2. Samuel 1:14 - O Debleskro Drom 2021 (Sinte)

¹⁴ O David penas ap leste: “Trashal tu gar, te hadess tiro wast, te dess koles mulo, kai was o baro Deblestar wi-rodedo?”

O Debleskro Lab 2024 (Sinte-Manouche)

¹⁴ O David penas ap leste: “Trashal tou gar, te hadess tiro vast, te dess koles moulo, kay vas o baro Deblestar vi-rodedo?”

2. Samuel 1:14 ပူးပေါင်းရင်းမြစ်များ

Debleskri gili 105:15

“Lenn i wasta krik mire menshenge, kolen mange win rodom! Ma krenn tchilatchepen kolenge, kai mire rakepangre hi!”

Ropaskre gilja 4:20

Maro rajes, koles o baro Dewel win rodas, lan le pandlo. Job his kowa, kolestar maro djipen was, un lestar patsam, te rikrell lo peskro wast pral mende, te nai krenn men i wawar themma tchi.

4. Mose 12:8

Jaake har rakrell i mensho i wawareha, rakrau me leha, an laba, kai lo mishto haiwella un gar an parmisse. Un job dikell man, o baro Debles, har hom. Hoske his tumen kek traash, te rakrenn djungeles pral o Mose, koles miro tchatcho wast hi?”

2. Petro 2:10

Palle well i phagi soreles pral kolende, kai djiwan i fullo djipen, un kaman kek rajes pral pende. Kolla chochene sikepangre hi pre-phurdo, un krenn pen bares. Jon darenn gar, te rakrenn le djungeles pral kolende, kai hi an o bolepen.

1. Samuel 10:1

Un o Samuel las o khoro, kai o kutch djet dren hi, un tchoras les pral o Sauleskro shero. Un job tchumras les un penas: “Ko djet sikrella, te tchiwas tut o baro Dewel pral peskre menshende, te wess lengro rai.

1. Samuel 12:3

Doleske hom kanna glan tumende tardo: Stenn pre un rakrenn kate glan o baro Debleste un glan o baro rajeste, kones job win rodas: Koneskri grumni lom me? Koneskri esla? Kones chochrom me? Konestar lom i sorjah, hoi leske his? Konestar mukom man te plaissrell, te pandap mire jaka glan leskro tchilatcho koowa. Me te krom kowa, palle kamau les me pale te dell.”

1. Samuel 24:11

Kau diwes nai dikeh tire jakentsa, te das tut o baro Dewel an mire wasta, har hals tu an koi grotta. Un mange penan le, te dap tut mulo. Un me krom tut tchi. Me penom mange: Me kamau gar miro wast ap miro rajeste te tchiwell, koles o baro Dewel win rodas, te well lo baro rai.

1. Samuel 24:6

Pal kowa, har lo kowa kras, djas leskro dji soreles.

1. Samuel 24:7

Un job penas ap kol murshende, kai pash leste his: “O baro Dewel mu rikrell man pale, te taprap miro rajes an, koles o baro Dewel win rodas, te well lo baro rai. Kowa hi lo un atchell lo.”

1. Samuel 26:11

O baro Dewel mu rikrell man pale, te taprap me koles an, kones job peske win rodas. Le kanna leskro witsepaskro tchuri, hoi pash leskro shero an i phub dino hi, un leskro panjeskro khoro, te djas mer menge!”

1. Samuel 26:9

O David penas: “Na-a, ma de les mulo! Koon hadell o wast pre ap koleste, koles o baro Dewel peske win rodas, kowa lell peskri phagi.”

1. Samuel 31:4

Un job penas ap koleste, kai leskro kurepaskro koowa hidjrell: “Le tiro charo un de man mulo, jaake te wenn gar kalla pash mande, kai gar tchinle hi ap pengro mass, un denn man mulo, un krenn mantsa, hoi jon kamenn!” Un ko lurdo, kai leskro kurepaskro koowa hidjrell, kamas gar. Les his bari daar. Kote las o Saul o charo, un mukas pes an leste perell.