2. Rajengro liil 9:24 - O Debleskro Drom 2021 (Sinte)

²⁴ O Jehu tapras peskro bogo un das o Jorames mashkral i phika karje, jaake kai djas ko failo an leskro dji. Un o Joram phagas khetne an peskro wurdin.

O Debleskro Lab 2024 (Sinte-Manouche)

²⁴ O Yehou tapras peskro bogo oun das o Yorames mashkral i phika karye, yaake kay djas ko faylo an leskro dji. Oun o Yoram phagas khetne an peskro vourdin.

2. Rajengro liil 9:24 ပူးပေါင်းရင်းမြစ်များ

1. Rajengro liil 19:17

Palle well jaake: Koon nai nashell peske glan o charo, koleha o Hasael dell, koles marell o Jehu. Un koon nai nashell peske glan o charo, koleha o Jehu dell, koles marell o Elisa.

1. Rajengro liil 21:29

“Dikal tu kowa, har kras pes o Ahab tiknes glan mande? Doleske mukau koi bibacht gar te well, jaake rah har job djiwell. An ko tsiro, kai leskro tchawo o baro rai hi, anau me koi bibacht pral leskro kheer.”

1. Rajengro liil 22:34

Un i mursh las peskro bogo un das karje, un djinas gar, koon glan leste hi. Un ko failo tapras o rajeste pral Israel kote, kai leskro sasterno gad gar pandlo hi. Un o rai penas ap ko kurepaskro ap peskro wurdin: “Risse trujel, un an man dran o kurepen! Me wom an-karedino.”

1. Rajengro liil 22:35

O kurepen ap ko diwes was sorleder un sorleder. Un o baro rai atchas an o wurdin tardo ap i wawar rig i lurdentsa dran Syria, bis ap i rati. Un o rat nashas lestar win an o wurdin. Un an koi rati meras lo.

2. Rajengro liil 10:4

Kol pralstune pral o foro Samaria lan bari traash un penan: “Dui bare rajentsa kuras job pes un was o sorleder. Har nai kurah men leha un dah les?”

2. Rajengro liil 10:9

O wawar diwes taissarlakro djas job win glan o foreskro wudar un penas ap kol tsele menshende, kai kote hi: “Tumen hi kek doosh. Me krom, te hadenn pen i menshe ap miro rajeste, un dom les mulo. Koon das kal tsele wawaren mulo?

Debleskri gili 50:22

Tumer, kai kamenn tchi mandar te djinell, haiwenn, hoi penom, te wap gar un dap tumen, un kek hi koi, kai lell tumen win dran miro wast.

Gosewe laba 21:30

Kote dell kek goswepen, tchi hoi jek feteder nai djinals un penals, har nai krell o baro Dewel.

Zakarie 13:6

Te putchenn le lestar: “Hoi hi ko dukepen ap tiro betch?” Palle penell lo: “Kote wom dino an o kheer mire malendar.”

1. Tessalonikarja 5:3

Te penenn i menshe: “Lauter hi mishto, kek kurepen hi kai, un men hunte well kek daar”, palle well i bibacht pral lende, un jon nai nashenn gar krik. Koi bibacht well pral lende jaake sik, har i duka wenn pral i djuwjate, kai lell i ternepen.