2. Samuel 17:17 - O Debleskro Drom 2021 (Sinte)

¹⁷ O Jonatan un o Ahimaaz his tardo pash o pani, hoi kharell Rogel. Jon nai mukan pen gar an o foro te dikell. Un i budepaskretsa was pash lende un penas lenge, hoi jon hunte penenn o Davideske.

O Debleskro Lab 2024 (Sinte-Manouche)

¹⁷ O Yonatan oun o Ahimaaz his tardo pash o pani, hoy kharell Rogel. Yon nay moukan pen gar an o foro te dikell. Oun i boudepaskretsa vas pash lende oun penas lenge, hoy yon hounte penenn o Davideske.

2. Samuel 17:17 ပူးပေါင်းရင်းမြစ်များ

2. Samuel 15:27

Un o baro rai penas ap o rashajeste Zadok: “Tu un o Abjatar, djan pale an o foro an o latchepen, tu un tiro tchawo, o Ahimaaz, un o Abjatar un leskro tchawo, o Jonatan.

2. Samuel 15:35

Ninna kol rashaja, o Zadok un o Abjatar, hi tuha an o foro. Lauter, hoi tu dran o baro rajeskro kheer shuneh, peness tu kolende.

2. Samuel 15:36

Pash lende hi lengre dui tchawe, o Ahimaaz, un o Jonatan. Kolla nai phukrenn mange lauter, hoi tumer shunenna.”

1. Rajengro liil 1:42

Har job gomme rakras, was o Jonatan, koleskro dad o rashai Abjatar hi. Un o Adonija penas ap leste: “Ab kate pash mande! Tu hal i mursh o labestar un aneh menge latche laba.”

1. Rajengro liil 1:9

Un o Adonija kras i baro chapen pash o bar, hoi kharell Sohelet pash o pani Rogel. Un anas bakren un grumjen un thulle terne grumjen o Debleske, [te wenn leske kol feteder kotja mass chatchedo, un te chan le ko wawar mass.] Un peskre phralenge, o baro rajeskre wawar tchawenge, mukas lo te penell, te wenn le pash o chapen. Ninna i tsele wawar murshenge dran Juda, kai budran an o baro rajeskro kheer, mukas lo te well.

Josua 15:7

un dureder an i tala Achor un pral pash o foro Debir, un dureder ap koi nordetikri rig pash o foro Gilgal. O foro Gilgal his tchiddo ap i wawar rig o dromestar, hoi djas an i berga Adummim. Kai berga hi ap koi rig fun i tala, kai o kham pralstunes hi. Un ko drom, hoi sikras, har dur o them djal, djas fun o foro Gilgal dureder pash o pani En-Shemesh un pash o pani, hoi kharell En-Rogel,

Josua 18:16

Un kotar djas o drom tele glan i berga, hoi hadell pes glan i tala Hinnom. Kai berga hi tchiddo ap i nordetikri rig ko telstuno themestar, hoi kharell Refajim. Palle djas o drom tele an i tala Hinnom un dureder an i tala langs koi berga, kai ko foro tchiddo hi, kai i Jebusarja djiwan, ap koi rig i bergatar, kai o kham pralstunes hi. Fun kotar djal lo tele bis pash o pani En-Rogel,