i turmo peskro kherestar, chatchras peskro kheer un meras an i jag.

2. Rajengro liil 20:1

An kol diwessa was i merepaskro nasslepen pral o Hiskija. Un o Debleskro rakepaskro, o Jesaja, koleskro dad o Amoz his, was pash leste un penas ap leste: “Kawa penell o baro Dewel: ‘Tu weh gar sasto kau nasslepastar un hunte meress. Doleske pen tire menshenge, har te djal pal tiro merepen dureder!’”

Hiob 31:3

Pral i tchilatcho well bibacht, un koleske, kai krell djungelo koowa, djal tchi mishto.

Debleskri gili 109:20

Kowa well i phagi o baro Deblestar kolenge, kai doosh ap mande pre anenn un tchilatcho koowa pral mande rakrenn.

Debleskri gili 5:10

Ap lengro lab nai dell jek tchi. An lende hi tchilatchepen. Lengro rakepen anell o merepen. Jon rakrenn dui tchipjentsa.

Debleskri gili 55:23

Witse kowa, hoi tuke phares hi, ap o baro Debleste! Job hi kowa, kai lell tiro koowa an peskro wast. An kek tsiro mukell job koles te perell, kai an o tchatchepen tardo hi.

Gosewe laba 16:18

Koon pes bares krell, well phagedo. Un i pre-phurdo mensho perell.

Gosewe laba 19:3

O mensheskro dinlepen anell les ap i drom, kai nashrell lo pes. Un palle dell lo o baro Debleste i doosh.

Jesaja 38:1

An kol diwessa was i merepaskro nasslepen pral o Hiskija. Un o Debleskro rakepaskro, o Jesaja, koleskro dad o Amoz his, was pash leste un penas ap leste: “Kawa penell o baro Dewel: ‘Tu weh gar sasto kau nasslepastar, un hunte meress. Doleske pen tire menshenge, har te djal pal tiro merepen dureder!’”

Mateo 27:5

Koi witsras lo kol trijanda rupene beme an o Debleskro baro kheer, nashas lendar, tchiwas i dori trul peskri meen, un tassras pes.