2. Rajengro liil 9:26 - O Debleskro Drom 2021 (Sinte)

²⁶ O baro Dewel penas leske: ‘Me dikom har taissar o Nabot un leskre tchawe mulo dino wan. Kate ap leskro kotar them dau tut pale, hoi tu leske kral.’ Doleske penau tuke: Le les un witse les koi! Jaake well kowa, har o baro Dewel penas.”

O Debleskro Lab 2024 (Sinte-Manouche)

²⁶ O baro Devel penas leske: Me dikom har taysar o Nabot oun leskre čave moulo dino van. Kate ap leskro kotar them dau tout pale, hoy tou leske kral. Doleske penau touke: Le les oun vitse les koy! Yaake vell kova, har o baro Devel penas.”

2. Rajengro liil 9:26 ပူးပေါင်းရင်းမြစ်များ

1. Rajengro liil 21:13

Palle wan kol dui tchi-molde, un beshan pen wergel leste, un anan tchomone pre ap leste un penan glan i tsele menshende: “O Nabot praassas o Debles un o baro rajes.” Palle was lo dran o foro anlo, un jon witsran ap leste barra, jaake meras lo.

1. Rajengro liil 21:19

Rake leha un pen leske, hoi me, o baro Dewel, leske penau: ‘Hi kowa gar doha, te maral i murshes? Hunte tchoress tu kanna leskro kotar them? Me, o baro Dewel, penau tuke: Ap ko kotar phub, kai i djukle pijan o rat o murshestar Nabot, kote pijenn i djukle tiro rat ninna.’”

2. Rajengro liil 9:21

Koi penas o Joram: “Tchiwenn i graja glan o wurdin!” Un jon tchiwan i graja glan leskro wurdin. Un kol dui bare raja, o Joram, ko rai pral Israel, un o Ahasja, ko rai pral Juda, uleran hakeno ap peskro wurdin pash o Jehu. Un jon tapran pen ap ko kotar them, hoi his o Nabotes dran Jesreel.

2. Rajengro liil 9:25

O Jehu penas ap peskro lurdeste, o Bidkar: “Le les pre un witse les ap ko kotar them, hoi his ko murshes Nabot dran Jesreel! Mange was an o shero, hoi o baro Dewel ap o Jorameskro dad, o Ahab, penas, har uleram mer dui ap i wurdin pal leste.

2. Familjakro liil 24:25

Har i Syrarja penge djan, mukan le o Joashes bares dukedo pal pende. Kol pralstune an leskro kheer kran win, te marenn le les, te denn le les pale, hoi job ap o tchaweste o rashajestar Jojada kras. Un jon maran les an peskro tchiben. Un job meras un was paskedo. Ninna te was lo paskedo an o Davideskro foro, was lo gar paskedo pash i wawar bare rajende.

2. Familjakro liil 25:4

Lengre tchawen mukas lo gar te marell. Job kras har tchinlo hi an o Moseskro liil, kai o baro Dewel penell: I dada hunte wenn gar marede dran koi doosh, hoi i tchawe ap pende anan. Un i tchawe hunte wenn gar marede dran koi doosh, hoi i dada ap pende anan. Hakeno hunte well kokres koleske maredo, hoi job kras.

Debleskri gili 9:13

Kowa, kai bistrell gar te dell lo kolen i phagi, kai lan i rateskri doosh ap pende. Job shunell i gole un o mangepen kolendar, kai tchorwelo un palla lino hi.

2. Mose 20:5

Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.

Ezekiel 18:19

Tumer putchenn: “Hoske hidjrell ko tchawo gar i doosh peskro dadestar?” Me penau tumenge: O tchawo kras, hoi mishto un tchatcho his, un rikras halauter, hoi lestar kamom. Doleske atchell job djido.

Habakuk 2:10

An tiro dji his, te maress i menshen an bud themma. Kowa hoi tuke glan lal, anell i ladj pral tiro kheer, un tu weh maredo.

5. Mose 24:16

I dada wenn gar maredo koleske, hoi lengre tchawe kran. Un i tchawe wenn gar maredo koleske hoi lengre dada kran. Hakeno, kai kras sawo tchilatcho koowa, koleske job merell hunte, kowa well peskri doshake maredo.

5. Mose 5:9

Tu witsress tut gar glan i wawar debleste tele, un mangess les gar an. Me, o baro Dewel, hom tiro Dewel, un kamau, te kamess man kokres. Kolen, kai kamenn mandar tchi te djinell un anenn doosh ap pende, dau me i phagi. Me dau ninna i phagi lengre tchawende un kolengre tchawende jaake rah har triin-te-star familje jek pal i wawar djiwenn.