2. Samuel 12:1 - O Debleskro Drom 2021 (Sinte)

¹ Un o baro Dewel bitchras peskro rakepaskres, o Natanes, pash o David. Job was pash leste un penas ap leste: “His dui mursha an i foro. Ko jek his brawelo, ko wawar tchorwelo.

O Debleskro Lab 2024 (Sinte-Manouche)

¹ Oun o baro Devel bičras peskro rakepaskres, o Natanes, pash o David. Yob vas pash leste oun penas ap leste: “His douy morsha an i foro. Ko yek his bravelo, ko vavar čorvelo.

2. Samuel 12:1 ပူးပေါင်းရင်းမြစ်များ

2. Samuel 11:25

O David penas ap ko bitchepaskro: “Pen o Joabeske: ‘Kowa hunte khaitell tut gar. O charo chal kanna kales un i wawar kopo koles. Kure tut gomme sorleder ko foreha, un kre les paash!’ Jaake peness tu ap leste, te lell job pale soor.”

2. Samuel 12:2

Ko braweles his bud bakre un grumja.

2. Samuel 14:14

Well o tsiro, kai mer hunte meras halauter. Un ham har pani, kai ap i phub tchoredo hi, un hoi nai hadell kek buder pre i phubjatar. O Dewel kamell gar o djipen krik te lell. Job kamell gar te atchell kowa, kai was krik tradedo, ninna lestar krik.

2. Samuel 7:17

Har o Natan kol tsele laba, hoi o Dewel leske sikras, o Davideske penas,

1. Rajengro liil 1:8

O rashai Zadok his gar leha, witar gar o Benaja, koleskro dad o Jojada his, witar gar o Debleskro rakepaskro, o Natan, witar gar o Shimi, un o Rei, un o Davideskre sorele kurepangre.

1. Rajengro liil 13:1

Koi was i Debleskro mursh dran Juda, koles bitchras o baro Dewel an Betel. Job was koi, har his o Jerobeam pash koi chatchepaskri tardo un chatchras sungepaskro koowa.

1. Rajengro liil 18:1

Pal i rah tsiro, an o triinto bersh, kai bokenn le, penas o baro Dewel ap o Elija: “Dja, muk tut te dikell glan o Ahab. Me mukau o brishin te well ap i phub!”

1. Rajengro liil 21:18

“Ste pre, dja tele pash o Ahab, ko rajeste pral Israel, kai an Samaria djiwell! Tu hatseh les ap ko kotar phub i drakengre rukentsa, hoi his o Nabotes. Kote djas lo, te lell lo kau kotar phub peske.

1. Rajengro liil 4:5

O rai pral kol pralstunende, kai his tardo pral o them, his: o Asarja, koleskro dad o Natan his. O baro rajeskro maal his: o Sabud, koleskro dad o Natan his.

2. Rajengro liil 1:3

Koi penas o baro Debleskro bolepaskro ap o Elija, – kowa his dran Tishbe: “Dja pash kol bitchepangre o baro rajestar dran Samaria, un pen ap lende: ‘Hi kai kek Dewel an Israel? Hoske djan tumer, te putchenn kol deblestar dran Ekron, o Baal-Sebub?

1. Familjakro liil 29:29

Ko tselo wawar koowa, hoi pral o Davideskro djipen penepaske hi, kowa hi tchinlo an kol triin lila: ‘O liil pral o dikepaskro, o Samuel’, un ‘o liil pral o Debleskro rakepaskro, o Natan’, un ‘o liil pral o dikepaskro, o Gad’.

Jesaja 39:3

Kote was o Debleskro rakepaskro Jesaja pash o rajeste Hiskija un putchas lestar: “Hoi penan kal mursha? Un hawo themestar wan le pash tute?” O Hiskija penas: “Jon wan dran i dur them kate pash mande, dran o them Babilonia.”