2. Rajengro liil 8:9 - O Debleskro Drom 2021 (Sinte)

⁹ O Hasael djas pash o Elisa un las latcho un kutch koowa peha, hoi an Damaskus kerdo was, te dell lo les. Kowa his jaake bud, kai hidjran kowa star-deesh khamele. Un har job koi was, djas lo glan o Elisa un penas: “Tiro tchawo Ben-Hadad, ko baro rai pral Syria, bitchras man pash tute un putchell tutar: Nai wau me sasto kau nasslepastar?”

O Debleskro Lab 2024 (Sinte-Manouche)

⁹ O Hasael djas pash o Elisa oun las lačo oun kouč koova peha, hoy an Damaskus kerdo vas, te dell lo les. Kova his yaake boud, kay hidjran kova star-deesh khamele. Oun har yob koy vas, djas lo glan o Elisa oun penas: “Tiro čavo Ben-Hadad, ko baro ray pral Syria, bičras man pash toute oun poučell toutar: Nay vau me sasto kava nasslepastar?”

2. Rajengro liil 8:9 ပူးပေါင်းရင်းမြစ်များ

1. Rajengro liil 14:3

Un le tuha deesh mare, merklia un i khoro gwin! Un dja pash leste. Job nai penell tuke, hoi well maro tchaweha.”

1. Rajengro liil 15:18

Kote las o Asa ko tselo rup un sonakai, hoi pral atchas o brawlepastar an o baro Debleskro kheer un an o baro rajeskro kheer, un bitchras bitchepangre koleha an o foro Damaskus, pash o Ben-Hadad, koleskro dad o Tabrimmon his, koleskro dad o Hesjon his. O Ben-Hadad his o baro rai pral o them Syria. Un o Asa mukas leske te penell:

1. Rajengro liil 19:15

Kote penas o baro Dewel ap leste: “Dja ko drom pale, hoi tu wal, mank o mulo tato them. Un dja dren an o foro Damaskus! Mak latcho djet ap o shero o murshestar Hasael, te well job o rai pral o them Aram!

2. Rajengro liil 1:2

Ko baro rai, kai pal o Ahab was, his o Ahasja. His i diwes, har his lo an peskri pralstuni isema an o foro Samaria, koi peras lo tele dran i wochni un dukras pes. Un job bitchras murshen an o foro Ekron un penas ap lende: “Djan koi un putchenn o deblestar Baal-Sebub, – kowa hi o dewel o forestar Ekron: Wau me pale sasto?”

2. Rajengro liil 13:14

Har o Elisa an i nasslepen tchiddo his, ap kowa lo ninna hunte meras, was o Joash, ko baro rai pral o them Israel, pash leste tele, un rowas glan leste un penas: “Miro dad, miro dad! Tu baro kurepaskro i Israelenge!”

2. Rajengro liil 16:7

Un o Ahas bitchras peskre bitchepangre pash o Tiglat-Pileser, ko baro rajeste pral o them Assur, un mukas leske te penell: “Me hom tiro budepaskro un tiro tchawo. Ab pre un le man kate win dran i wasta kol bare rajendar pral i themma Syria un Israel. Kolla djan ap mande pre!”

2. Rajengro liil 5:13

Koi djan leskre budepangre pash leste, rakran leha un penan: “Maro rai, te penals ko Debleskro rakepaskro, te kress tchomone, hoi pharo hi, krals tu kowa gar? Kanna mangas lo tutar i tikno koowa, har penas lo: ‘Dja an ko pani un thob tut, un tu weh sasto.’ Hoske kameh kowa gar te krell?”

2. Rajengro liil 5:5

“Dja koi”, penas o baro rai pral Syria. “Me kamau o baro rajeske pral Israel i liil te tchinell.” O Naaman djas koi un las peha efta zentnarja rup un shob serja sonakangre lowe un deesh raile ripja.

2. Rajengro liil 6:21

Un har ko baro rai pral Israel len dikas, penas job ap o Elisa: “Tata, krap me len mulo? Kameh, te dap len mulo?”

Sikepaskro 3:6

Jek tsiro hi koi, te rodas tchomone, un jek tsiro, kai rodah buder gar. Jek tsiro hi koi, kai rikrah tchomone, un jek tsiro, kai witsrah les krik.

Filemon 1:14

Me kamom gar tchomone te krap, hoi tu gar kameh. Doleske rikrom o Onesimes gar pash mande. Tu te kameh les mange pale te dell, kress tu kowa dran tiro latchepen.

1. Samuel 25:8

Putch tire budepangre, kolla penenn les tuke! Jaake ab latches ap kal murshende! Kau diwes hi i baro diwes tuke! De men, tire budepangren un tiro males David, hoi tut pash o wast hi!’”

1. Samuel 9:7

O Saul penas ap peskro budepaskro: “Hoi das mer les, te djah pash ko mursheste? An mari possita hi buder kek maro, hoi nai dams les. Un men hi tchi, hoi nai anams ko Debleskro mursheske. Menge atchas tchi.”