2. Samuel 10:10 - O Debleskro Drom 2021 (Sinte)

¹⁰ Kol wawar lurden tchiwas job tel o wast peskro phralestar Abishai, te kurenn pen kolla kolentsa dran o them Ammon.

O Debleskro Lab 2024 (Sinte-Manouche)

¹⁰ Kol vavar lourden čivas yob tel o vast peskro phralestar Abishay, te kourenn pen kolla kolentsa dran o them Ammon.

2. Samuel 10:10 ပူးပေါင်းရင်းမြစ်များ

2. Samuel 10:11

Un penas ap leste: “Te hi kol Syrarja sorleder har me, weh tu ap mari rig. Te hi kol Ammonarja sorleder har tu, wau me ap tiri rig.

2. Samuel 10:9

Un o Joab dikas, kai kolla kaman pen leha te kurell, un wan fun glan un pal. Koi rodas job peskre feteder murshen win, un mukas len pen pre te tchiwell glan kol Syrarja.

2. Samuel 18:2

Pral kolla lauter tchiwas job triin lurdengre rajen, hakenes pral i triinto kotar kol lurdendar. Kolla triin his: o Joab, leskro phraal o Abishai, koleskri dai i Zeruja hi, un o Itai dran Gat. Un o baro rai penas ap i lurdende: “Me kamau tumentsa an o kurepen te djal.”

2. Samuel 23:18

O Abishai, koleskro phraal o Joab hi, un kolengri dai i Zeruja hi, kowa his ko pralstuno kol triin-deshendar. O Abishai las leskro witsepaskro tchuri, un das triin-sheel lurden mulo, un les his i baro lab mank kol triin-deshende.

1. Familjakro liil 18:12

Un o Abishai, koleskri dai i Zeruja hi, das i Edomarja ap ko kotar phub, hoi kharell Londi Tala. Un job maras an koi tala 18.000 (deesh-te-ochta-serja) lurden.

1. Familjakro liil 19:1

Pal ko tsiro meras o Nahash, ko baro rai pral kol Ammonarja. Un leskro tchawo, o Hanun, was baro rai pal leste.