2. Samuel 10:12 - O Debleskro Drom 2021 (Sinte)

¹² Ma dare, te atchas mer gar kol sorleder! Kuras men mare menshenge un kol forjenge maro Deblestar! O baro Dewel krella, hoi mishto hi an leskre jaka.”

O Debleskro Lab 2024 (Sinte-Manouche)

¹² Ma dare, te ačas mer gar kol zorleder! Kouras men mare menshenge oun kol foryenge maro Deblestar! O baro Devel krella, hoy mishto hi an leskre yaka.”

2. Samuel 10:12 ပူးပေါင်းရင်းမြစ်များ

2. Samuel 10:11

Un penas ap leste: “Te hi kol Syrarja sorleder har me, weh tu ap mari rig. Te hi kol Ammonarja sorleder har tu, wau me ap tiri rig.

2. Samuel 15:26

Te penell job ‘Tu hal gar latcho an mire jaka’, palle nai krell lo mantsa, hoi leske mishto hi.”

1. Familjakro liil 19:13

Ma dare, las men khetne te kuras kek darjah mare menshenge un kol forjenge maro Deblestar! O baro Dewel krella, hoi mishto hi an leskre jaka.”

2. Familjakro liil 32:7

“Awenn sorelo, un ma trashenn! Ma darenn tchi! Ma trashenn o baro rajestar dran o them Assur un leskre tsele lurdendar, kai pash leste hi! Mentsa hi i bareder har leha hi.

Nehemia 4:14

Tumer te shunenn koi phurdepaskri, djan koi un awenn kote mentsa khetne. Un maro Dewel kurell pes menge.”

Nehemia 4:8

Un har lengri daar dikom, djom pash lende un penom ap i pralstunende un ap i tchatchepangre murshende un ap i tsele murshende: “Ma darenn lendar! Dikenn ap o Debleste, kai hi baro un jaake sorelo, te darell hunte hakeno lestar! Un djan an o kurepen tumare phralenge, un tumare tchawenge un tchenge, tumare romjenge un tumare kherenge!”

Ester 4:16

“Dja koi un de i tsele bibolden an o foro Susa khetne gole! Chan un pijenn triin diwessa tchi, gar ap o diwes, witar gar an i rati. Krenn kowa mange, te dikell o Dewel latches ap mande! Un me un kol djuwja, kai mange budrenn, mer kamah kowa ninna jaake te krell. Un pal kowa kamau pash o baro rajeste dren te djal, ninna te hi khatar o tchinlo lab. Un te denn le man mulo, palle denn le man mulo.”

Hiob 1:21

Un job penas: “Har boldo wom, his kek koola ap mande. Un ap ko diwes, kai merau, lau kek koola mantsa. O baro Dewel das man lauter, hoi man hi. Un o baro Dewel las les pale mandar. Job well sharedo!”

4. Mose 13:20

Dikenn ninna, hawi phub koi hi! Hi li mishto, te nai well djob kote bares? Hi ruka kote tardo un hawe? Ma trashenn, te anenn menge kolestar, hoi an ko them bares was!” Kowa his an ko tsiro, kai i molengre drake mishto his.

1. Korintarja 16:13

Denn garda, te atchenn an o patsepen! Ma trashenn! Atchenn soreles!

5. Mose 31:6

Awenn soreles un ma trashenn! Ma darenn tchi un trashenn kekestar! Tumaro baro Dewel hi kowa, kai djal tumentsa. Job atchell pash tumende un mukell tumen gar kokres.

5. Mose 31:7

O Mose das o Josua gole un penas ap leste glan i tsele Israelitarjen: “Ab sorelo un ma traash! Tu aneh kal menshen an ko them, kowa o baro Dewel pes sowel das glan lengre phurende, te dell lo les lende. Un tu deh halauterenge pengro kotar them.

Hebrearja 11:33

Kol tsele mursha patsan, hoi o Dewel lenge penas. Mashkral lende his ninna kolla, hoi kuran pen kol bare rajentsa un kol rajengre lurdentsa. Un jon his sorleder har kol bare raja un lengre lurde. Wawar kran o tchatchepen un dikan pengre jakentsa, har kowa tchatcho was, hoi o Dewel lenge penas. Wawar wan glan bare un diwje margodje witsedo, un kolla dandran len gar.

Hebrearja 13:6

Jaake hunte daras gar un nai penah: O Dewel hi ap miri rig, me hunte darap gar. Hoi nai krell i mensho ap mande?

Josua 1:18

Un hakeno, kai gar ap tute shunell, un witar gar ap kol tsele laba, hoi tu menge peneh, te kras mer, kowa well mulo dino! Tu, ab soreles un ma traash!”

Josua 1:9

Penau tuke pale: Ab soreles! Un ma traash gar! Ma dare tchi! Un ma traash kekestar! O baro Dewel hi tiro Dewel un hi tuha, kai tu ninna djah.”

Čačepangre 10:15

I Israelitarja penan ap o baro Debleste: “Mer lam bari doosh ap mende! Kre tu mentsa, har tu kameh. Kokres kau jek kopo le men gomme win dran kolengre wasta!

1. Samuel 14:12

Un jon dan gole ap kol dujende un penan: “Awenn kate pash mende pre, palle sikras les mer tumende!” Kote penas o Jonatan ap ko terno mursheste: “Dja pal mande! O baro Dewel das len an o Israelengre wasta.”

1. Samuel 14:6

Un o Jonatan penas ap ko terno mursheste, kai leskro kurepaskro koowa hidjrell: “Ab, mer djas pash kol chalende, kai koi wergel jak denn. Nai hi, te well o baro Dewel menge ap i rig. Te krell lo kowa, hi jek, kitse mer ham, bud oder gar bud.”

1. Samuel 17:32

Un o David penas ap o Saul: “Miro rai, kek tire murshendar hunte darell ko Filistarestar! Me kamau koi te djal un man leha te marell.”

1. Samuel 3:18

Kote penas o Samuel leske lauter un rikras tchi pale. Koi penas o Eli: “Job hi o baro Dewel un job krell jaake har latcho hi.”

1. Samuel 4:9

Awenn sorele tumer Filistarja! Kurenn tumen har tchatche mursha, te perenn gar an i Israelengre wasta! Te wenn jon i sorleder pral tumende, hunte budrenn tumer lenge jaake, har jon hunte budran menge. Awenn kanna mursha un kurenn tumen!”