2. Samuel 12:13 - O Debleskro Drom 2021 (Sinte)

¹³ Koi penas o David ap o Nataneste: “Me anom doosh ap mande, un krom i tchilatcho koowa ap o baro Debleste.” Penas o Natan: “Kanna las o baro Dewel tiri doosh tutar krik, un tu mereh gar.

O Debleskro Lab 2024 (Sinte-Manouche)

¹³ Koy penas o David ap o Nataneste: “Me anom doosh ap mande, oun krom i čilačo koova ap o baro Debleste.” Penas o Natan: “Kanna las o baro Devel tiri doosh toutar krik, oun tou mereh gar.

2. Samuel 12:13 ပူးပေါင်းရင်းမြစ်များ

1. Mose 39:9

Kek hi bareder an kau kheer har me. Un miro rai rikras tchi peske har tut kokres. Tu hal leskri romni. Har nai anau hawi bari doosh ap mande, te krap kowa, hoi o Dewel gar kamella?”

2. Samuel 24:10

Un o Davideskro dji djas sikeder har job kol tsele murshen an i liil pre-tchinas. Un o David penas ap o baro Debleste: “Kowa his i bari doosh, hoi anom ap mande. Me krom i tchilatcho koowa. Un kanna mangau tut, baro Dewel, le mange koi doosh krik!”

2. Samuel 24:17

Har o David kol bolepaskres dikas, kai marell kol menshen, penas job ap o baro Debleste: “Shun, kowa hom me, kai anom doosh ap mande. Me krom i tchilatcho koowa. Kol menshe kate kran kek tchilatcho koowa. Jon hi har bakre, ap kolende kek doosh hi. Mangau tut, muk koi phagi ap mande un miro dadeskro kheer te well!”

1. Rajengro liil 13:4

Un har shunas o baro rai i laba o Debleskro murshestar, kol laba, hoi ko Debleskro mursh win kharas pral koi chatchepaskri an Betel, koi sikras o Jerobeam peskro wasteha ap leste, un penas: “Taprenn les!” Koi nashras leskro wast peskri soor, un job nai tserdas les gar pale pash peste.

1. Rajengro liil 21:20

Kote penas o Ahab ap o Elija: “Hatsal man pale, tu, kai kameh mange tchilatchepen?” Kote penas lo: “Awa, me hatsom tut! Tu bikral tut, te kress kowa, hoi glan i jaka o baro Deblestar tchilatcho hi.

1. Rajengro liil 22:8

O baro rai pral Israel penas ap o Josafat: “Kate hi gomme jek mursh, o Micha, koleskro dad o Jimla hi, kowa nai putchell menge o baro Deblestar. Man hi i choli ap leste. Hako kopo, kai penas lo mange tchomone glan-wi, his les kek latcho lab mange, kokres djungele laba his les mange.” O Josafat penas pale pale: “Tu, o baro rai, hunte rakress gar jaake!”

2. Rajengro liil 1:9

Un o baro rai bitchras pash o Elija i pralstuno lurdes. Koles his penepaske pral paash-sheel lurdende. Un kol paash-sheel las job peha. Har kolla pash o Elija wan, his kowa ap i berga beshdo. Ko pralstuno lurdo penas ap leste: “Debleskro mursh, o baro rai penell, te wess koi pral tele.”

1. Familjakro liil 21:8

Un o David penas ap o Debleste: “Kowa hi i bari doosh, hoi anom ap mande. Me krom i tchilatcho koowa. Un kanna mangau tut, le mange koi doosh krik!”

2. Familjakro liil 16:10

O Asa choiras pes pral o dikepaskro, un an peskri bari choli mukas lo les an o stilepen te anell. An ko tsiro rikras job ninna wawar menshen an o them i dawentsa tele.

2. Familjakro liil 25:16

Un har o Debleskro rakepaskro leha jaake rakras, penas o baro rai ap leste: “Tchiwom me tut dren, te peness mange, hoi te krap? Rike tiro mui, te kameh gar dawa te lell!” Un o Debleskro rakepaskro mukas tele un penas: “Kanna, kai dikau, hoi kral, un kameh gar te shunell, hoi tuke penom, haiwau me, kai hi an o Debleskro dji, te marell lo tut.”

Hiob 33:27

Ko mensho giwell palle glan i menshende un penell: “Me lom doosh ap mande, un rissrom mange o tchatchepen jaake har me kamom. Un miro Dewel mukas kowa gar ap miro shero pale te well.

Debleskri gili 103:12

Koi rig, kai o kham pre djal, hi dur krik kolatar, kai lo tele djal. Jaake dur har kai jek rig hi koi wawaratar, jaake dur tchiwas job mari doosh mendar krik.

Debleskri gili 51:16

Me anom rat ap mande, ma de man mulo, miro Dewel! Tu hal o Dewel, kai lell man win dran o merepen. Un me kamau tiro tchatchepen te sharell.

