2. Samuel 13:5 - O Debleskro Drom 2021 (Sinte)

⁵ Penas o Jonadab: “Tchip tut ap tiro tchiben, un kre har te wals nasselo! Te well tiro dad pash tute, peneh tu ap leste: ‘Muk miri phenjat Tamar te well, te krell joi mange chapaske, hoi nasslenge mishto hi! Kowa hunte krell joi glan mande, te dikap me kowa, un lap dran lakre wasta un chap.’”

O Debleskro Lab 2024 (Sinte-Manouche)

⁵ Penas o Yonadab: “Čip tout ap tiro čiben, oun kre har te vals nasselo! Te vell tiro dad pash toute, peneh tou ap leste: Mouk miri phenyat Tamar te vell, te krell yoy mange rhapaske, hoy nasslenge mishto hi! Kova hounte krell yoy glan mande, te dikap me kova, oun lap dran lakre vasta oun rhap.”

2. Samuel 13:5 ပူးပေါင်းရင်းမြစ်များ

2. Samuel 13:4

Kowa penas: “Hoske dikeh jaake nasseles win, rajeskro tchawo, hako diwes budeder? Kameh tu mange kowa penell?” Koi penas o Amnon ap leste: “Me kamau i Tamarat o djijestar, koi phenjat miro phralestar Absalom.”

2. Samuel 13:6

Jaake tchiwas pes o Amnon tele, un kras pes nasselo. Un o baro rai was pash leste, te dikell lo pal leste. Un o Amnon penas ap o baro rajeste: “Muk miri phenjat Tamar pash mande te well, te krell li glan mire jaka jek, dui merklia, te lap kowa dran lakro wast un chap.”

2. Samuel 16:21

Penas o Ahitofel: “Dja pash i djuwjende tiro dadestar, kolen tiro dad mukas koi, te denn jon garda ap ko kheer! Un sob lentsa! Jaake shunell o tselo Israel, kai tu tut pash tiro dadeste gar kamlo kral. Palle wenn lauter kolla, kai ap tiri rig hi, sorleder.”

Gosewe laba 19:27

Miro tchawo, te mukeh tuke tchi buder te penell, palle djineh tu sik buder gar, hoi tchatcho hi.

Bičepangre 23:15

Bitchrenn jekes pash ko pralstuno lurdeste, un penenn leske an o lab kol tsele pralstune biboldendar, te anell lo o Paules pale kate pash tumende. Penenn ap o pralstuno lurdeste, te kamenn tumer budeder pral o Pauleste win te hatsell. Un ap o drom kate marah les.”