2. Samuel 13:28 - O Debleskro Drom 2021 (Sinte)

²⁸ O Absalom penas ap peskre lurde: “Denn jak! Te pijas pes o Amnon mato, un te penau me ap tumende: ‘Denn o Amnones khetne!’ palle denn les mulo! Ma trashenn! Me penom tumenge, te krenn kowa. Awenn tchatche mursha un krenn kowa kek trashah!”

O Debleskro Lab 2024 (Sinte-Manouche)

²⁸ O Absalom penas ap peskre lourde: “Denn yak! Te piyas pes o Amnon mato, oun te penau me ap t'mende: Denn o Amnones khetne! palle denn les moulo! Ma trashenn! Me penom t'menge, te krenn kova. Avenn čače morsha oun krenn kova kek trashah!”

2. Samuel 13:28 ပူးပေါင်းရင်းမြစ်များ

1. Mose 9:21

Dran i drake kras job mool, was lo mato, riwas peskre koola win un his nanges an peskri plachteno kheer tchiddo.

2. Samuel 11:13

Un o David mukas les pash leste te well. Un o Urija chas un pijas pash o Davideste. Un o David kras les mato. Un i rati djas o Urija win, te tchiwell lo pes tele ap peskro tchiben pash kol lurdende leskro rajestar. Un djas gar tele an peskro kheer.

2. Samuel 11:15

O David tchinas an ko liil: “Anenn o Urijes glan, kote, kai o kurepen bareder hi. Un palle tserdenn tumen lestar pale, te well job mulo dino!”

2. Samuel 12:10

An tire jaka his miro lab tchi moldo, har lal tu tuke koi romjat fun o Urija, te well li tiri romni. Kanna well o charo ap tiro kheer gar buder krik lino.’

2. Samuel 13:27

O Absalom mukas gar tele, bis te mukas job o Amnones un leskre tsele mursh tchawen leha te djal. Un o Absalom kras i chapen, jaake har te dals o baro rai i chapen.

1. Rajengro liil 20:16

Un jon djan win dran o foro, har mashkral diwes his. Un kol terne mursha djan glan win. Un o Ben-Hadad pijas pes mates an i plachtene khera, job un kol wawar 32 (trijanda-dui) bare raja, kai ap leskri rig his. Koi was leske penlo kol murshendar, kolen job bitchras, te denn le jak: “Mursha wenna dran Samaria win.”

Ester 1:10

Un ap o eftato diwes his o baro rajeskro dji bachteles bud moljatar. Un job kamas i rajenge un i tsele menshenge peskri romjat, i rani Wasti, te sikrell, kai jaake shukar his. Un job rakras kol efta pralstunentsa, kai ninna pral o djuwjengro kheer penepaske hi: o Mehuman, o Biseta, o Harbona, o Bigta, o Abagta, o Setar un o Karkas. Lenge penas lo, te anenn le i rani, un te hidjrell li peskro shereskro sonakai.

Debleskri gili 104:15

i mool, hoi o mensheskro dji bachteles krella, o djet, hoi leskro mui shukar krella, un o maro, hoi o menshes soreles krella.

2. Mose 1:18

Palle mukas o baro rai kol chatchede chalja te well un penas: “Hoske shunan tumer gar ap mande un mukan kol mursh tchawen te djiwell?”

Sikepaskro 10:19

Kones chapen hi, nai sal. Koon mool pijell, nai giwell. I lowentsa nai well tut kowa halauter.

Sikepaskro 9:7

Doleske cha tiro maro un pi tiri mool i bachtelo djijeha; kowa kamell o Dewel jaake tutar.

Daniel 5:30

An kai rat was o Belsazar, ko baro rai pral o them Babilonia, maredo.

Nahum 1:10

Tumer han tchi har subjengre kashta, hoi tchi-moldo hi, un hoi an i jag witsedo wenn, un pre-chatchenn har truk phuss, te atchell tchi lendar pral.

Louka 21:34

“Denn garda, te well tumaro dji gar pherdo phubjakro koowa, jaake te bistrenn o Debles! Pijenn tumen gar mato! Ma darenn tumaro djipaske! Denn jak, te well ko diwes gar ap jek kopo ap tumende jaake, te han tumer tapedo!

Bičepangre 5:29

O Petro un i wawar Jesuseskre bitchepangre penan: “Mer hunte shunas ap o Debleste budeder har ap i menshende.

Josua 1:9

Penau tuke pale: Ab soreles! Un ma traash gar! Ma dare tchi! Un ma traash kekestar! O baro Dewel hi tiro Dewel un hi tuha, kai tu ninna djah.”

Čačepangre 19:22

Un har jon les penge mishto djal mukan, wan mursha dran o foro un tchiwan pen trul o kheer tardo, tchi-molde mursha. Un kolla dan ap o wudar, un penan ap ko phuro mursh, koleske ko kheer his: “An menge ko murshes win, kai pash tute an o kheer was, te kras dinelo koowa leha!”

Čačepangre 19:6

Un kol dui beshan pen un chan un pijan khetne. Un o dad koi terni djuwjatar penas ap ko mursheste: “Kre mange ko latchepen, un atch kai pral i rat, un muk tiro dji bachteles te well.”

Čačepangre 19:9

Un palle stas ko mursh pre, te djal lo peske peskri djuwjah un peskro budepaskro. Un o dad koi terni djuwjatar penas ap leste: “Dik, o kham djal tele un i rati wella. Atch pral i rati, un muk tiro dji bachteles te well. Un taissar stenn sik pre un djan khere!”

Ruth 3:7

Un har o Boas chas un pijas un leskro dji bachteles his, djas lo kote, kai o wi-dino djob tchiddo hi, un tchiwas pes koi pal tele. Un tchorchanes was i Rut pash leste, un tchakras leskre pire pre, un tchiwas pes pash leskre pire tele.

1. Samuel 18:22

Ap leskre pralstune budepangre penas lo: “Rakrenn tchorchanes o Davideha un penenn leske: ‘Tu djineh, te hal shukar an o baro rajeskre jaka, un leskre tsele pralstune budepangre kamenn tut. Jaake ab, te wess leskri tchakro rom.’”

1. Samuel 28:10

Un o Saul das pes sowel pash o baro Debleste un penas: “Me dau man sowel pash o djido Debleste, an kau kowa perell kek doosh ap tute!”

1. Samuel 28:13

“Ma dare”, penas o baro rai Saul ap late. “Hoi dikeh tu?” Un koi djuwel penas ap o Saul: “Me dikau i mules dran i phub pre te well.”