2. Rajengro liil 8:19 - O Debleskro Drom 2021 (Sinte)

¹⁹ Ninna te djiwas lo sau tchilatcho djipen, kamas o baro Dewel i menshen an o them Juda gar te marell. Glan i rah tsiro penas job peskro budepaskreske David, te well jek kolendar, kai pal leste wenna, baro rai hako tsireske.

O Debleskro Lab 2024 (Sinte-Manouche)

¹⁹ Ninna te djivas lo sau čilačo djipen, kamas o baro Devel i menshen an o them Youda gar te marell. Glan i rah tsiro penas yob peskro boudepaskreske David, te vell yek kolendar, kay pal leste venna, baro ray hako tsireske.

2. Rajengro liil 8:19 ပူးပေါင်းရင်းမြစ်များ

2. Samuel 21:17

O Abishai, koleskri dai i Zeruja his, was leske ap i rig, un das kol Filistares mulo. Koi dan o Davideskre lurde les sowel, un penan: “Tu djas mentsa gar buder an o kurepen, te djal koi momeli an Israel gar win!”

2. Samuel 7:15

Miro latchepen lau gar lestar krik, har me miro latchepen o Saulestar krik lom, koles krik lom, te wess tu baro rai.

2. Samuel 7:16

Hako tsiro hi tut tchawe, kai pal tute wenna, un jek lendar hi baro rai glan mande. Un tiro rajengri beshepaskri atchell hako tsiro.”

1. Rajengro liil 11:12

O Davideske, tiro dadeske, krau me kowa gar jaake rah har tu djiweh. Na-a, dran o wast tiro tchawestar lau les krik.

1. Rajengro liil 11:13

Un gar o tselo them lau lestar krik. Me mukau tiro tchaweske jek kotar them, kai i menshe jek tchawestar o Jakobestar djiwenn. Kowa krau o Davideske, kai mange koi his, un dran o foro Jerusalem krau me kowa. Ko foro rodom me mange win.”

1. Rajengro liil 11:36

Leskro tchawes mukau jek kotar. Jaake hi an hako tsiro i tchawo o Davidestar o rai an o foro Jerusalem. Kau foro rodom me mange win, te djiwap kote.

2. Rajengro liil 11:2

Kowa shunas i tchai o baro rajestar Joram. Lakro lab hi Josheba. Un lakro phraal his o Ahasja. Koja tchoras peskro phraleskro tchawes, o Joash, mashkral dran o rajeskre tchawende, kai wenn marede. Un anas les un koi djuwel, kai das ap leste garda, an i tchibjengri isema un khatras les glan i Atalja. Un jaake nai was lo gar maredo.

2. Rajengro liil 19:34

“Me rikrau mire wasta pral kau foro, un me lau les win dran i tchilatche wasta. Kowa krau me mange kokres, un o Davideske, kai miro budepaskro his.”

2. Familjakro liil 21:7

Ninna te djiwas o Joram sau tchilatcho djipen, kamas o baro Dewel o Davideskri familja gar te marell, koleske hoi job o Davideha win kras. Job penas leske, te well jek kolendar, kai pal leste wenna, baro rai hako tsireske.

Debleskri gili 132:10

Tu rodal o Davides win, te well lo baro rai. Ma bitche les tutar krik, tiro budepaskres!

Debleskri gili 132:17

Kote well jek o Davideskre tchawendar i sorelo baro rai. Ko baro rai, koles mange wi-rodom, well i menshenge har i momeli, hoi hako tsiro chatchella.

Jesaja 37:35

Un me rikrau mire wasta pral kau foro, un me lau les win dran i tchilatche wasta. Kowa krau me mange kokres, un o Davideske, kai miro budepaskro his.

Jesaja 7:14

Doleske dell o baro Dewel kanna kokres i sikepen, te sikrell lo, kai hi lo ap tumari rig: I terni tchai well wawartchandes un lell i mursh tchawes. Un koles dell li o lab Immanuel.

Hosea 11:9

Me kamau gar jaake te krell, har mange les miri tati choli penella. Un kamau gar te dap o Efrajimes pale pre. Me hom o Dewel, un kek mensho. Me, ko jek tchatcho Dewel, hom mank tumende, un wau gar, te marap tumen.