2. Samuel 15:18 - O Debleskro Drom 2021 (Sinte)

¹⁸ Un leskre tsele lurde djan ap leskre dui rigja, ninna i tsele Kretarja un i tsele Pletarja. Kolla dran o foro Gat djan glan leste. Kolla his shob-sheel mursha, kai leske dran o foro Gat palla djan.

O Debleskro Lab 2024 (Sinte-Manouche)

¹⁸ Oun leskre tsele lourde djan ap leskre douy rigya, ninna i tsele Kretarya oun i tsele Pletarya. Kolla dran o foro Gat djan glan leste. Kolla his shob-sheel morsha, kay leske dran o foro Gat palla djan.

2. Samuel 15:18 ပူးပေါင်းရင်းမြစ်များ

2. Samuel 15:17

Un har o baro rai un kol tsele menshe, kai leske palla djan, win wan, atchan jon i kotar dureder tardo.

2. Samuel 18:2

Pral kolla lauter tchiwas job triin lurdengre rajen, hakenes pral i triinto kotar kol lurdendar. Kolla triin his: o Joab, leskro phraal o Abishai, koleskri dai i Zeruja hi, un o Itai dran Gat. Un o baro rai penas ap i lurdende: “Me kamau tumentsa an o kurepen te djal.”

2. Samuel 20:23

O Joab his o pralstuno pral kol tsele lurdende an Israel. Un o Benaja, koleskro dad o Jojada his, his o pralstuno pral kol Kretarja un Pletarja.

2. Samuel 20:7

Koi djas o Abishai khetne o Joabeha un leskre lurdentsa win dran o foro Jerusalem. Ninna i Kretarja un i Pletarja un kol tsele sorele kurepangre djan lentsa. Un jon lan o Shebaes palla.

2. Samuel 6:10

Un job mukas les gar pash peste te anell an o Davideskro foro. Na-a, job mukas les an ko kheer te anell, kai djiwell o Obed-Edom. Kowa his i mursh dran o foro Gat.

2. Samuel 8:18

O Benaja, koleskro dad o Jojada hi, his o pralstuno pral kol Kretarja un Pletarja, kai his trul o baro rajeste tardo, te denn le ap leste jak. Ninna o Davideskre tchawe his rashaja.

1. Rajengro liil 1:38

Un o rashai Zadok, un o Debleskro rakepaskro o Natan, un o Benaja, koleskro dad o Jojada his, un i Kretarja un i Pletarja djan tele un mukan o Salomes te klissell ap i burika o baro rajestar David, un jon anan les pash o pani Gihon.

1. Familjakro liil 18:17

O Benaja, koleskro dad o Jojada hi, his o pralstuno pral kol Kretarja un Pletarja, kai his trul o baro rajeste tardo, te denn le ap leste jak. Un o Davideskre tchawe his i glanstune ap i rig o baro rajestar.

1. Samuel 23:13

Kote kras pes o David ap o drom khetne peskre murshentsa. Kolla his jaake shob-sheel mursha. Un jon djan penge dran o foro Kehila, un djan trujel an o tselo them dran jek khatepen an o wawar. Un o Sauleske was penlo, te nashas o David peske dran o foro Kehila. Un har job kowa shunas, mukas lo tele te djal an Kehila.

1. Samuel 25:13

Kote penas o David ap peskre murshende: “Hakeno pandell peskro charo trul peste!” Un jaake kran le. Un o David tchiwas peskro charo ninna trujel. Un jon djan pal o Davideste: jaake 400 (star-sheel) mursha. Un 200 (dui-sheel) atchan pale ap i platsa, te denn le pre jak.

1. Samuel 27:3

Un o David peskre murshentsa atchas pash o Achish an o foro Gat. Hakenes his peskri familja pash peste. O Davides his peskre dui romjen pash peste, i Ahinoam dran Jesreel, un i Abigajil dran Karmel, kolakro rom o Nabal his.

1. Samuel 27:4

Un har le o Sauleske penan, te nashas o David an o foro Gat, rodas job les buder gar.

1. Samuel 30:1

Un har o David un kol mursha, kai pash leste hi, pal triin diwessa an o foro Ziklag wan, his o foro paash un chatchedo. I Amalekarja peran dren an o them Negev un ninna an o foro Ziklag.

1. Samuel 30:14

Mer peram dren an o them Negev, kai i Kretarja djiwenn, un an o them Juda, un an o them Negev, kai kolla djiwenn, kai wenn pal o Kaleb. Un o foro Ziklag chatchram pre.”

1. Samuel 30:9

Kote djas o David lenge palla khetne kol shob-sheel murshentsa, kai pash leste his. Un har wan le pash ko lengsto pani, hoi kharell Besor, atchan lendar dui-sheel mursha pale. Kolla his jaake khino, te nai djan le gar pral ko pani wergel. Kol wawar star-shelentsa nashas o David dureder un las i Amalekarjen palla.