2. Samuel 1:16 - O Debleskro Drom 2021 (Sinte)

¹⁶ Glan kowa penas o David ap o Amalekari: “Tu anal leskro rat ap tute. Doleske meress! Tiro mui phukras ap tute, har tu penal: ‘Me dom koles mulo, koles o baro Dewel win rodas, te well lo baro rai.’”

O Debleskro Lab 2024 (Sinte-Manouche)

¹⁶ Glan kova penas o David ap o Amalekari: “Tou anal leskro rat ap toute. Doleske meress! Tiro mouy phoukras ap toute, har tou penal: Me dom koles moulo, koles o baro Devel vin rodas, te vell lo baro ray.”

2. Samuel 1:16 ပူးပေါင်းရင်းမြစ်များ

2. Samuel 1:10

Koi djom pash leste, un dom les mulo. Me djinom, te nai djiwell job buder gar, jaake phares his lo dukedo. Un me lom leskri rajeskri stadi lestar tele, ninna ko sonakai ap leskri mussi, un anom kowa pash tute, miro rai.”

2. Samuel 16:8

Tu lal o Sauleske leskri rajeskri beshepaskri tuke! Kanna anell o baro Dewel o tselo rat o Sauleskre menshendar pral tute. O rajeskri beshepaskri das o baro Dewel tiro tchaweste, o Absalomeste. Marepaskro, kai hal, kanna hal tu an i bibacht!”

1. Rajengro liil 2:37

Djin, an ko diwes, kai tu djah win un nasheh pral o pani Kidron, hunte meress. An ko diwes well tiro rat pral tute.”

Hiob 15:6

Hi tiro mui, hoi penell, te hi doosh ap tute. Me hunte penap kowa gar. Hako lab, hoi rakreh, sikrell kowa.

Gosewe laba 6:2

Pandal tut tiro labeha? Hal tu pandlo an tiro rakepen, hoi dran tiro mui was?

Ezekiel 18:13

Te patsell lo lowe win, lell lo peske budeder lowe pale. Nai atchell sawo mensho djido? Na-a! Koon sawo djungelo koowa kras, hunte merell. Job hunte lell peskri phagi!

Ezekiel 33:5

Job shunas koi phurdepaskri un das gar jak koi pre. Les kokres hi doosh ap peskro merepen. Te dals lo jak ap i phurdepaskri, palle lals lo peskro djipen dran o merepen win.

3. Mose 20:16

Te sowell i djuwel i viecheha, palle dess tu koi djuwjat un ko vieches mulo. Jon hunte hidjrenn pengri phagi, un hunte merenn.

3. Mose 20:27

Hako mursh un haki djuwel, kai durkrell oder putchell i mulen, hunte hidjrell peskri phagi un merell. Tumer hunte witsrenn len mulo i barrentsa.

3. Mose 20:9

Te rakrell jek pral peskro dadeste oder peskri date bibacht win, palle hunte well lo mulo dino. Koon sawo koowa krell, ap koleste well leskro rat.

Mateo 27:25

Un kol tsele menshe penan: “Koi doosh well ap mende un ap mare tchawende!”

Louka 19:22

Ap koleste penas o rai: Tu moleh tchi. Tu hal i tchilatcho budepaskro. Tu djinal, kai hi man i dji dran bar, un kai lau, kai dom tchi, un hoi me gar an i phub tchiwom, te well kowa baro.

Bičepangre 18:6

Jon shunan gar ap leste un praassan les. Palle das job koi tchik dran peskre koola tele, un penas ap lende: “Tumaro rat well ap tumaro shero. Man hi kek doosh. Kanna djau me pash kolende, kai kek bibolde hi.”

Bičepangre 20:26

Jek penau tumenge kau diwes: Man hi kek doosh, te djal jek tumendar nashedo.

Remarja 3:19

Mer djinah: Kowa, hoi an o Moseskre laba penlo hi, hi kolenge penlo, kai lan kol laba. Kolla hi i bibolde. Jaake nai penell kek mensho, witar kek biboldo: Man hi kek doosh. Kek mensho krell o tchatchepen. Doleske hi kek mensho tchatcho glan o Debleste.

5. Mose 19:10

Jaake hi tumen doha forja kai nai nashell jek dren. Un jaake krenn tumer, te well an tumaro them, hoi tumaro baro Dewel tumenge dell, kek mensho maredo, ap koleste kek doosh hi. Te wals sawo mensho maredo, anans bari doosh ap tumende.

Josua 2:19

Un hakeno, koon lendar pale win djal, koleskro rat well ap leskro shero! Un mari sowel his gar koleske. Hakeno, kai an tiro kheer hi un well maredo, koleskro rat well ap maro shero!

Čačepangre 9:24

Jaake te well ko tchilatchepen ap leste pale, hoi job ap kol efta-deesh tchawende peskro dadestar Gideon kras. Un lengro rat te well ap lengro phraleste Abimelech, kai len temerl das, un ap kolende, kai an o foro Sichem djiwan un leskre wasta soreles kran.

1. Samuel 25:39

Un har o David shunas, te meras o Nabal, penas lo: “Sharedo well o baro Dewel, kai i ladj, hoi o Nabal ap mande anas, ap leste pale anas. Un man, peskro budepaskres, rikras lo pale, te krap i tchilatcho koowa. Un ko tchilatcho koowa, hoi o Nabal kras, mukas o baro Dewel ap leskro shero pale te perell.” Un o David bitchras murshen pash i Abigajil, un mukas lake te penell, te kamell lo lat te romedinerell.

1. Samuel 26:9

O David penas: “Na-a, ma de les mulo! Koon hadell o wast pre ap koleste, koles o baro Dewel peske win rodas, kowa lell peskri phagi.”