2. Samuel 13:3 - O Debleskro Drom 2021 (Sinte)

³ O Amnones his i maal. Kowa kharas Jonadab. Leskro dad his o Davideskro phraal Shimea. Un ko Jonadab his i gosewo mursh.

O Debleskro Lab 2024 (Sinte-Manouche)

³ O Amnones his i maal. Kova kharas Yonadab. Leskro dad his o Davideskro phraal Shimea. Oun ko Yonadab his i gosevo morsh.

2. Samuel 13:3 ပူးပေါင်းရင်းမြစ်များ

1. Mose 3:1

O sap his gosweder har i tsele wawar vieche, hoi kras o baro Dewel, maro rai. Un o sap penas ap i romjate: “Penas o Dewel tchatchepah, te hunte chan gar i rukendar an i baar?”

1. Mose 38:1

Ap ko tsiro mukas o Juda peskre phralen un djas tele pash i romeste dran Adullam. Leskro lab his Hira.

1. Mose 38:20

Un o Juda bitchras peskro males, ko Adullamari pash late, un das les i terni busni peha lake, te lell job kowa latar pale, hoi o Juda lat das. Un job hatsas lat gar.

2. Samuel 13:2

I Tamar sowas kek mursheha. Un o Amnon dikas kek drom, har te wals lo lah khetne. Kowa dukas les jaake, kai nai wals job nasselo.

2. Samuel 13:32

Koi penas o Jonadab, koleskro dad o Davideskro phraal Shimea hi: “Miro rai, ma pats, kai tire tsele mursh tchawe mulo hi! O Amnon kokres hi mulo. Leskro merepen kamas o Absalom jaake rah, har kowa leskri phenjat an i bari ladj anas.

2. Samuel 13:4

Kowa penas: “Hoske dikeh jaake nasseles win, rajeskro tchawo, hako diwes budeder? Kameh tu mange kowa penell?” Koi penas o Amnon ap leste: “Me kamau i Tamarat o djijestar, koi phenjat miro phralestar Absalom.”

2. Samuel 14:2

Un job bitchras jekes an o gab Tekoa, un mukas kotar i gosewi djuwjat te anell, un penas ap late: “Kre jaake har te wals i djuwel, kai rowell pral jekeste, kai meras! Un rib tuke i kalo ripen an, un mak tut gar o djeteha dren! Kre jaake har i djuwel krella, kai lake rah tsiro ropaske hi pral koleste, kai meras.

2. Samuel 21:21

Un job praassas o Israel. Un o Jonatan, koleskro dad o Shimea his, das les mulo. O Shimea his i phraal o Davidestar.

1. Familjakro liil 2:13

Un o Isai las tchawe: o phureder his o Eliab, o duito his o Abinadab, o Shimea his o triinto,

1. Familjakro liil 27:32

O Jonatan, o Davideskro kako, job his i gosewo un siklo mursh, kai djinas, hoi te krell. O Jehijel, koleskro dad o Hachmoni his, his pash o baro rajeskre tchawende.

Ester 5:10

Job rikras lat pale un djas dureder an peskro kheer. Kote mukas lo peskre malen un peskri romjat Seresh te well.

Ester 5:14

Kote penas leskri romni Seresh un leskre tsele mala ap leste: “Muk i kasht pre te tchiwell, hoi hi i paash-sheel (50) mussja bares! Un taissarlakro pen ap o baro rajeste, te mukell lo o Mordekajes ap ko kasht pre te bladell. Un palle dja leha bachteles pash o chapen.” Un kol laba his o Hamaneske latches, un job mukas sawo kasht pre te tchiwell.

Ester 6:13

Un job penas peskri romjake, i Seresh, un peskre tsele malenge, lauter hoi leske djas. Kote penan leskre mala un leskri romni, i Seresh, ap leste: “Te peral tu kanna glan o Mordekai, koon i biboldendar hi, palle nai kreh tu buder tchi khatar leste. Na-a, tu djah tele un nashreh lauter.”

Gosewe laba 19:6

Bud makenn o braweleske gwin trul o mui, un hakeno hi o maal kolestar, kai dell tchomone tchitcheske.

Jeremia 4:22

O baro Dewel penell: Mire menshe hi diwjo, un patsenn man gar. Dinelo hi le, man prindjrenn le gar. Har dinele tchawe hi le, kai tchi haiwenn. Gosewo doha hi le, te krenn le tchilatchepen. Har jon latchepen krenna, djinenn le gar.

1. Korintarja 3:19

Kowa, hoi pash i menshende goswepen hi, hi an o Debleskre jaka dinlepen. An o Debleskro lab hi tchinlo: O Dewel taprell kolen an lengro chochepen, kai penenn pendar, kai jon gosewo hi.

Jakobo 3:15

Sawo goswepen well gar o Deblestar. Kowa well o menshestar un o bengestar.

Čačepangre 14:20

Un leskri romni was leskro feteder maleste dino.

1. Samuel 16:11

Palle putchas o Samuel o Isajestar: “Hi kalla tire tsele mursh tchawe?” Job penas: “O terneder lendar hi gomme gar koi. Kowa hi win un dell jak ap i bakre.” Un o Samuel penas ap o Isai: “Bitche jekes koi, te anell lo les. Mer beshah gar te chas, bis te job kai hi.”

1. Samuel 16:9

Palle mukas o Isai o Shamma glan o Samuel te well. Un o baro Dewel penas: “Ninna kales rodom me gar win.”