2. Rajengro liil 9:6 - O Debleskro Drom 2021 (Sinte)

⁶ Koi stas job pre un djas an o kheer dren. Un o Debleskro rakepaskro tchoras ko djet ap leskro shero un penas ap leste: “Kowa penell o baro Dewel, ko Dewel pral o Israel: Me makau tut kau djeteha dren, te wess baro rai pral mire menshende, i Israelende.

O Debleskro Lab 2024 (Sinte-Manouche)

⁶ Koy stas yob pre oun djas an o kheer dren. Oun o Debleskro rakepaskro čoras ko djet ap leskro shero oun penas ap leste: “Kova penell o baro Devel, ko Devel pral o Israel: Me makau tout kava djeteha dren, te vess baro ray pral mire menshende, i Israelende.

2. Rajengro liil 9:6 ပူးပေါင်းရင်းမြစ်များ

1. Rajengro liil 1:34

Un kote makenn le les dren o latcho djeteha, o rashai o Zadok, un o Debleskro rakepaskro, o Natan, te well lo baro rai pral Israel. Un tumer phurdenn an i phurdepangre un denn pashel gole: ‘I rah djipen o baro rajeske, o Salomo!’

1. Rajengro liil 10:9

Sharedo well o baro Dewel, kai tiro Dewel hi, job, kai dikell latches ap tute, un kras te wal o rai pral o Israel! O baro Dewel kamell peskre menshen Israel an hako tsiro. Doleske tchiwas lo tut pral lende, te wess lengro rai, te aness o tchatchepen pash lende, un hakeno peskro tchatchepen lell.”

1. Rajengro liil 14:7

Dja, pen ap o Jerobeam: Kawa penell o baro Dewel, kai o Israeleskro Dewel hi: Me hadom tut win dran mire menshende Israel, un tchiwom tut pral lende, te wess lengro rai.

1. Rajengro liil 16:2

Me hadom tut pre dran i tchik, un krom, te wess o rai pral mire menshende Israel. Un tu hal har o Jerobeam: un aneh mire menshen Israel miro dromestar tele. Te dikau kowa, wau chojedo koi pral.

1. Rajengro liil 19:16

Un o Jehu, koleskro dad o Nimshi hi, koleske makess ninna latcho djet ap o shero, te well job o rai pral o Israel. Un o Elisa, koleskro dad o Shafat hi dran Abel-Mehola, koleske mak ninna latcho djet ap leskro shero, te well job i Debleskro rakepaskro pal tute!

1. Rajengro liil 3:8

Un mange dal tu kol tsele menshen an o wast, kol menshen, kai tu tuke win rodal. Jon hi jaake bud te nai djinell kek, kitse jon hi.

2. Rajengro liil 9:3

Le ko khoro, kai djet dren hi, tchore kowa pral leskro shero un pen: ‘Jaake penell o baro Dewel: Me makau tut kau djeteha, te wess baro rai pral o Israel.’ Koi pal kre o wudar pre un naash tuke jaake sik har djala!”

2. Rajengro liil 9:5

Un har job koi was, his kol pralstune kol lurdendar koi khetne beshdo. Un job penas: “Tu pralstuno, tuke kamau tchomone penell.” Koi putchas o Jehu: “Koneske mendar?” Kowa penas: “Tuke, pralstuno!”

2. Familjakro liil 22:7

O Dewel kamas kowa jaake, te djal o Ahasja pash o Joram, te well lo kote maredo. Un har job koi was, djan kol dui, o Ahasja un o Joram pash o Jehu, koleskro dad o Nimshi hi. Koles rodas o baro Dewel win, te well lo baro rai un marell o Ahabeskri tseli familja.

Debleskri gili 2:6

“Ap i berga Zion, kai mange hi, tchiwom me i baro rajes, koles me wi-rodom.”

Debleskri gili 75:6

Atchenn! Ma hadenn tumen! Mukenn tele tumaro tchilatcho rakepah!’

Jesaja 45:1

Kawa penell o baro Dewel ap o Kirus, koles job win rodas, te well lo baro rai: Me taprom tiro tchatcho wast, te witsrap wawar themma tel tire herja, un te lap i chare lengre bare rajendar krik, te wenn wudja pre kerdo glan tute, te atchenn foreskre wudja gar pandlo glan tute.

Daniel 2:21

Job hi o rai pral o tsiro, un dell hakeneste peskro tsiro; job lell i bare rajendar lengro them, un tchiwell wawar rajen dren; job dell i gosewen lengro goswepen un kolen, kai haiwenn tchomone, das job an o shero, te nai haiwenn le.

Daniel 4:17

Ko ruk, koles tu dikal, kowa, kai baro un sorelo was, – jaake baro, te djas lo bis ap o bolepen, un koles hakeno nai dikas, kai lo ninna his ap kai phub,

Daniel 4:32

Kolla, kai ap i phub djiwenna, hi har tchi glan leste. Un har job kamella, djal job kol pralstunentsa trujel, kai an o bolepen hi, un ninna kolentsa, kai ap i phub djiwenna. Un kek nai penell leske: ‘Kowa hunte kress tu gar!’ Witar kek nai putchell lestar: ‘Hoi kreh tu kate?’

1. Samuel 10:1

Un o Samuel las o khoro, kai o kutch djet dren hi, un tchoras les pral o Sauleskro shero. Un job tchumras les un penas: “Ko djet sikrella, te tchiwas tut o baro Dewel pral peskre menshende, te wess lengro rai.

1. Samuel 2:7

O baro Dewel krell tchorwelo un job krell brawelo, ko jekes krell lo tikno, un ko wawares baro.

1. Samuel 2:8

Koles, kai les tchi hi, hadell lo dran i tchik, un o tchorweles hidjrell lo pre dran i jagakri tchik, un beshell les pash i pralstunende, un krell les an-diklo. I tseli phub hi o baro Debleske. Job tchiwas lat soreles tardo.