2. Samuel 16:1 - O Debleskro Drom 2021 (Sinte)

¹ Un o David djas i kotar i berga tele. Koi tapras les o Ziba, ko budepaskro fun o Mefi-Boshet dui eslentsa. Koi pre his dui sheel mare un jek sheel tikne gone pherde drake, hoi truk kerdo wan, un sheel nijaleskre rukengre un i ledertikro gono mool.

O Debleskro Lab 2024 (Sinte-Manouche)

¹ Oun o David djas i kotar i berga tele. Koy tapras les o Siba, ko boudepaskro foun o Mefi-Boshet douy eslentsa. Koy pre his douy sheel mare oun yek sheel tikne gone pherde drake, hoy trouk kerdo van, oun sheel niyaleskre roukengre oun i ledertikro gono mool.

2. Samuel 16:1 ပူးပေါင်းရင်းမြစ်များ

2. Samuel 15:30

O David djas ap o djeteskri berga un rowas. Un leskro shero his tchakedo. Un job djas pirkenes. Ninna kol tsele menshe, kai hi pash leste, kolengro shero his tchakedo. Jon djan pre un rowan.

2. Samuel 15:32

Un o David was pral ap i berga, kote, kai o Dewel an-mangedo wella. Kote tapras lo peskro males, o Hushai, i menshendar Arki. Les his i paashno ripen ap leste un tchik ap leskro shero.

2. Samuel 19:17

Khetne lentsa djas o Benjaminari, o Shimi, – leskro dad his o Gera – dran o foro Bahurim sik pash o baro rajeste David.

2. Samuel 19:32

Un o Barsillai dran Gilead was tele dran o gab Roglim pash o baro rajeste, te djal lo khetne leha ap i wawar rig o panjestar Jordan.

1. Familjakro liil 12:40

Un jon his kote pash o David triin diwessa un chan un pijan, lengre phrala anan lenge chapen.

Gosewe laba 18:16

I mensho, kai i wawaren shukar koowa dell, krell peske i wudja pre pash i pralstunende.

Jeremia 40:10

Me atchau kate an Mizpa, un hom tumaro rakepaskro, kai rakrau ap i Babilonarja, te wenn le pash mende. Djan an tumare forja, un djiwenn pale kote! Anenn dren, hoi kote bares was: moljengre drake, nijaleskre rukengre un djeteskre drake. Krenn mool un djet un tchiwenn kowa lauter an bare pirja!

Jeremia 40:12

kote wan jon ninna pale an o them Juda dran i tsele themma, kai le his. Un jon djan pash o Gedalja an o foro Mizpa, te sikrenn le pen glan leste. Un jon anan bud moljengre drake un nijaleskre rukengre dren.

Amos 8:1

O baro Dewel, maro rai, mukas man i korba te dikell, kai rukengre dren hi, kolenge o tsiro was, te wenn le tele tchinlo i rukendar.

Micha 7:1

Me bibachtelo, mange hi har jekeske, kai bokella, un hatsell kek phabja ap o ruk, un kek drake ap i drakengro ruk. Kol tsele latche phabja un gudle drake hi krik.

1. Samuel 10:3

Te djah tu kotar dureder, palle weh pash ko baro ruk Tabor. Kote wenn triin mursha, kai ap o drom hi, te djan le pre an Betel, te mangenn le o Debles an. Ko jek hidjrella triin terne busja, ko wawar triin mare, un ko triinto hidjrella jek moljakro gono.

1. Samuel 16:20

Un o Isai bitchras o Davides pash o Sauleste, un das les i burika peha, ninna maro, i moljakro gono un i terni murshkani busni.

1. Samuel 25:18

Kote djas i Abigajil sik un las 200 (dui-sheel) mare, un dui moljakre gone pherdi mool, pantch pekle bakre un jek gono pherdo peklo djob, jek sheel tikne gone pherde drake, hoi truk kerdo wan, ninna 200 (dui-sheel) faigetikre merklia. Un kowa lauter mukas li ap burike te tchiwell.