2. Samuel 12:26 - O Debleskro Drom 2021 (Sinte)

²⁶ Jaake kuras pes o Joab un leskre lurde ko foreha Rabba, ko baro foreha kol Ammonendar, un las ko foro dren, kai lengro baro rai djiwell.

O Debleskro Lab 2024 (Sinte-Manouche)

²⁶ Yaake kouras pes o Yoab oun leskre lourde ko foreha Rabba, ko baro foreha kol Ammonendar, oun las ko foro dren, kay lengro baro ray djivell.

2. Samuel 12:26 ပူးပေါင်းရင်းမြစ်များ

2. Samuel 11:1

Un ko bersh djas trujel. Un an ko tsiro, kai kol bare raja an o kurepen djan, bitchras o David o Joabes un leskre lurden leha an o kurepen. Ninna i tsele Israelengre lurde djan lentsa. Un jon kuran pen i Ammonentsa, kran lengro them paash un tchiwan pen trul o foro Rabba. O David atchas an Jerusalem.

2. Samuel 11:25

O David penas ap ko bitchepaskro: “Pen o Joabeske: ‘Kowa hunte khaitell tut gar. O charo chal kanna kales un i wawar kopo koles. Kure tut gomme sorleder ko foreha, un kre les paash!’ Jaake peness tu ap leste, te lell job pale soor.”

2. Samuel 12:25

un mukas peskro rakepaskro Natan o Davideske kowa te penell. Doleske das o Natan les ko lab Jedidja. Kowa kharell: O baro Dewel kamell les.

2. Samuel 12:27

Un job bitchras murshen pash o Davideste, un mukas leske te penell: “Me kurom man ko foreha Rabba, un las ko kotar dren, kai o pani nashell.

2. Samuel 17:27

Har o David an o foro Mahanajim was, koi wan pash leste: o Shobi, koleskro dad o Nahash hi, dran o foro Rabba, kai i Ammonarja djiwan; o Machir, koleskro dad o Ammijel hi dran o foro Lo-Dabar; un o Barsillai dran o foro Roglim dran o them Gilead.

Debleskri gili 60:9

O them Gilead hi miro un o them Manasse hi miro. O them Efrajim hi miri sasterni stadi, un o them Juda hi kowa, koles penepaske hi.

Ezekiel 25:5

Un me krau, te well tumaro baro foro Rabba i platsa, kai i khamele chan. Un tumare gaba un forja wenn i them, kai i bakre un busja djiwenn. Un tumer dikenn un haiwenn, te hom me o baro Dewel.

5. Mose 3:11

Kokres o Og, ko baro rai pral Bashan, atchas djido kol bare menshendar, kai ‘riese’ kharedo wan. Har meras lo, was lo paskedo an i barrengro mochton. Kowa hi jaake star metarja baro un dui metarja buchlo, un hi tardo an o foro Rabba an o them Ammon.