2. Rajengro liil 9:11 - O Debleskro Drom 2021 (Sinte)

¹¹ Un har o Jehu win djas pash kol menshende leskro rajestar, putchan le lestar: “Hi tchomone? Hoske was ko dinelo pash tute?” “Tchi”, penas job. “Tumer prindjrenn kol murshes, kowa rakrell dinelo koowa.”

O Debleskro Lab 2024 (Sinte-Manouche)

¹¹ Oun har o Yehou vin djas pash kol menshende leskro rayestar, poučan le lestar: “Hi čomone? Hoske vas ko dinelo pash toute?” “Či”, penas yob. “T'mer prindjrenn kol morshes, kova rakrell dinelo koova.”

2. Rajengro liil 9:11 ပူးပေါင်းရင်းမြစ်များ

2. Rajengro liil 4:26

Dja pash late un putch: Djal tuke mishto? Djal tiro romeske un tiro tchaweske mishto?” Joi penas: “Mishto!”

2. Rajengro liil 5:21

Un o Gehasi nashas pal leste jaake sik har djala. Har o Naaman dikas, kai was job pal leste, stas job o wurdin tele, djas pash leste un penas: “Djal tuke mishto?”

2. Rajengro liil 9:12

Jon penan: “Tu chocheh men. Pen menge o tchatchepen!” Koi penas job lenge, hoi o Debleskro mursh leha rakras, un har lo penas: “Jaake penell o baro Dewel: ‘Me makom tut kau djeteha dren, te wess baro rai pral o Israel.’”

2. Rajengro liil 9:17

Pral ap ko turmo an Jesreel his jek tardo, kai dell jak. Kowa dikas kol kurepangre wurdja, kolentsa o Jehu was, un penas: “Me dikau lurden.” Koi penas o Joram: “Bitche i klissepaskres pash lende, te putchell job: ‘Awenn tumer an o latchepen?’”

2. Rajengro liil 9:19

Koi bitchras o Joram o duito klissepaskro. Har kowa pash lende was, penas job: “O baro rai putchell: ‘Awenn tumer an o latchepen?’” O Jehu penas: “Hi kowa tiro koowa? Dja pal mande un am mantsa!”

2. Rajengro liil 9:2

Te weh tu koi, hatseh ko murshes Jehu, koleskro dad o Josafat hi, un koleskro dad o Nimshi hi. De les win gole dran kolende, kai pash leste hi! Un dja leha an i palstuni isema!

2. Rajengro liil 9:22

Har o Joram o Jehu dikas, putchas job: “Awenn tumer an o latchepen?” Koi penas lo: “Hoi – an o latchepen? Har nai wah an o latchepen jaake rah har tiri dai, i Isebel, sharell mule deblen un krell bengeskro koowa?”

Jesaja 59:15

Jaake meras o tchatchepen, un ko mensho, kai kamell tchi o tchilatchepastar te djinell, well win randedo. O baro Dewel dikas kowa lauter, un leske his djungeles, te dell kek tchatchepen buder.

Jeremia 29:26

O baro Dewel rodas tut win, te wess o rashai pal o rashajeste Jojada. Tu wess o pralstuno an o baro Debleskro kheer, te tchiwess kol tsele narwelen pandles, kai wenna un penenn, te hi le Debleskre rakepangre, un penenn tchomone glan-wi. Tu tchiwess lengre pire an kashta un sasterne shelle trul lengri meen.

Hosea 9:7

O tsiro hi koi, kai me tumenge tumari phagi dau, un tumaro tchilatchepen ap tumare sherja pale anau. Un tumer Israelitarja haiwenn kowa! Tumer penenn: “I narwelo hi ko Debleskro rakepaskro! Ko mursh, koles o Debleskro ducho hi, rakrell dinelo koowa!” Jaake baro hi tumari doosh un tumari choli ap mande!

Markus 3:21

Un har leskre menshe kowa shunan, penan le: “Job hi dinelo!” Un jon kaman les te taprell.

Johanni 10:20

Bud lendar penan: “I beng hi an leste un job hi dinelo. Ma shunenn ap leste!”

Bičepangre 17:18

Mank lende his ninna sikle mursha, kai kharan Stoikarja un Epikurarja. Kolla tchingran leha. Har rakras o Paulo pral o Jesuseste, un penas, kai kras o Dewel o Jesuses i mulendar djido, penan le: “Hoi kamell ko dinelo rakepaskro te penell?” Wawar penan: “Job rakrell pral wawar deblende, kolen mer gar prindjrah.”

Bičepangre 26:24

Har o Paulo kowa rakras, te sikrell lo, kai hi kek doosh ap leste, das o Festo gole: “Paulo, tu hal dinelo! Tu hal jaake gosewo, te wal narwelo.”

1. Korintarja 4:10

Mer rakrah o Jesus Kristestar. Un doleske ham dinele glan i menshengre jaka. Tumer patsenn ap o Jesus Kristeste, un doleske han gosewe. Mer ham gar sorele, un tumer han sorele. Men sharenn le gar. Tumen sharenn le.

2. Korintarja 5:13

Te penell jek, mer ham narwelo, – mishto! Te ham narwelo, ham kowa o Debleske. Te ham gar narwelo un rakrah jaake, te haiwenn le men, palle hi kowa mishto tumenge.