2. Rajengro liil 8:12 - O Debleskro Drom 2021 (Sinte)

¹² Koi putchas o Hasael: “Hoske rowell miro rai?” Job penas: “Me djinau, hoi tu kol Israelentsa kreh: Tu chatchreh lengre forja pre, un lengre terne murshen deh o chareha mulo, un lengre terne tchawen mareh tu ninna, un kol djuwjen tchineh tu pre, kai an wawar koowa hi.”

O Debleskro Lab 2024 (Sinte-Manouche)

¹² Koy poučas o Hasael: “Hoske rovell miro ray?” Yob penas: “Me djinau, hoy tou kol Israelentsa kreh: Tou rhačreh lengre forya pre, oun lengre terne morshen deh o rhareha moulo, oun lengre terne čaven mareh tou ninna, oun kol djouvyen čineh tou pre, kay an vavar koova hi.”

2. Rajengro liil 8:12 ပူးပေါင်းရင်းမြစ်များ

1. Rajengro liil 18:13

Miro rai, was tuke gar penlo, hoi me krom, har mukas i Isebel o baro Debleskre rakepangren te marell, har me lendar sheel murshen khatrom, i paash-sheel an jek grotta un kol wawar paash-sheel an i wawar grotta, un anom lenge maro un pani, te nai chan un pijenn le?

1. Rajengro liil 19:17

Palle well jaake: Koon nai nashell peske glan o charo, koleha o Hasael dell, koles marell o Jehu. Un koon nai nashell peske glan o charo, koleha o Jehu dell, koles marell o Elisa.

2. Rajengro liil 12:17

Kol wawar lowe, hoi i menshe pashel dan, har anan le viechen o Debleske, te well lengri doosh krik lino, un te well lauter pale mishto, kol lowe was gar o baro Debleskro khereske lino. Kol lowe his i rashajenge kokres.

2. Rajengro liil 12:18

An ko tsiro djas o baro rai pral o them Syria, – leskro lab his Hasael – pash o foro Gat un las les peske dren. Un har lo dureder djas, te kurell lo pes o foreha Jerusalem,

2. Rajengro liil 13:22

O baro rai pral o them Syria, o Hasael, phagas pale te pale an o them Israel dren an ko tselo tsiro, kai o Joahas djiwas.

2. Rajengro liil 13:3

Un ko tselo tsiro, har o Joahas baro rai his, was o baro Debleskri choli pale te pale pral i Israelende. Un job das len an o wast o baro rajestar Hasael un leskro tchawestar Ben-Hadad. O Hasael his o baro rai pral o them Syria.

2. Rajengro liil 13:7

Jaake atchan o rajeske Joahas kek lurde pral, har kokres 50 (paash-sheel) klissepangre, deesh kurepangre wurdja un 10.000 (deesh-serja) pirengre lurde; Kol tsele wawar maras o baro rai pral o them Syria un kras, te wan le har i phubjakri tchik ap o drom.

2. Rajengro liil 15:16

An ko tsiro kuras pes o Menahem o foreha Tifsach. Un kolla, kai kote djiwenn, kaman les gar dren mukell. Doleske was lo dran Tirza un das halauteren mulo, kai djiwan an o foro Tifsach un trul ko foro trujel. Un i tsele djuwjenge, kai wawartchandes his, mukas lo o per pre te tchinell.

2. Rajengro liil 4:28

Joi penas: “Mangom me tutar, miro rajestar i mursh tchawo, te dess tu man? Na-a, me penom tuke, te kress mange tchi glan!”

Jesaja 13:16

Lengre tikne tchawe wenn glan lengre jaka ap bare barra mules witsedo, un lengre khera wenn win tchoredo, un lengre romjen taprenn le sorjah an.

Jesaja 13:18

I terne murshen denn le karje mulo pengre bogentsa. Un len hi kek dji i tikne tchawenge; i tchawe khaitenn len gar.

Hosea 10:14

Doleske well i kurepaskri gole shunlo an tumaro them. Un tumare tsele sorele forja wenn khetne dine. Tumenge djal jaake har o foreske Bet-Arbeel, hoi das o rai Shalman paash an o kurepen, har wan i daja mulo dine khetne pengre tchawentsa.

Hosea 14:1

I menshe an o foro Samaria lenn pengri phagi. Jon mukan pen tchi te penell pengro Deblestar. Doleske wenn le o chareha maredo. Un lengre tikne tchawe wenn mulo dino. Un i djuwja, kai lenn i tchawo, wenn pre tchinle.

Amos 1:13

O baro Dewel penell: I menshe an o them Ammon kran pale te pale djungelo koowa. Har kuran le pen an o kurepen, te lenn le i bareder them, tchinan le djuwjen pre, kai wawartchandes his an o them Gilead. Doleske lenn le pengri phagi, un khaitenn man gar.

Nahum 3:10

Ninna kau foro was dren lino, un leskre menshe pandles anlo an i wawar them. Lengre tchawe wan mulo dino ap hako drom. Pral lengre pralstunende witsran le kashta, koon kones lella. I tsele pralstunen pandan le sasterne shellentsa.