2. Rajengro liil 8:28 - O Debleskro Drom 2021 (Sinte)

²⁸ Un khetne o Ahabeskro tchaweha, o Jorameha, djas lo an o kurepen an o foro Ramot an o them Gilead, te kurell lo pes o baro rajeha pral o them Syria. Leskro lab his Hasael. Kol Syrarja dan o Jorames jaake,

O Debleskro Lab 2024 (Sinte-Manouche)

²⁸ Oun khetne o Ahabeskro čaveha, o Yorameha, djas lo an o kourepen an o foro Ramot an o them Gilead, te kourell lo pes o baro rayeha pral o them Syria. Leskro lab his Hasael. Kol Syrarya dan o Yorames yaake,

2. Rajengro liil 8:28 ပူးပေါင်းရင်းမြစ်များ

1. Rajengro liil 19:17

Palle well jaake: Koon nai nashell peske glan o charo, koleha o Hasael dell, koles marell o Jehu. Un koon nai nashell peske glan o charo, koleha o Jehu dell, koles marell o Elisa.

1. Rajengro liil 22:29

Pale djas o rai pral o them Israel un o Josafat, o rai pral o them Juda, an o kurepen o foreha Ramot an Gilead.

1. Rajengro liil 4:13

O Ben-Geber his o pralstuno pral o foro Ramot an o them Gilead, ninna pral kol gaba, kai hi kharedo pal ko mursheste, o Jair, koleskro dad o Manasse hi, ninna pral ko them Argob, hoi hi an Bashan tchiddo. Kote his shob-deesh bare forja, kolen his massurja trul pende un wudja, hoi sasteha pandlo wan.

2. Rajengro liil 3:7

un bitchras lurden pash o Josafat, ko baro rajeste an o them Juda un mukas leske te penell: “Ko baro rai pral kol Moabarja peras tele mandar. Am mantsa, te djas mer khetne ap lende pre!” O baro rai pral o them Juda penas: “Me kamau te well. Me hom har tu. Un mire menshe hi har tire menshe. Un mire graja hi har tire graja.”

2. Rajengro liil 8:15

Ap o wawar diwes las job i plachta, tchiwas koja an o pani, un tchiwas koja ap o baro rajeskro mui. Koi meras job. Un o Hasael was pal leste baro rai pral o them Syria.

2. Rajengro liil 8:29

te djas lo pale an Jesreel, te well leskro dukepen pale sasto, hoi kol Syrarja les an o foro Rama dan, har job pes ko baro rajeha pral Syria, o Hasael, kuras. Un o Ahasja, koleskro dad o Joram his, was tele pash leste an Jesreel, kai o Joram dukedo tchiddo his.

2. Rajengro liil 9:1

Un o Debleskro rakepaskro, o Elisa das jekes kol terne Debleskre rakepangren gole, un penas ap leste: “Tchip i pereskri dori trul tute, un le ko khoro, kai djet dren hi, tuha, un dja an ko foro Ramot an Gilead!

2. Rajengro liil 9:14

Un o Jehu, koleskro dad o Josafat un koleskro papo o Nimshi hi, hadas pes pral o baro rai Joram un kamas gar, te atchell o Joram baro rai. [Glan jek tsiro djas o Joram khetne kol tsele lurdentsa dran Israel pash ko foro Ramot an Gilead, te kurell lo pes o baro rajeha pral o them Syria, o Hasael.

2. Rajengro liil 9:15

An ko kurepen was o baro rai Joram ratles dino. Doleske was job pale an o foro Jesreel, te mukell lo pes sasto te krell kol dawendar, hoi kol Syrarja les dan.] Un o Jehu penas: “Te kamenn tumer pash mande rikrell, palle mukenn kekes dran o foro te nashell, te nai djal job an o foro Jesreel un penell kote, hoi kai djas.”

2. Rajengro liil 9:16

Un job djas ap peskro wurdin un uleras an o foro Jesreel. Kote his o Joram tchiddo. Un o Ahasja, ko baro rai pral Juda, was tele, te djal lo pash o Joram.

2. Familjakro liil 18:31

Un har i pralstune pral i wurdja o Josafates dikan, patsan jon, kai job o rai pral o them Israel hi, un djan trul leste, te kurenn le pen leha. Kote mukas o Josafat i gole. Un o baro Dewel was ap leskri rig, un kras te rissran le pen lestar krik.

2. Familjakro liil 19:2

Un kote was leske o dikepaskro, o Jehu an o drom. Koleskro dad his o Hanani. Un o Jehu penas ap o baro rajeste Josafat: “Hoske wal tu o tchilatcho mursheske ap i rig, un wal i maal kolestar, kai kamas o baro Deblestar tchi te djinell? Doleske well i choli o baro Deblestar pral tute.

2. Familjakro liil 22:5

Jaake har jon leske penan, djas lo khetne o Israeleskro rajeha, o Joram, koleskro dad o Ahab his, an o kurepen an o foro Ramot an o them Gilead, te kurell lo pes o baro rajeha pral o them Syria. Leskro lab his Hasael. Kol Syrarja dan o Jorames jaake,

Josua 20:8

Ap i wawar rig o panjestar Jordan pash o foro Jericho rodan le win: o foro Bezer an o mulo them ap ko pralstuno kotar them, kai i menshe dran o kheer Ruben djiwan; o foro Ramot an o them Gilead ap o kotar them, kai i menshe dran o kheer Gad djiwan; un o foro Golan an o them Bashan ap ko kotar them, kai i menshe dran o kheer Manasse djiwan.

Josua 21:38

Un an o them Gad lan le star forja: Ramot an o them Gilead, kau foro hi ninna i foro, kai kolla nai nashenn, kai jekes temerl dan, un koi phub trul o foro, kai i vieche nai chan; Mahanajim un koi phub trul o foro, kai i vieche nai chan;