2. Samuel 12:14 - O Debleskro Drom 2021 (Sinte)

¹⁴ Jek phagi leh tu. Dran kau koowa, hoi kral, rakrenn kolla djungeles pral o baro Debleste, kai les gar kamenna. Doleske merell ko ternepen, kai tuke boldo wella.”

O Debleskro Lab 2024 (Sinte-Manouche)

¹⁴ Yek phagi leh tou. Dran kava koova, hoy kral, rakrenn kolla djoungeles pral o baro Debleste, kay les gar kamenna. Doleske merell ko ternepen, kay touke boldo vella.”

2. Samuel 12:14 ပူးပေါင်းရင်းမြစ်များ

2. Samuel 12:15

Un o Natan djas khere. Un o baro Dewel mukas kol ternepas phares nasselo te well, hoi o Urijeskri romni o Davideske ap i phub anas.

Nehemia 5:9

Un me penom: “Gar mishto hi kowa, hoi tumer kai krenna! Tumer hunte djiwans glan o baro Debleskre jaka, un krans, hoi mishto hi, te nai praassens men kol wawar menshe gar, kai trul mende djiwenn un maro merepen kamenn.

Debleskri gili 69:6

Miro Dewel, tu djineh, har dinelo homs, un prindjreh miri doosh, hoi ap mande anom.

Debleskri gili 74:10

Miro Dewel, har rah mukeh tu len pal tute te sal? Mukeh tu len hako tsiro tiro lab te praassell?

Debleskri gili 94:12

Bachtelo hi kowa, koneste tu, baro Dewel, leskri doosh sikreh, koleste tu sikreh, har te djiwell lo.

Debleskri gili 99:8

Baro Dewel, tu hal maro Dewel. Tu shunal len, un lal i doosh tire menshendar krik, ninna te dal len i phagi koleske, hoi jon kran.

Jesaja 52:5

Hoi krap me kate? penell o baro Dewel. Mire menshe wan tchitcheske pandles krik lino. Kolla, kai kran pen rai pral lende, sanenn un phurdenn pen pre, penell o baro Dewel. Un o tselo diwes rikrenn le man dineleske.

Amos 3:2

Mank i tsele natsjone ap kai phub han tumer kokres kolla, kolen mange win rodom, un ap lende jak dom. Doleske hi tumari doosh jaake baro, un me hunte dap tumen i phagi.

Mateo 18:7

I bibacht hi kowa, kai della ap kai phub bud koowa, hoi anell i menshen ap o tchilatcho drom. Hawo bibacht well ap koleste, kai anell i wawaren ap o tchilatcho drom!

Remarja 2:24

Jaake hi kowa tchinlo an o Debleskro lab: Dran tumende rakrenn i wawar menshe djungeles pral o Debleste.

1. Korintarja 11:32

Te lah mer i phagi o Deblestar, palle krell job kowa, te djas mer gar khetne i wawar menshentsa nashedo.

Hebrearja 12:6

Kones o Dewel o djijestar kamella, kowa lell ninna lestar i phagi. Un koon well leskro tchawo, koles dell lo ninna dawa.

Debleskro tsiro 3:19

Lauteren, kai kamau o djijestar, kolende sikrau lengri doosh, un penau lenge dawentsa, te shunenn le ap mande. Mukenn kanna tumaro tchilatcho drom, un awenn pale ap miro drom!