2. Samuel 15:32 - O Debleskro Drom 2021 (Sinte)

³² Un o David was pral ap i berga, kote, kai o Dewel an-mangedo wella. Kote tapras lo peskro males, o Hushai, i menshendar Arki. Les his i paashno ripen ap leste un tchik ap leskro shero.

O Debleskro Lab 2024 (Sinte-Manouche)

³² Oun o David vas pral ap i berga, kote, kay o Devel an-mangedo vella. Kote tapras lo peskro males, o Houshay, i menshendar Arki. Les his i paashno ripen ap leste oun čik ap leskro shero.

2. Samuel 15:32 ပူးပေါင်းရင်းမြစ်များ

2. Samuel 1:2

Koi was o triinto diwes i mursh o Sauleskre lurdendar. Koleskre koola his paash, un tchik his ap leskro shero. Un har job pash o Davideste was, witsras job pes glan leste ap i phub, un sharas les.

2. Samuel 13:19

Un joi rissras o ripen an kotja dran dukatar, witsras tchik ap peskro shero, tchiwas peskro wast ap o shero, un djas peske i sorelo ropah.

2. Samuel 15:30

O David djas ap o djeteskri berga un rowas. Un leskro shero his tchakedo. Un job djas pirkenes. Ninna kol tsele menshe, kai hi pash leste, kolengro shero his tchakedo. Jon djan pre un rowan.

2. Samuel 16:1

Un o David djas i kotar i berga tele. Koi tapras les o Ziba, ko budepaskro fun o Mefi-Boshet dui eslentsa. Koi pre his dui sheel mare un jek sheel tikne gone pherde drake, hoi truk kerdo wan, un sheel nijaleskre rukengre un i ledertikro gono mool.

2. Samuel 16:15

O Absalom un kol tsele Israelitarja, kai pash leste hi, wan an o foro Jerusalem. Un o Ahitofel his ninna pash lende.

2. Samuel 17:5

O Absalom penas: “Denn ninna o Hushajes gole, kol menshendar Arki, te shunas mer, hoi job koi pre penella!”

1. Rajengro liil 11:7

Ap i berga glan o foro Jerusalem kras o Salomo i mulni platsa, kai mangan le o djungelo debles an, kai kharell Kemosh. Koles mangan i Moabarja an. Ninna kras lo i mulni platsa, kai mangan le o Moloch an, ko djungelo debles, koles i Ammonarja an-mangan.

1. Rajengro liil 4:16

O Baana, koleskro dad o Hushai hi, his o pralstuno pral o them Asser un o foro Bealot.

1. Familjakro liil 27:33

O Ahitofel his ninna jek, kai penas o baro rajeske, hoi wals mishto te krell. O Hushai i menshendar Arki, his o baro rajeskro maal.

Debleskri gili 3:7

Me darau gar deesh-serja lurdendar, kai djan ap mande hake rigjendar.

Debleskri gili 50:15

Un de gole ap mande ap ko diwes, kai hal an i bibacht! Palle lau tut win, un tu sharess man.”

Debleskri gili 91:15

Job dell ap mande gole. Doleske shunau me ap leste, un hom pash leste, te djal leske gar mishto. Me lau les win dran i bibacht un krau les bares.

Louka 19:29

Un job was pash kol gaba Betfage un Betani. Kal gaba his ap koi berga tchiddo, hoi kharella djeteskri berga. Un job bitchras dui peskre malendar glan-wi un penas lenge:

Josua 16:2

Un o forestar Betel djas o drom dureder pash o foro Lus un an o them dren un pale win, kai i Arkarja djiwenn, bis pash o foro Atarot,

1. Samuel 4:12

Un i mursh dran o kheer Benjamin nashas o tselo drom fun kotar, kai o marepen his, bis pash o Shilo ap jek diwes. Job kras peskre koola paash un tchiwas tchik ap peskro shero, te sikrell lo, har leskro dji rowas.