2. Samuel 13:1 - O Debleskro Drom 2021 (Sinte)

¹ Un pal kowa djas jaake. O Davideskro tchawes, o Absalomes, his i shukar pheen. Koja kharas Tamar. Un o Davideskro tchawo, o Amnon kamas lat.

O Debleskro Lab 2024 (Sinte-Manouche)

¹ Oun pal kova djas yaake. O Davideskro čaves, o Absalomes, his i shoukar pheen. Koya kharas Tamar. Oun o Davideskro čavo, o Amnon kamas lat.

2. Samuel 13:1 ပူးပေါင်းရင်းမြစ်များ

1. Mose 29:18

Un o Jakob kamas i Rachel un penas ap o Laban: “Me kamau te budrap tuke efta bersha. Koi pal deh tu man i Rachel, tiri terneder tchai, te romedinerap lat.”

1. Mose 29:20

Jaake budras o Jakob efta bersha, te romedinerell lo i Rachel. Un kal bersha his an leskre jaka har i tikno tsiro, jaake bud kamas lo lat.

1. Mose 34:3

Un job kamas lat o djijestar un rakras latche labentsa ap late.

1. Mose 6:2

Koi dikan i Debleskre tchawe, har shukar i menshengre tcha hi. Un jon lan penge kolen, kai jon kaman, te romedinerenn jon len.

2. Samuel 11:2

His jek diwes, har i rati was, stas o David dran peskro tchiben pre, un djas pral ap peskro kheer. Koi dikas job pral tele, un dikas i djuwjat, kai thowell pes. Un koi djuwel his shukar.

2. Samuel 13:15

Kanna his o Amnones doha latar. Job nai dikas lat buder gar glan i jaka. Kowa his bareder har leskro kamlepen glan kowa. Un o Amnon penas ap late: “Ste pre! Dja tuke!”

2. Samuel 13:2

I Tamar sowas kek mursheha. Un o Amnon dikas kek drom, har te wals lo lah khetne. Kowa dukas les jaake, kai nai wals job nasselo.

2. Samuel 14:27

O Absalomes his triin tchawe un jek tchai. Koja kharas Tamar, un his i shukar tchai.

1. Rajengro liil 11:1

O baro rai Salomo romedineras bud djuwjen dran wawar themma: koi tchai o baro rajestar pral o them Egiptia, ninna djuwja dran i themma Moab, Ammon, un Edom, dran o foro Sidon un i menshendar Het.

1. Familjakro liil 3:2

O triinto his o Absalom. Leskri dai his i Maacha, kolakro dad his o Talmai. Kowa his o rai pral Geshur. O starto his o Adonija. Leskri dai his i Haggit.

1. Familjakro liil 3:9

Koi pashel wan i tchawe leskre wawar djuwjendar. Un i Tamar his lengri pheen.

Gosewe laba 31:30

O shukapen atchell gar, un i shukar djuwel well ninna phuro. I romni, kai djiwell o baro Debleha, kolat sharenn le.

Gosewe laba 6:25

Muk tiro dji gar lakro shukapen palla te nashell! Muk tut gar lakre shukar jakentsa te taprell!