2. Samuel 16:8 - O Debleskro Drom 2021 (Sinte)

⁸ Tu lal o Sauleske leskri rajeskri beshepaskri tuke! Kanna anell o baro Dewel o tselo rat o Sauleskre menshendar pral tute. O rajeskri beshepaskri das o baro Dewel tiro tchaweste, o Absalomeste. Marepaskro, kai hal, kanna hal tu an i bibacht!”

O Debleskro Lab 2024 (Sinte-Manouche)

⁸ Tou lal o Sauleske leskri rayeskri beshepaskri touke! Kanna anell o baro Devel o tselo rat o Sauleskre menshendar pral toute. O rayeskri beshepaskri das o baro Devel tiro čaveste, o Absalomeste. Marepaskro, kay hal, kanna hal tou an i bibarht!”

2. Samuel 16:8 ပူးပေါင်းရင်းမြစ်များ

2. Samuel 1:16

Glan kowa penas o David ap o Amalekari: “Tu anal leskro rat ap tute. Doleske meress! Tiro mui phukras ap tute, har tu penal: ‘Me dom koles mulo, koles o baro Dewel win rodas, te well lo baro rai.’”

2. Samuel 19:19

un djan wergel, te anenn le o baro rajes peskre menshentsa ap i wawar rig o panjestar Jordan un wenn leske koi. O Shimi, koleskro dad o Gera hi, witsras pes glan o baro rajeste tele, har kowa kamas wergel o pani Jordan te djal,

2. Samuel 19:21

Me djinau, kai kowa tchilatcho his. Doleske hom me o glanstuno, te djap pash tute, miro rajeste, i tsele menshendar dran o Josefeskro kheer.”

2. Samuel 21:1

An ko tsiro, kai o David djiwas, was i bari bok pral o them, un i menshen his triin bersh tchi te chal. Un o David putchas o baro Deblestar, hoske kowa jaake hi. Un o baro Dewel penas: “Ap o Saul un ap leskro kheer hi i rateskri doosh tchiddo, doleske, kai o Saul das kol Gibeonarjen mulo.”

2. Samuel 21:9

Un o David das len an kol wasta i Gibeonendar. Kolla bladan len pre ap koi berga glan o baro Debleste. Jaake wan kol efta ap jek kopo maredo. Kowa his an kol diwessa, kai was o djob tele tchinlo.

1. Rajengro liil 2:8

Un dik, pash tute hi o Shimi, koleskro dad o Gera hi, dran o foro Bahurim an o them Benjamin. Kowa praassas man an ko tsiro, kai djom me an o foro Mahanajim. Pal kowa was lo pash mande pash o pani Jordan. Un kote dom man sowel glan o baro Debleste, un penom: ‘Me marau tut gar.’

Debleskri gili 3:2

Baro Dewel, dik, har bud hi kolla, kai ap mande djan! Dik, har bud hadenn pen ap mande!

Debleskri gili 4:2

Shun man, te dau ap tute gole! Miro Dewel, kai deh man tchatcho! An miri daar kral tu miro dji soreles. Ab latches ap mande un shun har me tut mangau!

Debleskri gili 55:3

Dik ap mande un shun, har gole dau un rowau.

Debleskri gili 7:4

Baro Dewel, tu hal miro Dewel, me te krom sawo koowa, hoi penan le, un te hi doosh ap mande,

Gosewe laba 26:2

Har i tchirklo, hoi hadell pes an o bolepen, un well gar tele pash i mensheste, jaake hi o praassepen, hoi was win rakedo pral jekeste, kai kek doosh ap peste anas. Ko praassepen taprell les gar.

Debleskro tsiro 16:6

Jon maran tire menshen, ninna tire rakepangren, un mukan lengro rat te nashell. Un kanna hunte pijenn le o rat. Kowa hi lengri phagi.”

Čačepangre 9:24

Jaake te well ko tchilatchepen ap leste pale, hoi job ap kol efta-deesh tchawende peskro dadestar Gideon kras. Un lengro rat te well ap lengro phraleste Abimelech, kai len temerl das, un ap kolende, kai an o foro Sichem djiwan un leskre wasta soreles kran.