2. Samuel 1:23 - O Debleskro Drom 2021 (Sinte)

²³ O Saul un o Jonatan, an lengro djipen kamam len un lengro baro dji. An lengro merepen hi le khetne. Jon his sikeder har i tchirklo un sorleder har i lewo.

O Debleskro Lab 2024 (Sinte-Manouche)

²³ O Saul oun o Yonatan, an lengro djipen kamam len oun lengro baro dji. An lengro merepen hi le khetne. Yon his sikeder har i čirklo oun zorleder har i levo.

2. Samuel 1:23 ပူးပေါင်းရင်းမြစ်များ

2. Samuel 1:24

Tumer tcha an o Israel, rowenn pral o Saul, kai das tumen kutch ripja, un ninna sonakai, te krenn tumen shukar.

2. Samuel 2:18

Koi pashel his ninna kol triin phrala, kolengri dai i Zeruja his: o Joab, o Abishai, un o Asahel. O Asahel his sik har i wesheskri busni ap peskre herja.

2. Samuel 23:20

O Benaja, koleskro dad o Jojada his, dran o gab Kabzeel, his i wawar kurepaskro mursh, kai baro koowa kras. Kowa das kol dui sorele murshen mulo, kai wan kharedo ‘lewe dran Moab’. Ap i diwes, kai gib das, djas lo an i brunna, un das koi i lewes mulo.

1. Familjakro liil 12:8

o Joela, un o Sebadja, kolengro dad o Jeroham hi dran o foro Gedor.

Hiob 9:26

Miro djipen nashell jaake sik dureder har i sik bero un har i baro tchirklo, hoi mukell pes tele te perell ap i tikno viecho, te taprell lo les.

Gosewe laba 30:30

O lewo, ko sorleder mank i viechende: Glan kekeste djal lo pale;

Kamlepaskri gili 5:16

Leskro rakepen hi gudlo, un halauter ap leste hi kamlo. Kowa hi miro pirno; awa, kowa hi miro maal, tumer tcha dran o foro Jerusalem!

Jeremia 4:13

Dik, har wolke well ko marepaskro. Leskre kurepangre wurdja hi sik har i phurdepen, un leskre graja hi sikeder har i adlari. Hawi bibacht! Mer ham nashedo!

Ropaskre gilja 4:19

Kolla, kai men palla lan, his sikeder har i adlarja tel o bolepen. Ap o pralstuno them lan le men palla, un an o mulo them luran le menge pre.

5. Mose 28:49

Menshen dran i dur them, fun i wawar rig i phubjatar, anell lo pral tumende. Sik har i baro tchirklo wenn le pral tumende. Lengro rakepen haiwenn tumer gar.

Čačepangre 14:18

Un ap o eftato diwes, glan o tsiro kai o kham tele djas, penan i mursha dran o foro ap leste: “Hoi hi gudleder har gwin? Un hoi hi sorleder har o lewo?” Un job penas ap lende: “Te lans gar miri terni grumni, te budrenn ap tumari phub, palle djinans tumer gar, hoi mire laba kamenn te penell.”

1. Samuel 18:1

Un pal kol laba, hoi o David o Sauleha rakras, las o Jonatan i kamlepen o Davideske an o dji, un job kamas les peskro tselo djijeha har peskro djipen.

1. Samuel 20:2

Un o Jonatan penas: “Kowa nai well gar jaake! Tu hunte meress gar. Miro dad krell tchi, kek baro koowa, witar kek tikno koowa, te rakras lo gar mantsa. Hoske rikrals lo kau koowa glan mande khatedo? Na-a, kawa hi gar jaake.”