2. Samuel 10:6 - O Debleskro Drom 2021 (Sinte)

⁶ Har kol Ammonarja dikan, kai kran le o Davides mulo chojedo, ginan le lurden dran wawar themma: 20.000 (biish-serja) Syrarja dran o foro Bet-Rehob un dran o foro Zoba, 1.000 (jek sero) lurde o baro rajestar pral o them Maacha, 12.000 (deesh-te-dui-serja) lurde dran o them Tob.

O Debleskro Lab 2024 (Sinte-Manouche)

⁶ Har kol Ammonarya dikan, kay kran le o Davides moulo rhoyedo, ginan le lourden dran vavar themma: 20.000 (biish-zerya) Syrarya dran o foro Bet-Rehob oun dran o foro Soba, 1.000 (yek zero) lourde o baro rayestar pral o them Maaka, 12.000 (deesh-te-douy-zerya) lourde dran o them Tob.

2. Samuel 10:6 ပူးပေါင်းရင်းမြစ်များ

1. Mose 34:30

Koi penas o Jakob ap o Simeon un ap o Levi: “Tumer anan bibacht un ladj ap mande pash kolende, kai djiwenn an kau them: pash i Kanaanitarja un i Perisarja. Mer ham gar bud menshe. Te wenn jon lauter khetne un perenn pral mende, denn le men mulo. Un me merau miri tseli familjah.”

2. Samuel 10:5

Kowa his i bari ladj kol murshenge. Har o Davideske kowa penlo was, bitchras job murshen pash lende, un mukas lenge te penell: “Atchenn an o foro Jericho, bis te tumari tchor pale bares was! Koi pal awenn pale!”

2. Samuel 10:7

Har kowa o David shunas, bitchras job o Joabes pash lende peskre tsele lurdentsa.

2. Samuel 16:21

Penas o Ahitofel: “Dja pash i djuwjende tiro dadestar, kolen tiro dad mukas koi, te denn jon garda ap ko kheer! Un sob lentsa! Jaake shunell o tselo Israel, kai tu tut pash tiro dadeste gar kamlo kral. Palle wenn lauter kolla, kai ap tiri rig hi, sorleder.”

2. Samuel 23:34

o Elifelet, koleskro dad o Ahasbai hi, dran Maacha, o Eliam, koleskro dad o Ahitofel hi, dran Gilo,

2. Samuel 8:12

Kolla his i menshe an i themma Edom, Moab, Ammon, Filistia, Amalek. Ninna kowa tchiwas lo an o Debleskro kheer, hoi las lo o rajestar pral o foro Zoba, o Hadad-Eser, koleskro dad o Rehob hi.

2. Samuel 8:3

O David kuras pes ninna o baro rajeha pral o them Zoba. Leskro lab his Hadad-Eser, koleskro dad his o Rehob. Har o Hadad-Eser koi djas, te lell lo o them pash ko pani Eufrat pale dren, was o David peskre lurdentsa, un das les un leskre lurden.

2. Samuel 8:5

Koi wan kol Syrarja dran o them Damaskus pash o Hadad-Eser, ko baro rai pral o them Zoba, te wenn le leske ap i rig. Un o David maras lendar 22.000 (biish-te-dui-serja) murshen.

1. Rajengro liil 11:24

Un o Reson las kurepangren trul peste un was lengro pralstuno. Kowa his an ko tsiro, har o David i Syrarja maras. Un o Reson peskre lurdentsa djas an o foro Damaskus. Un jon djiwan kote, un his i raja pral Damaskus.

2. Rajengro liil 7:6

O baro Dewel kras, te shunenn kol Syrarja i bari gole, har te wenn bud lurde grajentsa un kurepangre wurdjentsa. Un jon rakran jek ap o wawareste: “Shunenn, ko baro rai pral Israel tchiwas pes khetne kol bare rajentsa pral kol Hetarja un pral kol Egiptarja, te perenn le khetne pral mende.”

Debleskri gili 48:4

Job hi an i sorele khera an kau foro. Un i menshe kote djinenn, te dell lo garda ap lende.

2. Mose 5:21

“O baro Debleskri choli well ap tumende! Tumer kran, te ham o Faraeske un leskre pralstunenge har djukle. Kanna hi an lengre wasta, te nai marenn le men.”

Gosewe laba 25:8

Ma dja sik pash i tchatchepangre murshende, te peness lenge, hoi dikal. Te well palle i wawar un sikrell, kai hi tut gar tchatcho, hoi kreh tu palle?

Jeremia 40:8

Kal pralstune lurde his: O Jishmael, koleskro dad o Netanja his, o Johanan un o Jonatan, kolengro dad o Kareach hi, un o Seraja, koleskro dad o Tanhumet his, un i mursh tchawe o murshestar Efai dran Netofa, un o Jaasanja dran Maacha. Jon lauter un lengre lurde wan pash o Gedalja. Kowa his an o foro Mizpa.

Jeremia 46:21

Ninna i lurde, kai plaissedo wenna an kau them, hi har terne thulle grumja. Jon nashenn penge un kurenn pen gar ap ko tchilatcho diwes, kai well i bibacht pral lende, un jon pengri phagi lenna.

5. Mose 3:14

O Jair dran i familja Manasse las ko tselo kotar them Argob bis pash o them, kai i Geshurarja un i Maachatarja djiwenn. O Jair kharas kol gaba an o them Bashan pal peskro lab ‘o Jaireskre gaba’. Un jaake kharenn le gomme kau diwes.]

Čačepangre 11:3

Un jaake nashas o Jefta peskre phralendar, un djiwas an o them Tob. Un pash leste wan pale-tchidde un djan leha.

Čačepangre 11:5

Kote djan i phureder dran Gilead pash o Jefta, te lenn le les dran o them Tob.

Čačepangre 18:28

Un kek his koi, kai len nai dran lengre wasta win las. Ko foro Lajish his dur krik o forestar Sidon, un his tchiddo an o telstuno them pash Bet-Rehob. Un i menshe djiwan peske kokres. Un i Danarja kran ko foro pale newes un djiwan koi.

1. Samuel 13:4

Un i tsele Israelenge was penlo: “O Saul maras kol lurden i Filistarendar, kai jak dan. Un kanna hi len choli ap o tselo Israel.” Un i tsele Israelengre lurde wan khetne gole dino, te djan le an Gilgal pash o Saul.

1. Samuel 27:12

Un o Achish patsas o Davides, un penas peske: “Job kras pes pash peskre menshende Israel jaake khandles, te atchell lo hako tsireske miro budepaskro.”