2. Samuel 14:4 - O Debleskro Drom 2021 (Sinte)

⁴ Un koi djuwel dran o gab Tekoa djas pash o baro rajeste. Un kote tchiwas pes li glan leste tele ap i phub, sharas les, un penas: “Ab mange ap i rig, maro baro rai!”

O Debleskro Lab 2024 (Sinte-Manouche)

⁴ Oun koy djouvel dran o gab Tekoa djas pash o baro rayeste. Oun kote čivas pes li glan leste tele ap i phoub, sharas les, oun penas: “Ab mange ap i rig, maro baro ray!”

2. Samuel 14:4 ပူးပေါင်းရင်းမြစ်များ

2. Samuel 1:2

Koi was o triinto diwes i mursh o Sauleskre lurdendar. Koleskre koola his paash, un tchik his ap leskro shero. Un har job pash o Davideste was, witsras job pes glan leste ap i phub, un sharas les.

2. Samuel 14:22

Koi mukas pes o Joab glan leste ap i phub te perell, ap peskro mui, parkras pes pash o baro rajeste, un penas: “Miro baro rai, kai diwes djinau me, kai dikeh latches ap mande, har kral, hoi me, tiro budepaskro, tutar mangom.”

2. Samuel 14:5

Penas o baro rai ap late: “Hoi hi?” Un joi penas: “Miro rai, miro rom hi mulo. Man his dui tchawe. Kolla tchingran pen, un kek his koi, kai djas koi mashkral. Jaake das ko jek peskro phrales khetne, te meras lo.

2. Samuel 18:28

O Ahimaaz das gole: “Lauter hi mishto!” Un job witsras pes glan o baro rajeste tele ap i phub ap peskro mui, un penas: “Sharedo well o baro Dewel, kai tiro Dewel hi, un das kolen an tiro wast, kai hadan pengro wast ap tute, miro baro rajeste.”

1. Samuel 20:41

Har ko tchawo peske djas, was o David win dran peskro khatepen pal kol barra, un peras glan o Jonatan tele, un tchiwas pes triin kope glan tele ap i phub. Un palle lan le pen trujel un tchumran pen, un rowan khetne, o David gomme budeder har o Jonatan.

1. Samuel 25:23

Un har i Abigajil o Davides dikas, stas li sik i burikatar tele, un witsras pes glan o Davideste tele o mujeha ap i phub,