2. Samuel 17:10 - O Debleskro Drom 2021 (Sinte)

¹⁰ Palle lell hakeno daar, ninna te hi lo i kurepaskro, un les i dji hi har i lewo. O tselo Israel djinella, kai tiro dad i tchatcho mursh hi, un leskre lurde tchatche kurepangre hi.

O Debleskro Lab 2024 (Sinte-Manouche)

¹⁰ Palle lell hakeno daar, ninna te hi lo i kourepaskro, oun les i dji hi har i levo. O tselo Israel djinella, kay tiro dad i čačo morsh hi, oun leskre lourde čače kourepangre hi.

2. Samuel 17:10 ပူးပေါင်းရင်းမြစ်များ

1. Mose 49:9

Miro tchawo, tu hal sorelo har i terno lewo, kai hi tchalo o viechestar, hoi maras lo, un djal pale, kai lo khere hi, beshell pes un tchiwell pes tele. Un hakenes hi daar, te taprell lo les an.

2. Samuel 1:23

O Saul un o Jonatan, an lengro djipen kamam len un lengro baro dji. An lengro merepen hi le khetne. Jon his sikeder har i tchirklo un sorleder har i lewo.

2. Samuel 17:9

Shun, kowa hi nai jaake, kai khatras job pes mank bare barra oder an i wawar khatepen. Palle, te well kowa jaake, kai tire lurdendar maredo wenna, nai wals penlo, kai o Absalomeskre tsele lurde maredo wan.

2. Samuel 23:20

O Benaja, koleskro dad o Jojada his, dran o gab Kabzeel, his i wawar kurepaskro mursh, kai baro koowa kras. Kowa das kol dui sorele murshen mulo, kai wan kharedo ‘lewe dran Moab’. Ap i diwes, kai gib das, djas lo an i brunna, un das koi i lewes mulo.

Debleskri gili 89:19

Baro Dewel, tu dal men koles, kai ap mende garda della. Tu, o Dewel pral o Israel, rodal les win, te well lo maro baro rai.

2. Mose 15:15

I bare raja an o them Edom trashan, un kol sorele raja an o them Moab trissan. I tsele menshe an o them Kanaan daran, awa, lauteren tapras i daar.

Gosewe laba 28:1

O tchilatcho hi ap o naashepen, ninna te lell les kek palla. Kowa, kai an o tchatchepen tardo hi, hi har i terno lewo un darell tchi.

Kamlepaskri gili 3:7

Dikenn mishto kote! Kowa hi o Salomeskro tchiben! Shob-deesh tchatche mursha hi trul leste, kol sorleder murshendar an Israel.

Jesaja 13:7

Doleske hi i menshen buder kek soor, te krenn le tchomone, un daar peras ap lende.

Jesaja 19:1

Kate sikrell o Dewel, hoi pral o them Egiptia wella: O baro Dewel ulerell ap i sik wolka un well pral o them Egiptia. Un i tsele chochene debla an Egiptia trissenna glan leste. Un i Egiptarenge perell o dji an i cholopja.

Ezekiel 21:15

Mishto tchinell lo. te marell lo bud menshen. Un djudjo kerdo hi lo, jaake djudjo har i blendari. Ma penenn: “Mer nai wah bachteles. Maro rai sal pral i tsele wawar rajende.”

5. Mose 1:28

Kai djas koi? Mare phrala kran mare djia darenes, har penan le ap mende: Kolla menshe hi sorleder un bareder har mer, lengre forja hi baro un lengre massurja djan pre bis pash o bolepen. Un ninna dikam mer o Anakarja kote!’

Hebrearja 11:34

Wawar wan an i jag witsedo, un i jag nai chatchan len gar. Wawaren kaman i menshe i chareha te marell, un jon nai nashan penge. Kolla, kai kek soor buder an lende his, kolen kras o Dewel soreles. An o kurepen lan le i soor, te tradan le i wawar lurden krik.

1. Samuel 16:18

Un jek kol terne murshendar penas: “Shun, o Isai dran Betlehem, les hi i tchawo, ko haiwell i harfa latches te bashrell. Ninna hi lo i tchatcho mursh, kai haiwell pes mishto te marell. Un job hatsella hako tsiro i laba, hoi penlo hunte wenn. Un job hi i shukar mursh. Un o baro Dewel hi leha.”

1. Samuel 18:17

Un o Saul penas peske: “Miro wasteha kamau gar o Davides te marell. I Filistarja mu denn les mulo.” Doleske penas lo ap o David: “Me kamau tut miri phureder tchat, i Merab, te dell, te romedineress lat. Tu, ab i tchatcho mursh un kure tut mishto an o baro Debleskro kurepen.”