2. Samuel 17:12 - O Debleskro Drom 2021 (Sinte)

¹² Un kote, kai hatsah les, perah pral leste jaake har o brishino ap i phub perella. Un mer mukah lestar un leskre lurdendar kekes pral, gar jek.

O Debleskro Lab 2024 (Sinte-Manouche)

¹² Oun kote, kay hatsah les, perah pral leste yaake har o brishino ap i phoub perella. Oun mer moukah lestar oun leskre lourdendar kekes pral, gar yek.

2. Samuel 17:12 ပူးပေါင်းရင်းမြစ်များ

1. Rajengro liil 20:10

Kote bitchras len o Ben-Hadad pale pash o Ahab, un mukas leske te penell: “I debla nai denn man mulo, te dau me gar o foro Samaria paash. Kau forestar atchell gar jaake bud pral, te nai lell hakeno mire lurdendar jek wast pherdo tchik peha.”

2. Rajengro liil 18:23

Un kanna krau tuha win an o lab miro rajestar, ko baro rajestar pral o them Assur: Me kamau tuke 2.000 (dui serja) graja te dell, te nai hatseh 2.000 mursha, kai klissenn len?

2. Rajengro liil 19:24

An i wawarengro them pani hatsom, un kolestar pijom. Pash i Egiptarja kanna djau, un lengre panja mire pirentsa truk krau.”

Debleskri gili 110:3

Tu te deh tire lurden gole, wenn le lauter o djijestar tuha. Shukar an-rido hi kol terne mursha, kai wenn pash tute ap o Debleskri berga, railo har o diwes, te djal o kham pre.

Obadja 1:3

Tiro sorelo foro hi tardo ap i bare barra, tu djiweh pral an i berge. Doleske phurdal tu tut pre. Dik, tiro dji chochras tut, har lo tuke dren rakras: ‘Kek nai witsrell tut tele ap i phub.’

Micha 5:7

Kolla, kai atchan pral o Jakobeskre menshendar, hi i menshenge an i wawar themma har i lewo mank i wawar viechende an o weesh, har i terno lewo mank i bakre. Job perell pral lende, marell len un dandrell len khetne. Un kek nai rikrell les pale.

1. Samuel 23:23

Lenn hako khatepen an i jak, kai khatrell lo pes. Un te djinenn kowa lauter, palle awenn pale pash mande kai! Un me djau tumentsa. Un te hi lo an o them, palle hatsau me les ninna. Un te hunte rodoms ninna an o tselo them Juda pal leste!”