2. Samuel 15:31 - O Debleskro Drom 2021 (Sinte)

³¹ Un har o Davideske penlo was, kai o Ahitofel ap o Absalomeste rikrell, penas job: “Baro Dewel, kre te patsell hakeno, kai kowa, hoi o Ahitofel penell, dinlepen hi!”

O Debleskro Lab 2024 (Sinte-Manouche)

³¹ Oun har o Davideske penlo vas, kay o Ahitofel ap o Absalomeste rikrell, penas yob: “Baro Devel, kre te patsell hakeno, kay kova, hoy o Ahitofel penell, dinlepen hi!”

2. Samuel 15:31 ပူးပေါင်းရင်းမြစ်များ

2. Samuel 15:12

Un o Absalom anas viechen, te wenn le chatchedo o Debleske. An o foro Gilo djiwas o Davideskro rakepaskro, o Ahitofel. Koles mukas o Absalom ninna pash peste te anell. Un kol mursha, kai djan o Absalomeha, wan bud un budeder. Jaake wan kolla bud, kai tchiwan pen tchorchanes leha khetne.

2. Samuel 16:23

An ko tsiro his i laba, hoi o Ahitofel rakras, jaake bud moldo har o Debleskre laba. O David un o Absalom shunan ap lende, jaake har te putchans jon o Deblestar tchomone, un job penals kawa.

2. Samuel 17:14

Koi penas o Absalom un hakeno an Israel: “Kowa hoi o Hushai penas, hi feteder har kowa, hoi o Ahitofel penas.” Jaake kras o baro Dewel, kai kek kowa kras, hoi o Ahitofel an leskro goswepen penas. O baro Dewel kamas i bibacht pral o Absalom te anell.

2. Samuel 17:23

O Ahitofel shunas, kai was kowa gar kerdo, hoi job penas. Koi tchiwas lo i ledertikri plachta ap peskri burika, beshas pes koi pre un klissas khere an peskro foro. Kote penas lo i menshenge an peskro kheer, hoi te krenn le pal leskro merepen. Palle bladas lo pes pre, un meras. Un job was paskedo an o mulengro kheer peskro dadestar.

2. Samuel 17:5

O Absalom penas: “Denn ninna o Hushajes gole, kol menshendar Arki, te shunas mer, hoi job koi pre penella!”

2. Samuel 17:7

Koi penas o Hushai ap o Absalom: “Kowa his kek latcho lab, hoi das kau kopo o Ahitofel.

Hiob 5:12

Job dell kowa paash hoi penge kolla glan lan, kai kamenn i wawaren pral o kand te dell. Jaake nai krenn le tchi.

Debleskri gili 109:3

Pengre tchilatche tchipjentsa dukrenn le man, un tchingrenn ap mande, ninna te krom me lenge tchi.

Debleskri gili 3:1

I gili o Davidestar, hoi lo kras an ko tsiro, har hunte nashas lo peske glan peskro tchaweste, o Absalom.

Debleskri gili 41:9

“I bibacht hi ap leste”, penenn le. “Koon jaake tchiddo hi, stell buder gar pre.”

Debleskri gili 55:10

Miro rai, kre, te rakrenn le bud tchipjentsa, te haiwenn le pen buder gar! An o foro dikau tchi har tchilatchepen un tchingepen,

Debleskri gili 55:12

O tchilatcho koowa hi baro mank lende. Ap i dromma, kai parenn un bikrenn le, wenn i menshe tikno rikedo un chochedo.

Jesaja 19:3

Palle djinenn i Egiptarja gar buder, hoi te krenn le. Un me krau, te djal lenge gar, hoi kamenn le te krell. Un palle djan le pash pengre chochene deblen, te putchenn le lendar, un pash kolende, kai i mulen putchenn, un pash i durkepangren un drawepangren.

Jesaja 44:25

Me krau, te wenn kol laba gar tchatcho, hoi i durkepangre penan, un mukau kol drawepangre har dinele win te dikell. Me sikrau, har hi tchi-moldo ko goswepen kolendar, kai patsenn, te hi le gosewo. Me tchakrau pre, te hi lengro goswepen tchatchepah dinlepen.

Johanni 13:18

Kowa penau me gar tumendar halauterendar. Me djinau, kones me win rodom. Kowa hunte well jaake, har an o Debleskro lab tardo hi: Kowa, kai chal kanna o maro mantsa, dell i ladini ap mande.

1. Korintarja 1:20

Hoi nai penah mer pral kol gosewe menshende? Un hoi nai penah pral kolende, kai hi tchinepangre un rakepangre ap kai phub? Jon prindjrenn o Debles gar. Doleske hi lengro goswepen an o Debleskre jaka dinlepen.

Jakobo 3:15

Sawo goswepen well gar o Deblestar. Kowa well o menshestar un o bengestar.