2. Samuel 10:14 - O Debleskro Drom 2021 (Sinte)

¹⁴ Har kol Ammonarja dikan, kai kol Syrarja nashan, nashan jon ninna glan o Abishai an o foro dren. Koi mukas o Joab tele kol lurdendar dran o them Ammon, un was an o foro Jerusalem.

O Debleskro Lab 2024 (Sinte-Manouche)

¹⁴ Har kol Ammonarya dikan, kay kol Syrarya nashan, nashan yon ninna glan o Abishay an o foro dren. Koy moukas o Yoab tele kol lourdendar dran o them Ammon, oun vas an o foro Yerusalem.

2. Samuel 10:14 ပူးပေါင်းရင်းမြစ်များ

2. Samuel 10:15

Har kol Syrarja dikan, kai jon i Israelendar dino his, lan le pengre tsele lurden khetne.

2. Samuel 11:1

Un ko bersh djas trujel. Un an ko tsiro, kai kol bare raja an o kurepen djan, bitchras o David o Joabes un leskre lurden leha an o kurepen. Ninna i tsele Israelengre lurde djan lentsa. Un jon kuran pen i Ammonentsa, kran lengro them paash un tchiwan pen trul o foro Rabba. O David atchas an Jerusalem.

2. Samuel 20:6

Koi penas o David ap o Abishai: “Kanna krell o Sheba menge budeder tchilatchepen har o Absalom. Le tu mire lurden un naash leske palla, te lell job gar i sorele forja penge, un khatrell pes kote.”

2. Samuel 22:38

Me lom kolen palla, kai ap mande pre djan, un wom sorleder har jon, un mukom gar tele, bis te his le mulo dino.

2. Samuel 23:18

O Abishai, koleskro phraal o Joab hi, un kolengri dai i Zeruja hi, kowa his ko pralstuno kol triin-deshendar. O Abishai las leskro witsepaskro tchuri, un das triin-sheel lurden mulo, un les his i baro lab mank kol triin-deshende.

2. Samuel 8:12

Kolla his i menshe an i themma Edom, Moab, Ammon, Filistia, Amalek. Ninna kowa tchiwas lo an o Debleskro kheer, hoi las lo o rajestar pral o foro Zoba, o Hadad-Eser, koleskro dad o Rehob hi.

1. Familjakro liil 18:12

Un o Abishai, koleskri dai i Zeruja hi, das i Edomarja ap ko kotar phub, hoi kharell Londi Tala. Un job maras an koi tala 18.000 (deesh-te-ochta-serja) lurden.