2. Samuel 15:12 - O Debleskro Drom 2021 (Sinte)

¹² Un o Absalom anas viechen, te wenn le chatchedo o Debleske. An o foro Gilo djiwas o Davideskro rakepaskro, o Ahitofel. Koles mukas o Absalom ninna pash peste te anell. Un kol mursha, kai djan o Absalomeha, wan bud un budeder. Jaake wan kolla bud, kai tchiwan pen tchorchanes leha khetne.

O Debleskro Lab 2024 (Sinte-Manouche)

¹² Oun o Absalom anas firhen, te venn le rhačedo o Debleske. An o foro Gilo djivas o Davideskro rakepaskro, o Ahitofel. Koles moukas o Absalom ninna pash peste te anell. Oun kol morsha, kay djan o Absalomeha, van boud oun boudeder. Yaake van kolla boud, kay čivan pen čorrhanes leha khetne.

2. Samuel 15:12 ပူးပေါင်းရင်းမြစ်များ

2. Samuel 15:31

Un har o Davideske penlo was, kai o Ahitofel ap o Absalomeste rikrell, penas job: “Baro Dewel, kre te patsell hakeno, kai kowa, hoi o Ahitofel penell, dinlepen hi!”

2. Samuel 16:15

O Absalom un kol tsele Israelitarja, kai pash leste hi, wan an o foro Jerusalem. Un o Ahitofel his ninna pash lende.

2. Samuel 17:14

Koi penas o Absalom un hakeno an Israel: “Kowa hoi o Hushai penas, hi feteder har kowa, hoi o Ahitofel penas.” Jaake kras o baro Dewel, kai kek kowa kras, hoi o Ahitofel an leskro goswepen penas. O baro Dewel kamas i bibacht pral o Absalom te anell.

2. Samuel 17:23

O Ahitofel shunas, kai was kowa gar kerdo, hoi job penas. Koi tchiwas lo i ledertikri plachta ap peskri burika, beshas pes koi pre un klissas khere an peskro foro. Kote penas lo i menshenge an peskro kheer, hoi te krenn le pal leskro merepen. Palle bladas lo pes pre, un meras. Un job was paskedo an o mulengro kheer peskro dadestar.

2. Samuel 23:34

o Elifelet, koleskro dad o Ahasbai hi, dran Maacha, o Eliam, koleskro dad o Ahitofel hi, dran Gilo,

1. Rajengro liil 21:12

Jon kharan i tsiro win, kai chan le tchi, un mukan o Nabotes glanstunes te beshell.

1. Rajengro liil 21:9

Un an i lila his tardo: “Kharenn i tsiro win, kai chan tumer tchi! Un anenn i tsele menshen an o foro khetne, un mukenn o Nabotes glanstunes te beshell!

1. Familjakro liil 27:33

O Ahitofel his ninna jek, kai penas o baro rajeske, hoi wals mishto te krell. O Hushai i menshendar Arki, his o baro rajeskro maal.

Debleskri gili 41:10

Ninna miro latcheder maal, kowa, kai mantsa khetne chas, phukras ap mande.

Debleskri gili 41:9

“I bibacht hi ap leste”, penenn le. “Koon jaake tchiddo hi, stell buder gar pre.”

Gosewe laba 15:8

O baro Dewel dikell chojedes ap kowa, hoi o tchilatcho leske anell. Te mangenn les kolla an, kai an o tchatchepen tardo hi, dikell lo latches ap lengro mangepen.

Gosewe laba 21:27

Kowa, hoi anenn i tchilatche o baro Debleske, hi djungeles glan leskre jaka. Har bud budeder, te krenn le kowa dran i tchilatcho dji.

Jeremia 6:20

Me putchau tchi pal o sungepaskro koowa dran o them Saba, un pal ko gudlo sungepaskro djet, hoi well dran i dur them. Kol vieche, hoi tumer mange chatchrenna, kamau me gar. Un ap kol vieche, hoi tumer mange marenna, dikau gar latches.

4. Mose 23:1

O Bileam penas ap o Balak: “Muk kate ap efta platse barra pre te tchiwell, kai nai chatchrau viechen o Debleske, un an mange efta terne gurma un efta bakre!”

4. Mose 23:14

Un job anas les pash i phub, hoi kharella ‘dur dikepen’, ap koi berga Pisga, un kras efta chatchepangre, un chatchras ap haki chatchepaskri o Debleske i terno gurum un i bakro.

4. Mose 23:30

O Balak kras, har o Bileam penas, un chatchras ap haki chatchepaskri jek terno gurum un jek bakro.

Johanni 13:18

Kowa penau me gar tumendar halauterendar. Me djinau, kones me win rodom. Kowa hunte well jaake, har an o Debleskro lab tardo hi: Kowa, kai chal kanna o maro mantsa, dell i ladini ap mande.

Tito 1:16

Jon penenn, te prindjrenn le o Debles. An lauter, hoi jon krenna, sikrenn le, kai jon les gar prindjrenna. Jon hi infam an o Debleskre jaka, un kamenn gar ap leste te shunell. Jaake hi lauter, hoi jon krenna, tchi moldo.

Josua 15:51

Goshen, Holon un Gilo. Kolla his khetne 11 (deesh-te-jek) forja, un koi pashel lengre gaba.