2. Samuel 15:3 - O Debleskro Drom 2021 (Sinte)

³ koi penas o Absalom ap leste: “Dikau, tu hal an o tchatchepen an kau koowa. Un kek hi pash o baro rajeste, kai shunell tut.

O Debleskro Lab 2024 (Sinte-Manouche)

³ koy penas o Absalom ap leste: “Dikau, tou hal an o čačepen an kava koova. Oun kek hi pash o baro rayeste, kay shounell tout.

2. Samuel 15:3 ပူးပေါင်းရင်းမြစ်များ

2. Samuel 15:4

Har kamoms, te woms me tchatchepaskro rai an o them! Me doms hakenes peskro tchatchepen, kai wals pash mande, te hi lo an o tchingepen i wawareha.”

2. Samuel 8:15

Jaake his o David baro rai pral o tselo them Israel, un kras, te lell hakeno peskro tchatchepen.

Debleskri gili 12:2

Baro Dewel, ab ap miri rig! Tire menshe hi buder gar bud. Awa, kolla, kai patsle hi mank i menshende, hi gar bud.

2. Mose 20:12

Dik ap tiro dadeste un ap tiri date, te djal lenge mishto. Jaake djiweh i rah djipen an ko them, hoi tut tiro baro Dewel della.

2. Mose 21:17

Ma rake bibacht win pral tiro dadeste, witar gar pral tiri date! Koon kowa krell, hunte merell.

Gosewe laba 12:2

Ap i latcho mensheste dikell o baro Dewel latches. Pral koleste, koles o tchilatchepen glan hi, rakrell lo i phagi win.

Gosewe laba 30:11

Hi menshe koi, kai rakrenn pral pengro dad bibacht win, un penenn kek latcho lab pral pengri date.

Gosewe laba 30:17

Kowa, kai praassell peskro dades, un kamell gar ap peskri date te shunell, koleske hunte dens i korake i jaka win, un i bare tchirkle hunte chans len.

Ezekiel 22:7

Kolla, kai an Jerusalem djiwenn, dikenn tele ap pengro dadeste un ap pengri date, un chochenn i wi-themarjen, kai pash lende djiwenn. Un kol djuwjen, kolengro rom meras, un kol tchawen, kolengro dad meras, kolen rikrenn le sorjah tele.

Daniel 11:21

Un pal koleste stell jek pre, kowa hi gar an-diklo un gar moldo, te well lo baro rai. Un pokones un chochenes lell job peske i rajeskri soor.

4. Mose 16:3

Un jon halauter wan khetne pash o Mose un o Aron, tchingran ap lende un penan: “Tumer krenn, har te wans bareder har mer wawar! O tselo kheer Israel hi o Debleskre menshe. Un o baro Dewel hi mashkral lende. Hoske hadenn tumer tumen pral o baro Debleskre menshende?”

Mateo 15:4

O Dewel penas tumenge: Dik ap tiro dadeste un ap tiri date, te djal lenge mishto! Un o Dewel penas ninna: Koon ap peskro dadeste un ap peskri date i bibacht anella, kowa hunte merella!

Bičepangre 23:5

O Paulo penas: “Mire phrala, me djinom gar, kai job ko baro rashai hi. Me djinau, kai an o Debleskro lab tchinlo hi: Te praassess gar o pralstunes tumare menshendar!”

1. Petro 2:17

Awenn latches ap hako mensheste! Kamenn i patslen o djijestar! Sharenn o Debles, un krenn, hoi job kamella! Shunenn ap o baro rajeste pral o them!

2. Petro 2:10

Palle well i phagi soreles pral kolende, kai djiwan i fullo djipen, un kaman kek rajes pral pende. Kolla chochene sikepangre hi pre-phurdo, un krenn pen bares. Jon darenn gar, te rakrenn le djungeles pral kolende, kai hi an o bolepen.