Debleskri gili 51:4

Thob miri doosh mandar tele, un le ko tselo tchilatchepen mandar krik, te wap pale djudjo!

Debleskri gili 51:6

Ap tute kokres krom, hoi tchilatcho hi. Awa me krom, hoi midjak hi glan tire jaka. Doleske hi tut tchatches an tiro rakepen. Tu kreh o tchatchepen, te deh man i phagi.

2. Mose 9:27

Kote bitchras o Farao pash o Mose un o Aron, te wenn le, un penas ap lende: “Kau kopo anom doosh ap mande. O baro Debles hi tchatches. Man un mire menshen hi gar tchatcho.

Gosewe laba 25:12

I gosewo mensho, kai trad dell, un i kand, hoi ap leste shunell, kolla hi har i sonakaskri gustri un i sonakaskri werkli trul i meen.

Gosewe laba 28:13

Kowa, kai peskri doosh khatrell, kowa well gar dur an peskro djipen. Kowa, kai penell, hoi lo kras, un mukell peskri doosh, hatsell o Debleskro kamlepen.

Jesaja 38:17

Dik, kowa his mange mishto, te wom nasselo: An tiro kamlepen tserdal tu miro djipen win dran o merepen. I tseli doosh, hoi me ap mande anom, witsral tu pal tiro dumo.

Jesaja 43:24

Mange ginal tu gar lowenge gudlo sungepaskro khass, witar gar chatchral o viechengro thulepen, te wap tchalo. Na-a, mange kral bud budi tiri doshah. Ko tselo tchilatchepen, hoi kral, kras man khino.

Jesaja 44:22

Ko tchilatcho koowa, hoi tu kral, lom tutar krik, te hi lo gar buder. Jaake har i nebla, har i wolka krik phurdedo well, jaake phurdom koi doosh krik, hoi ap tute his. Ab pale pash mande, me plaissrom tuke, te wess miro.

Ropaskre gilja 3:32

Ninna te dukell lo jekes, well lo leske pale kamles. Jaake baro hi leskro latchepen.

3. Mose 20:10

Te sowell jek i romjah i wawarestar, hunte wenn kol dui maredo.

3. Mose 24:17

Koon i menshes mulo dell, hunte well mulo dino.

Zakarie 3:4

Un o bolepaskro penas ap kolende, kai glan leste tardo hi: “Lenn kol tchikle koola lestar!” Un ap o Jeshua penas lo: “Me lom tiri doosh tutar, un mukau tuke newe koola te riwell.”

Mateo 14:10

Dran kowa was o Johanneske leskro shero tele dino an o stilepen.

Louka 15:21

Koi penas o tchawo ap leste: Tata, me krom i tchilatcho koowa, kai me djom tutar un o Deblestar krik. Un me hom gar moldo, te atchap tiro tchawo.

Louka 18:13

Ko pale-tchiddo atchas palla tardo, un hadas gar peskro shero pre. Un job das ap peskro betch, te sikrell lo, kai leskro tchilatcho koowa khaitas les, un penas: Miro Dewel, me hom i tchilatcho mursh. Dik ap mande un ab mange latcho!”

Bičepangre 2:37

Har kol menshe kowa shunan, djas lenge kowa an lengro dji. Un jon putchan o Petrestar un kol wawar Jesuseskre bitchepangrendar: “Murshale, mire phrala, hoi kras mer?”

Hebrearja 9:26

Te wals kowa gar jaake, hunte merals lo bud kope jaake rah, har i phub koi hi. Job was kanna an kau tsiro, kai mer djiwah, te merell lo, un te lell lo jek kopo hako tsireske i doosh i menshendar.

1. Johanni 1:7

Mer te djiwah khetne o Debleha an o tchatchepen, jaake har o Dewel an o tchatchepen tardo hi, palle nai ham mer ninna lauter khetne an o tchatchepen. Un o rat leskro tchawestar thowell mari tseli doosh mendar tele.

Debleskro tsiro 1:5

Latchepen un bacht tumenge! Kowa dell tumen o Jesus Kristo! Job sikrell i menshende o tchatcho drom pash o Debleste. Un job hi o glanstuno lauterendar, kai stenn i mulendar pre un wenn djido. Un job hi ninna o rai pral i tsele raja ap kai phub! Job kamell men o tselo djijestar, un las men dran mari doosh win, un plaissras menge peskro rateha.

1. Samuel 15:20

Kote penas o Saul ap o Samuel: “Me shunom ap o baro Debleste un djom ko drom, kai man o baro Dewel bitchras. Me taprom o Agag, ko rai pral i Amalekarja, un anom les kai. Un me mukom i tsele Amalekarjen te marell.

1. Samuel 15:30

“Me lom doosh ap mande”, penas o Saul pale. “Ninna te hi jaake, mangau tut, hade man glan i phurende mire menshendar un glan o Israel, un dja mantsa pale, te nai sharap tiro baro Debles.”