2. Samuel 16:16 - O Debleskro Drom 2021 (Sinte)

¹⁶ Un o Hushai, ko Davideskro maal, djas pash o Absalomeste, un das soreles gole: “O baro rai mu djiwella! O baro rai mu djiwella!”

O Debleskro Lab 2024 (Sinte-Manouche)

¹⁶ Oun o Houshay, ko Davideskro maal, djas pash o Absalomeste, oun das zoreles gole: “O baro ray mou djivella! O baro ray mou djivella!”

2. Samuel 16:16 ပူးပေါင်းရင်းမြစ်များ

2. Samuel 15:32

Un o David was pral ap i berga, kote, kai o Dewel an-mangedo wella. Kote tapras lo peskro males, o Hushai, i menshendar Arki. Les his i paashno ripen ap leste un tchik ap leskro shero.

2. Samuel 15:34

Dja pale an o foro, un pen ap o Absalomeste: ‘Me kamau tiro budepaskro te well, jaake har homs tiro dadeskro budepaskro.’ Hal tu jaake pash o Absalomeste tardo, nai peneh tu, kai kowa gar mishto hi, hoi o Ahitofel penell.

2. Samuel 15:37

Jaake was o Hushai, o Davideskro maal, an o foro, har djas o Absalom an o foro Jerusalem dren.

1. Rajengro liil 1:25

Job djas kau diwes koi, un maras o Debleske mursh grumjen un thulle terne grumjen un bud bakre, un mukas tire tsele tchawenge te penell, te wenn le pash o chapen. Ninna i pralstune lurden, un o rashajes Abjatar mukas lo te well. Un kanna chan un pijenn le glan leste, un denn gole: ‘I rah djipen o baro rajeske Adonija!’

1. Rajengro liil 1:34

Un kote makenn le les dren o latcho djeteha, o rashai o Zadok, un o Debleskro rakepaskro, o Natan, te well lo baro rai pral Israel. Un tumer phurdenn an i phurdepangre un denn pashel gole: ‘I rah djipen o baro rajeske, o Salomo!’

1. Rajengro liil 4:5

O rai pral kol pralstunende, kai his tardo pral o them, his: o Asarja, koleskro dad o Natan his. O baro rajeskro maal his: o Sabud, koleskro dad o Natan his.

2. Rajengro liil 11:12

Palle mukas o Jojada o baro rajeskro tchawes win te well, te nai dikell les hakeno, un tchiwas leske koi rajeskri stadi ap o shero, un das les ko liil, kai tchinlo hi, hoi te krell lo. Un tchoras djet pral leskro shero, te well lo baro rai. Koi dan le halauter an i wasta un dan gole: O baro rai te djiwella!

Daniel 2:4

Kote rakran i durkepangre an aramtikes ap leste un penan: “Maro baro rai, te djiwess hako tsiro! Pen tiri suni ap mende, tire budepangre! Un mer kamah tuke te penell, hoi koi suni kamell te penell.”

Daniel 5:10

Win shunas i rajeskri dai i gole, hoi o baro rai un leskre bare mursha kran. Un joi djas an o kheer, kai pilo was, un penas: “Rai, te djiwess hako tsireske! Muk tuke kowa kek daar te krell! Tu hunte wess gar jaake parno.

Daniel 6:21

Un har job pash koi gruba was, das lo ropah gole pal o Daniel un penas: “Daniel, tu budepaskro o djido Deblestar, koles tu hako tsiro an-mangeh, nai las tut tiro Dewel win dran i lewengre mujendar?”

Daniel 6:6

Kote penan kol mursha: “Mer nai rodah gomme jaake bud, mer hatsah tchi, hoi nai anah ap o Danieleste pre. Jek koowa atchell, kai nashte well, te taprams les. Kowa hi leskro patsepen ap leskro Debleste.”

Mateo 21:9

Un kol bud menshe, kai djan glan leste un pal leste, dan bari gole: “Sharas o Davideskro tchawes! Sharedo well kowa, koles o Dewel bitchras. Sharas o Debles an o bolepen!”

1. Samuel 10:24

Un o Samuel penas ap i tsele menshende: “Kate dikenn, kones o baro Dewel win rodas. Kek hi jaake har job mank i tsele Israelitarja.” Koi dan i tsele menshe gole i bachtjatar un penan: “O baro rai te djiwell!”