2. Samuel 11:1 - O Debleskro Drom 2021 (Sinte)

¹ Un ko bersh djas trujel. Un an ko tsiro, kai kol bare raja an o kurepen djan, bitchras o David o Joabes un leskre lurden leha an o kurepen. Ninna i tsele Israelengre lurde djan lentsa. Un jon kuran pen i Ammonentsa, kran lengro them paash un tchiwan pen trul o foro Rabba. O David atchas an Jerusalem.

O Debleskro Lab 2024 (Sinte-Manouche)

¹ Oun ko bersh djas trouyel. Oun an ko tsiro, kay kol bare raya an o kourepen djan, bičras o David o Yoabes oun leskre lourden leha an o kourepen. Ninna i tsele Israelengre lourde djan lentsa. Oun yon kouran pen i Ammonentsa, kran lengro them paash oun čivan pen troul o foro Rabba. O David ačas an Yerusalem.

2. Samuel 11:1 ပူးပေါင်းရင်းမြစ်များ

2. Samuel 10:14

Har kol Ammonarja dikan, kai kol Syrarja nashan, nashan jon ninna glan o Abishai an o foro dren. Koi mukas o Joab tele kol lurdendar dran o them Ammon, un was an o foro Jerusalem.

1. Rajengro liil 20:22

Kote was ko Debleskro rakepaskro pash o baro rajeste dran Israel, un penas ap leste: “De jak, kre tut sorelo, te djiness un haiwess, hoi te kress. Ko baro rai dran Syria well palpale, te hi kau bersh trujel, te kurell lo pes tuha.”

1. Rajengro liil 20:26

Un jaake was, har o newo bersh was, koi djas o Ben-Hadad khetne peskre lurdentsa pral pash o foro Afek, te kurell lo pes kote i Israelentsa.

1. Familjakro liil 20:1

Un ko bersh djas trujel. Un an ko tsiro, kai kol bare raja an o kurepen djan, djas o Joab peskre lurdentsa an o kurepen. Un jon kuran pen i Ammonentsa, kran lengro them paash un tchiwan pen trul o foro Rabba. O David atchas an Jerusalem. Un o Joab las o foro Rabba dren un das les an kotja.

2. Familjakro liil 36:10

Un har o bersh trujel his, mukas les o Nebukadnezar an o foro Babilon te anell, un mukas leha bud kutch koowa dran o baro Debleskro kheer te anell, un tchiwas leskro kakes, o Zedekja, pral o them Juda un o foro Jerusalem, te well lo baro rai.

Debleskri gili 60:9

O them Gilead hi miro un o them Manasse hi miro. O them Efrajim hi miri sasterni stadi, un o them Juda hi kowa, koles penepaske hi.

Sikepaskro 3:8

Koi hi tsirja, kai i menshe kamenn pen, un tsirja, kai tchingrenn le ap i wawarende. Dell tsirja, kai djiwah an o kurepen, un wawar tsirja, kai dell kek kurepen.

Jeremia 49:2

Doleske penell o baro Dewel: Ko tsiro well, kai mukau i kurepaskri gole te shunell: Lurde wenna pral o foro Rabba, ko baro foro fun i Ammonarja. O forestar Rabba atchell tchi pral har barra. Un kol wawar forja koi trujel wenn pre chatchedo. O Israel well o rai pral kolende, kai lan penge leskro them. Kowa penell o baro Dewel.

Jeremia 49:3

Rob, tu foro Heshbon! O foro Ai hi khetne phagedo. Denn gole, tumer djuwja an o foro Rabba, un riwenn i gono pral tumende! denn ropaskri gole, un nashenn kate te kote! O Milkom peskre rashajentsa un i pralstune wenn pandles krik anlo.

Ezekiel 21:20

te taprell i menshen bari daar, un bud merenn. Pash hake foreskre wudja wenn menshe maredo o chareha. Djudjo har i blendari hi ko charo. O marepaske hi lo kerdo.

Amos 1:14

Me bitchrau i jag ap i foreskre massurja o forestar Rabba, hoi chatchrell leskre sorele khera tele, ap ko diwes, kai well o kurepaskri gole dino, un o kurepen win phagell har i baro phurdepen.

Zakarie 14:3

Palle djal o baro Dewel win, te kurell job pes jaake kol lurdentsa dran i wawar themma, har kuras lo pes peskre menshenge an i phure tsirja.

5. Mose 3:11

Kokres o Og, ko baro rai pral Bashan, atchas djido kol bare menshendar, kai ‘riese’ kharedo wan. Har meras lo, was lo paskedo an i barrengro mochton. Kowa hi jaake star metarja baro un dui metarja buchlo, un hi tardo an o foro Rabba an o them Ammon.

1. Samuel 18:30

Un bud kope an o marepen i Filistarentsa his o David sorleder har hako wawar o Sauleskre pralstune lurdendar. Un o Davideskro lab was sharedo un hadedo.