2. Rajengro liil 8:1 - O Debleskro Drom 2021 (Sinte)

¹ O Elisa rakras kol djuwjah, kai kras lo lakro tchawes djido, un penas: “Dja krik tire menshentsa an i wawar them, te djiwess koi! O baro Dewel mukell i tsiro te well an kau them, kai bokenn i menshe efta bersha.”

O Debleskro Lab 2024 (Sinte-Manouche)

¹ O Elisa rakras kol djouvyah, kay kras lo lakro čaves djido, oun penas: “Dja krik tire menshentsa an i vavar them, te djivess koy! O baro Devel moukell i tsiro te vell an kava them, kay bokenn i menshe efta bersha.”

2. Rajengro liil 8:1 ပူးပေါင်းရင်းမြစ်များ

1. Mose 12:10

Koi was i tsiro an ko them, kai his i menshen un i viechen tchi te chal. Len his bari bok. Dran kowa djas o Abram dureder, te djiwell lo an o them Egiptia.

1. Mose 26:1

His i tsiro, kai was i bari bok an o them, jaake har an o Abrahameskro tsiro. Doleske djas o Isaak an o foro Gerar pash o Abimelech. Kowa his o baro rai pral i Filistarja.

1. Mose 41:25

O Josef penas ap o baro rajeste: “O baro rajeskre dui sunja hi jek suni. Hoi o Dewel kamell te krell, sikras job tute.

1. Mose 41:32

Kai o baro rai das kowa dui kope suni, penell menge, te krell o Dewel kowa tchatchepah, un te krell lo les sik.

1. Mose 41:54

Un palle wan kol bersha, kai bokenn le, jaake har o Josef penas. Un an i tsele themma bokan le. Kokres an o them Egiptia his doha chapaske.

1. Mose 47:4

Un jon penan ninna: “I bok hi baro an o them Kanaan. Hi kek senlepen chapaske mare bakrenge. Doleske wam mer, te atchas i tsiro kai. Kanna mangah tut, miro rai, muk men te djiwell an o them Gosen.”

2. Samuel 21:1

An ko tsiro, kai o David djiwas, was i bari bok pral o them, un i menshen his triin bersh tchi te chal. Un o David putchas o baro Deblestar, hoske kowa jaake hi. Un o baro Dewel penas: “Ap o Saul un ap leskro kheer hi i rateskri doosh tchiddo, doleske, kai o Saul das kol Gibeonarjen mulo.”

2. Samuel 24:13

Jaake was o Gad pash o Davideste un penas leske kowa, un putchas lestar: “Kameh tu, te well triin bersh i bari bok an tiro them? Kameh, te nashess triin tchon kolendar krik, kai kamenn tut te marell un lenn tut palla? Kameh, te well triin diwessa i baro nasslepen an tiro them? Kanna muk kowa an tiro shero trujel te djal! Palle pen mange, hoi me ap koleste penap, kai bitchras man!”

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

1. Rajengro liil 18:2

Un o Elija kras pes ap o drom, te mukell lo pes glan o Ahab te dikell. An o them Samaria his i bok soreles.

2. Rajengro liil 4:18

Har ko ternepen baro his, was i diwes, kai djas job pash peskro dadeste, kai win pash i tchinepangre hi,

2. Rajengro liil 4:36

Un o Elisa das pal o Gehasi gole un penas: “De o tchaweskri dai gole!” Har job lat gole das, was joi dren pash o Elisa. Koi penas job: “Ake, le tiro tchawes!”

2. Rajengro liil 4:38

Har o Elisa pale an Gilgal was, his i menshen tchi te chal an ko them. Un har kol Debleskre rakepangre glan leste beshdo his, penas job ap peskro budepaskro: “Le i bari piri un kere lenge i summi chapaske.”

2. Rajengro liil 7:20

Jaake was kowa pral leste: Kol menshe stakran les khetne pash ko baro wudar jaake, kai meras lo.

2. Rajengro liil 8:2

Koi djuwel djas un kras har ko Debleskro mursh penas, un djas peskre menshentsa an ko them, kai kol Filistarja djiwenn, un djiwas efta bersha kote.

Debleskri gili 105:16

Un job mukas i bari bok an o them te well, te das buder kek maro.

Debleskri gili 107:34

Jaake was i phub, kai bud djob un senlepen baro was, i mulo londo them. Kowa kras lo dran o tchilatchepen kol menshendar, kai kote djiwenn.

Jeremia 25:29

Shunenn, ko foro, hoi pal mande kharedo hi, hi kowa, kai anau i bibacht glanstunes ap leste. Patsenn tumer, kai lenn gar tumari phagi? Na-a! Tumer ninna lenn tumari phagi. Me bitchrau o kurepen pral halauterende, kai djiwenn ap kai phub. Kowa penell o baro Dewel, ko rai pral o bolepen un i phub.

3. Mose 26:26

Tumen well buder gar doha djob, te pekenn maro. Deesh djuwja nai pekenn pengro maro an jek bob. O maro well ap i waga tchiddo, un hakeno lell i kotar. Un tumer chan un wenn gar tchalo.

Amos 4:6

Me hom kowa, kai bitchras i bok an tumare tsele forja. Ninna te his tumen gar doha chapen an o tselo them, wan tumer gar pale pash mande, penell o baro Dewel.

Haggai 1:11

Doleske penom, te well kek brishin pral tumaro them, pral i berge, pral o them, kai o djob, i drake un i djeteskre ruka bares wenna, un pral halauter, hoi dran i phub well, ninna pral i menshende un i viechende. Kowa, hoi tumare wastentsa krenn, djal tumenge buder gar mishto.

Louka 21:11

Un kai te koi well i phub soreles trisslemen. An bud themma hi i menshen gar doha te chal, un baro nasslepen well ap lende. Un jon dikenn i baro koowa ap o bolepen, hoi krell lenge bari daar.

Louka 21:22

An kol diwessa well o Debleskri choli ap i menshende tele. Palle well lauter tchatcho, hoi an o Debleskro lab tchinlo hi.

Louka 4:25

Tchatchepah, me penau tumenge: Ap ko tsiro, kai o Debleskro rakepaskro Elija djiwas, djiwan bud djuwja, kolengre mursha mulo hi, an o them Israel. Ap ko tsiro das triin-te-paash bersha kek brishin. Un i bari bok was an o tselo them.

Bičepangre 11:28

Jek lendar his o Agabo. Job stas mashkral i patslende pre, un penas glan-wi, hoi o Debleskro Ducho leske penas, te well i bari bok pral i tseli phub. Un har o Klaudio o baro rai an o foro Rom his, was kowa jaake.

Ruth 1:1

An ko tsiro, har i tchatchepangre mursha i raja pral o Israel his, was i bari bok an o them. Un i mursh dran o foro Betlehem an o them Juda djas an o them Moab, te djiwell lo koi peskri romjah un peskre dui mursh tchawentsa.